Morgunblaðið - 05.05.2001, Side 19

HÖFUÐBORGARSVÆÐIÐ
MORGUNBLAÐIÐ LAUGARDAGUR 5. MAÍ 2001 19
NÝR skóli í Grafarholti tekur
til starfa í haust. Ekki er nóg
með að skólinn sé nafnlaus,
heldur á eftir að byggja hann
auk þess sem ekki er vitað
hversu margir nemendur
verða í honum á fyrsta starfs-
árinu. Þrátt fyrir alla þessa
óvissu er skólastjórinn óbang-
inn að takast á við starfið
framundan.
Að sögn Guðlaugar Stur-
laugsdóttur, sem mun stýra
hinum nýja skóla, er gert ráð
fyrir allt að 400 nemendum í
skólanum í framtíðinni.
Hversu margir verða næsta
haust er hins vegar óljóst. „Við
vitum ekki hvað við verðum
með marga, það gætu orðið
allt frá 50 og upp í 80. Það
verður sem sagt fámennt hjá
okkur næsta vetur en alveg
örugglega góðmennt,“ segir
hún og bætir því við að þegar
séu um 20 nemendur búnir að
innrita sig í skólann og vel
gangi með ráðningu kennara.
Guðlaug býst við að til að
byrja með ráði hún fimm
kennara fyrir utan skóla-
stjórnendur og fjölgi þeim svo
eftir því sem þörf verður á. Á
þessu fyrsta starfsári verða
nemendur í fyrsta til sjöunda
bekk í skólanum en svo verður
bekkjardeildunum bætt við
einni og einni árin þar á eftir.
„Þannig að þetta fer rólega
af stað og við gefum okkur
góðan tíma í aðlögun og að
undirbúa starfið,“ segir hún.
Notalegt bráðabirgða-
húsnæði á leiðinni
Ekki er hægt að reka skóla
án húsnæðis og þó að langt sé í
að skólahúsnæðið verði tilbúið
verða börnin ekki á götunni.
„Það er talað um að við verð-
um tvö ár í bráðabirgðahús-
næði,“ segir Guðlaug.
„En það er munur á bráða-
birgðahúsnæði og bráða-
birgðahúsnæði. Húsin sem við
fáum eru úr timbri og þau eru
öll tengd þannig að það er inn-
angengt alls staðar á milli. Ég
er búin að vera í þessum hús-
um áður sem skólastjóri í
Borgaskóla og ég kvíði því
ekki neitt því það er mjög
notalegt andrúmsloft í þessum
húsum, sérstaklega fyrir yngri
börnin. Og það verður þokka-
lega rúmt um okkur þó að
nemendurnir verði 80. Við
skipuleggjum okkur miðað við
það að þeir verði það margir til
að byrja með.“
Von er á húsunum í byrjun
júní þannig að allt ætti að
verða tilbúið þegar starfið
hefst í haust.
Undirbúningsvinnu sér-
staks stýrihóps fyrir skóla-
starfið framundan lauk í vik-
unni og að sögn Guðlaugar
tekur nú við yfirferð banda-
rísks sérfræðings áður en nið-
urstöður vinnunnar verða
kynntar hinn 8. júní næstkom-
andi. „Við erum bæði búin að
fara í gegn um kennslufræðina
og hönnunaratiði og gera okk-
ur hugmyndir um hvers konar
byggingu við þurfum utan um
það starf sem við ætlum að
vera með.“ Í stýrihópnum er
fólk víðsvegar úr þjóðfélaginu,
kennarar, fulltrúar fræðsluyf-
irvalda, byggingahönnuðir,
pólítíkusar, fulltrúar foreldra,
kennara, verkfræðinga og
stuðningsfulltrúa, garðyrkju-
maður og svo mætti lengi
telja.
Undirbúningurinn hófst í
febrúar og hefur hann verið
mjög gefandi, að sögn Guð-
laugar. „Þetta er búið að vera
mjög skemmtilegt og mikils
virði fyrir mig að fá þessa ólíku
sýn á þetta. En samt sem áður
komust menn nokkurn veginn
að svipaðri niðurstöðu um
hvernig við vildum hafa þetta
og ég vona að þeir fylgi því
svolítið eftir með mér og hafi
svolítið eftirlit með því að við
gerum það sem ákveðið var.“
„Gerist ekki í
einum hvelli“
En hvað kemur þá til með
að einkenna starfið í hinum
nýja skóla? „Þetta er ný sýn á
skólastarfið þótt auðvitað sé
ekkert alveg nýtt undir sól-
inni. En við ætlum að prófa að
gera þetta á einhvern annan
hátt en venjulega,“ segir Guð-
laug og útskýrir það nánar.
„Til dæmis erum við ekkert
viss um að við verðum með
þetta hefðbundna bekkjakerfi
þó að við aldursskiptum að
einhverju leyti því krakkar
þurfa félagsskapinn og vilja
vera í einhvers konar hópum.
Hins vegar er þróunin sú að
skólastarfið er orðið miklu ein-
staklingsmiðaðra og við erum
farin að horfa miklu meira á
hvað hver nemandi þarf.
Kannski verður þetta líka svo-
lítið þemabundnara því við
munum vinna svolítið eftir
þemum og tengja námið inn í
þau.“
Guðlaug segir ljóst að þetta
muni ekki gerast í einum hvelli
og því verði fínt að hafa þessi
tvö ár til undirbúnings og
hönnunar skólans þannig að
kennararnir geti komið að
þeirri vinnu. Og það er greini-
legt að það er hugur í hinum
nýja skólastjóra því að hún
segir veturinn leggjast mjög
vel í sig. „Ég hlakka bara til að
fara að vinna,“ segir hún að
lokum.
Ný sýn á skólastarfið
Morgunblaðið/Árni Sæberg
Guðlaug ásamt núverandi nemendum sínum í Korpuskóla.
Grafarholt
HAMRASKÓLI fór með sig-
ur af hólmi í spurn-
ingakeppni milli grunnskóla
í Grafarvogi og Mosfellsbæ,
sem haldin var í Borgarholts-
skóla í fyrrakvöld í rífandi
stemmningu. Er þetta í
fyrsta sinn sem slík keppni er
haldin og var eitt markmiða
hennar að efla tengsl milli
þessara skólastiga. Alls tóku
sex grunnskólar þátt; Engja-
skóli, Foldaskóli, Hamra-
skóli, Húsaskóli, Rimaskóli í
Grafarvogi og Varmárskóli í
Mosfellsbæ.
Um 50 manna stuðningslið
mátti koma frá hverjum
skóla og þar á meðal voru
tveir piltar, Hörður Aron
Harðarson og Sigurður
Vignir Jóhannsson, báðir
nemendur í 8. bekk Húsa-
skóla. „Við erum með lið í
keppninni,“ sögðu þeir í sam-
tali við blaðamann, sem tókst
að fá þá augnablik úr hring-
iðunni.
„Það var félagsstarfskenn-
arinn í skólanum sem valdi
það. Það var gengið í bekki
um morguninn á keppnisdeg-
inum og sagt frá þessu. Flest-
ir voru þá reyndar búnir að
ráðstafa kvöldinu, svo að það
komu færri til að horfa á en
annars hefðu komið.“
„Frekar erfiðar
spurningar“
Þeir félagar kváðust hafa
fylgst grannt með „Gettu
betur“ í sjónvarpinu og fund-
ist þættirnir rosalega
skemmtilegir; þessi keppni
fylgdi nokkurn veginn sömu
reglum og eins og þar voru í
hverju liði þrír keppendur.
Að þeirra sögn er reynt að
hafa spurningarnar sem fjöl-
breyttastar. „Það er meðal
annars farið í almennar gát-
ur, kvikmyndir og tónlist,
jafnvel í málfræði. Einnig
landafræði, bókmenntir,
sögu og íþróttir og allt það.
Þetta eru frekar erfiðar
spurningar.“
Skyldi vera þörf fyrir
svona keppni á grunn-
skólastigi?
„Já, tvímælalaust. Þetta
gerir það að verkum að nem-
endur fara að auka þekkingu
sína til að geta staðið sig sem
best. Við vitum ekki hvort
verður framhald á þessu eða
keppnin taki yfir fleiri skóla
á Reykjavíkursvæðinu næst
eða hvað, en vonum að hún
verði áfram næstu árin og
vonandi um alla framtíð, en
hún þarf að fá að þróast, eins
og er með alla hluti,“ sögðu
þeir Hörður og Sigurður,
ánægðir með þetta framtak.
Heimasmíðaður
farandbikar
Það var spurningalið
Borgarholtsskóla úr „Gettu
betur“ sem sá um að semja
spurningarnar, spyrja,
dæma og telja stigin, en
Bjarni Jóhannsson íþrótta-
kennari var kynnir. Allir
þátttakendur fengu boli fyrir
þátttökuna og sigurliðið að
auki farandbikar sem smíð-
aður var af nemendum Borg-
arholtsskóla. Rimaskóli og
Hamraskóli fóru í úrslit og
bar Hamraskóli sigur úr být-
um, eins og áður var nefnt.
Engjaskóli fékk hins vegar
verðlaun fyrir besta klapp-
liðið.
Athygli vakti, að lögreglan
var á staðnum þegar Morg-
unblaðið bar að garði. Við
nánari eftirgrennslan kom í
ljós, að lögreglumennirnir
höfðu átt leið þar hjá, séð að
eitthvað var um að vera og
ákveðið að kanna málið. Ef-
laust hafa þeir glaðst yfir
þeim anda sem ríkti meðal
vímulausra unglinganna, því
þeir stöldruðu við og fengu
sér kaffi og fylgdust með
spurningakeppninni af
áhuga.
Spurningakeppni milli sex grunnskóla í nágrannasveitarfélögum haldin í fyrsta sinn
Sigurður Vignir Jóhannsson og Hörður Aron Harðarson í
8. bekk Húsaskóla eru ánægðir með spurningakeppnina
milli grunnskólanna og vilja hafa hana á hverju ári.
Morgunblaðið/Kristinn
Mikil spenna var í keppninni enda stóðu liðin sig vel og stuðningsmenn hvöttu sitt fólk af krafti.
Rífandi
stemmning
Mosfellsbær/Grafarvogur
ÁFENGIS- og tóbaksversl-
un ríkisins opnaði verslun í
Spönginni 31 í Grafarvogi í
gær og kynnti um leið nýtt
útlit sem undirstrikar aukna
áherslu á vínsölu fremur en
áfengissölu.
Að sögn Höskulds Jóns-
sonar, forstjóra ÁTVR, er
verslunin með 400 tegundir
til sölu sem er svipað og í
stærri áfengisverslunum að
Kringlunni og Heiðrúnu
undanskildum. Hann segir
fjölda nýjunga í versluninni:
„Það sem vekur kannski
fyrst athygli utanfrá er að
yfir versluninni er stórt
skilti sem á stendur „Vín-
búð“ og orðið er klofið í
sundur með rauðum vínber-
jaklasa sem við munum
framvegis nýta sem einkenni
verslunarinnar.“
Höskuldur segir að með
útliti verslunarinnar sé
fremur verið að leggja
áherslu á vínsöluna en annað
áfengi en innandyra er hún
máluð í rauðum lit sem er
slitinn í sundur með eikar-
listum. Sömu liti er að finna í
hillum og klæðnaði starfs-
fólks og að sögn Höskulds
munu aðrar verslanir sem
opnaðar verða á árinu verða
í svipuðum stíl. „Þá er í
versluninni aðstaða til að
pakka inn vörum fyrir þá
sem vilja setja sellófan utan
um flöskur eða eitthvað
álíka,“ segir hann.
Opnunartími verslunar-
innar er lengri en gengur og
gerist með verslanir ÁTVR
og tekur mið af opnunartíma
flestra verslana í nágrenn-
inu. Þannig verður opið frá
kl. 14–19 mánudaga til
fimmtudaga, frá kl. 12–20
föstudaga og 12–16 á laug-
ardögum.
Verslun ÁTVR
í Spönginni
Grafarvogur
Morgunblaðið/Jim Smart
Fjölmargar nýjungar eru í nýju vínbúðinni í Spönginni
og er litavalið annað en fólk á að venjast.