Morgunblaðið - 05.05.2001, Qupperneq 25

VIÐSKIPTI
MORGUNBLAÐIÐ LAUGARDAGUR 5. MAÍ 2001 25
ÁÐUR en gengisvísitala krónunnar
tók að hækka verulega fyrir rúmlega
mánuði var áætlað að í gangi væru
framvirkir samningar og skipta-
samningar að upphæð um 60 millj-
arðar króna á markaðnum í heild
sinni. Undanfarið hefði hins vegar
verið mikið um lokanir á slíkum
samningum og sennilega væri upp-
hæðin í dag um 30 milljarðar króna.
Ingólfur Bender hagfræðingur
hjá Íslandsbanka-FBA sagði að
skýringin á þessu væri sú að aðilar
hefðu að stórum hluta verið með
slíka samninga á grundvelli fyrrver-
andi vikmarka krónunnar og litið á
það sem einskonar gengistryggingu,
en þegar sú forsenda væri ekki leng-
ur fyrir hendi hefðu þessir aðilar
kosið að loka sínum samningum.
Hjá Kaupþingi fengust þær upp-
lýsingar að upp á síðkastið hefðu
menn verið varkárari í að fara í
samninga sem tengdust vaxtamun á
krónunni, en síðastliðna tvo daga
hefði þó orðið vart við meiri áhuga á
slíkum samningum. Algeng skoðun
markaðsaðila á gengislækkuninni nú
í vikunni væri þó sú að hún hefði í
raun ekki átt sér sterkan efnahags-
legan eða viðskiptalegan grundvöll
utan millibankamarkaða. Þess vegna
héldu menn að sér höndum með að
fara inn í nýja samninga og dregið
hefði úr því að veðjað væri á enn
frekari lækkun krónunnar.
Arnar Jónsson, sérfræðingur í
gjaldeyrisviðskiptum hjá Lands-
banka Íslands, segir að frekar lítið sé
um að fyrirtæki séu að selja krónur
og taka stöður í erlendri mynt. Þeir
sem ætluðu sér að gera framvirka
samninga með þessum hætti eru
búnir að því og lítið um slíka samn-
inga þessa vikuna. „Þetta skýrir að
einhverju leyti fall krónunnar frá
síðustu tveimur mánuðum. Það að
fyrirtækin hafa viljað draga úr
skuldsetningu í erlendri mynt og
auka vægi krónunnar hefur auðvitað
haft áhrif á lækkun krónunnar.“
Arnar segir að menn hafi lítið gert
af því að selja gjaldeyri undanfarið
enda lítill gjaldeyrir til að selja. Það
er því lítið um framvirka samninga
núna.
Árni Maríasson, forstöðumaður
hjá Búnaðarbanka Íslands, segir að
fyrirtæki hafi áhuga á því að gera
framvirka samninga og með vakandi
auga fyrir því en stærstur hluti
þeirra hefur ekki gert slíka samn-
inga.
Hann segir að það séu aðallega
fyrirtæki með tekjur í erlendri mynt
sem hafi gert slíka samninga en ekki
sé verið að gera framvirka samninga
í hina áttina.
Samningar fyrir 30
milljarða í gangi
Mikið um lokanir á framvirkum samningum vegna breyttrar gengisstefnu Seðlabanka Íslands
FINCH, alþjóðlegalánshæfismats-
fyrirtækið gefur Landsbanka Ís-
lands hf. lánshæfiseinkunnina A fyr-
ir langtímalán og F1 fyrir
skammtímalán en einkunnin F1 er
hæsta einkunn sem fyrirtækið gefur.
Jafnframt gaf Fitch bankanum C
fyrir sjálfstæðan fjárhagslegan
styrkleika og stuðningseinkunnina 2.
Þetta er nokkuð betri einkunn en
Landsbankinn fékk frá Moody’s þar
sem sérfræðingar Fitch telja ekki
vera ástæðu til að hafa áhyggjur af
hlutfalli lána bankans til sjávarút-
vegsins enda endurspegli það ein-
faldlega mikilvægi sjávarútvegsins
fyrir íslenska hagkerfið.
Gunnar Þ. Andersen, fram-
kvæmdastjóri Alþjóða- og fjármála-
sviðs Landsbankans, segir að enginn
íslenskur aðili hafi fengið betri láns-
hæfiseinkunn hér á landi að íslenska
ríkinu einu undanskildu.
Í fréttatilkynningu frá Fitch kem-
ur fram að lánshæfismatið undir-
strikar sterka stöðu Landsbankans á
innlendum markaði og víðfeðmt
dreifikerfi. Matið endurspegli enn-
fremur hátt gæðastig útlána, að-
haldssamt áhættustig, viðunandi
eiginfjárstöðu og jafnframt er bent á
að hagræðingarmöguleikar innan
bankans séu miklir.
„Þetta lánshæfismat Fitch er
mjög jákvætt fyrir Landsbankann
og styrkir enn frekar ímynd hans á
alþjóðamörkuðum. Jafnframt er
matið stuðningur við þá stefnumótun
og aðgerðir sem stjórnendur hafa
unnið markvisst að á undanförnum
misserum,“ segir Gunnar.
Fitch gefur
Landsbanka
góða einkunn
TAP Skeljungs fyrstu þrjá mánuði
ársins nam 44 milljónum króna en
113 milljón króna hagnaður varð árið
2000. Fjármagnsliðir hjá félaginu
fyrstu þrjá mánuði ársins 2001 eru
neikvæðir um 135 milljónir króna,
þar af nemur gengistap 121 milljón
króna. Á sama tíma árið 2000 voru
fjármagnsliðir Skeljungs hf. jákvæð-
ir um 8 milljónir króna og gengis-
hagnaður nam 14 milljónum króna.
Á stjórnarfundi hjá Skeljungi í
gær kom fram, að áætlað gengistap
Skeljungs hf. frá 1. apríl síðastliðn-
um til dagsins í dag nemur u.þ.b. 500
milljónum króna. Frá upphafi árs til
dagsins í dag nemur því áætlað
gengistap félagsins u.þ.b. 620 millj-
ónum króna. Í ofangreindu 3ja mán-
aða yfirliti er áhrifa sjómannaverk-
falls ekki farið að gæta, en það hófst
1. apríl síðastliðinn. Stjórnendur
Skeljungs hf. gera því ráð fyrir að
tap verði á rekstri félagsins við end-
urskoðað sex mánaða uppgjör.
Fyrstu þrjá mánuði ársins nam sala
félagsins 3,4 milljörðum króna en 2,7
milljörðum árið áður.
Hagnaður hefur verið af rekstri
Skeljungs hf. undanfarin liðlega
tuttugu ár, að því er fram kemur í
fréttatilkynningu.
Skeljungur
með 44 millj-
ónir í tap
♦ ♦ ♦