Morgunblaðið - 18.05.2001, Qupperneq 19

AKUREYRI
MORGUNBLAÐIÐ FÖSTUDAGUR 18. MAÍ 2001 19
GUÐLAUGUR Aðalsteinsson á
Akureyri og félagar hans urðu
vitni að því þegar íbúðarhúsið á
eyðibýlinu Ytri-Bakka í Keldu-
hverfi hrundi í Jökulsá á Fjöllum,
þar sem hún heitir Bakkahlaup.
Guðlaugur var ásamt félögum sín-
um að tína gæsaegg á þessum
slóðum, en atburðurinn varð
skömmu eftir hádegi síðasta laug-
ardag.
„Ég gekk þarna hjá um morg-
uninn og sá þá strax í hvað stefndi,
en áin var þá búin að grafa undan
gólfi hússins og það stóð fram af
bakkanum,“ sagði Guðlaugur. Þeg-
ar húsið svo hrundi í ána var hann
staddur handan árinnar í 2-3 kíló-
metra fjarlægð. „Mér varð litið yf-
ir og trúði vart mínum eigin aug-
um þegar ég sá húsið steypast
ofan í ána. Það var afskaplega sér-
kennilegt að verða vitni að þessu,“
sagði hann.
Guðlaugur hefur komið á þessar
slóðir að minnsta kosti árlega síð-
ustu 10 til 12 ár og fylgst með því
að áin færðist sífellt nær húsinu.
„Þetta var óvenju reisulegt hús og
ég hélt mikið upp á það, á m.a.s.
málverk af því í stofunni heima hjá
mér,“ sagði Guðlaugur. Hann
kvaðst vita til þess að á árunum
kringum 1930 til 1940 þegar síð-
ustu ábúendur þess hófu þar sinn
búskap hafi húsið var 87 metra frá
ánni, en í þeirra tíð hafi áin færst
eitthvað nær húsinu.
Trúði vart
eigin augum
Kelduhverfi
Eyðibýlið á Ytri-Bakka sem stóð á bökkum Jökulsár á Fjöllum
hrundi ofan í ána síðastliðinn laugardag.
Sá íbúðarhúsið á Ytri-Bakka
hrynja í Jökulsá á Fjöllum
Morgunblaðið/Guðlaugur Aðalsteinsson
HELGISTUND verður í Stærri-
Árskógskirkju á morgun, laugar-
daginn 19. maí kl. 15.30.
Á eftir verður kórinn með kaffi-
sölu í Árskógi og mun syngja þar
nokkur lög. Einnig verður helgi-
stund í Hríseyjarkirkju kl. 20.30.
Í báðum kirkjum ætlar Kór
Stærri-Árskógskirkju að syngja
lög úr rokkóperunni „Jesús Guð
dýrlingur“ (Jesus Christ Super-
star). Rokkóperan er eftir Andrew
Lloyd Webber og Tim Rice í þýð-
ingu sr. Hannesar Arnar Blandons
prófasts og Emelíu Baldursdóttur.
Í söngvunum er sögð sagan af at-
burðum dymbilviku séð frá sjón-
arhorni Júdasar. Í helgistundunum
verður sagan rakin í tali og tónum.
Þessi þekkti söngleikur er mörg-
um kunnur og ættu því flestir að
geta notið þessara helgistunda.
Jesús Kristur
dýrlingur
Dalvíkurbyggð, Hrísey
Hríseyjarprestakall
JARÐVERK ehf. á Dalvík átti
lægsta tilboð í gatnagerð og lagnir
í Giljahverfi og hefur framkvæmda-
ráð Akureyrarbæjar samþykkt að
taka tilboði fyrirtækisins.
Jarðverk bauðst til að vinna
verkið fyrir 19,5 milljónir króna,
sem 86% af kostnaðaráætlun, sem
hljóðaði upp á 22,9 milljónir króna.
Alls buðu fjögur fyrirtæki í verk-
ið en hin tilboðin þrjú komu frá ak-
ureyskum fyrirtækjum. Fyrirtækið
GV gröfur ehf. bauð 21,8 milljónir
króna, eða 95% af kostnaðaráætlun,
G. Hjálmarsson bauð 22,6 milljónir
króna eða 99% og Möl og sandur
hf. bauð tæpar 23,9 milljónir króna,
eða 104% af kostnaðaráætlun.
Jarðverk
bauð lægst
Dalvík
Gatnagerð og
lagnir í Giljahverfi
VETRARSTARFI Tónlistarskóla
Dalvíkur lýkur að þessu sinni með
fernum tónleikum.
Í dag, föstudaginn 18. maí,
verða haldnir tónleikar fyrir nem-
endur Húsabakkaskóla og Ár-
skógsskóla kl. 16.00 í Rimum og
kl. 18.00 í Félagsheimili Árskógs-
strandar.
Vortónleikar nemenda á Dalvík
verða í Dalvíkurkirkju mánudag-
inn 21. maí kl. 17 og 19. Að loknum
hverjum tónleikum verða einkunn-
ir afhentar.
Fernir
tónleikar
Dalvík
Tónlistarskóli Dalvíkur
♦ ♦ ♦
♦ ♦ ♦