Morgunblaðið - 19.05.2001, Qupperneq 6
FRÉTTIR
6 LAUGARDAGUR 19. MAÍ 2001 MORGUNBLAÐIÐ
SENDIRÁÐ Japana á Íslandi var
opnað formlega í gær, föstudag,
þegar sendiherrann, Masao Kawai,
afhenti forseta Íslands trún-
aðarbréf sitt. Sendiherrann hélt
veislu í tilefni opnunarinnar og
bauð fjölda gesta, m.a. Davíð Odds-
syni forsætisráðherra og Halldóri
Ásgrímssyni utanríkisráðherra.
Skrifstofa sendiráðsins tók til
starfa í lok febrúar sl. og er bráða-
birgðahúsnæði sendiráðsins við
Hagatorg í Reykjavík.
Japanski sendiherrann er jafn-
framt sendiherra Japana í Noregi
og situr í Ósló.
Morgunblaðið/Golli
Japanski sendiherrann á Íslandi, Masao Kawai, ásamt Halldóri Ásgrímssyni utanríkisráðherra og konu hans,
Sigurjónu Sigurðardóttur, við opnun sendiráðsins síðdegis í gær.
Japanska sendiráðið
á Íslandi opnað
Á SÍÐASTA borgarstjórnarfundi
var lögð fram tillaga um að Reykja-
víkurborg beitti sér fyrir stofnun
sjóminjasafns Reykjavíkur. Safnið
yrði á hafnarsvæðinu eða í nágrenni
þess og yrði framkvæmdin unnin í
samvinnu við aðila sem áhuga hafa á
málinu. Vilhjálmur Þ. Vilhjálmsson,
sem flutti tillöguna fyrir hönd sjálf-
stæðismanna, segir hana hafa hlotið
nokkuð góðar undirtektir en henni
var vísað til borgarráðs til frekari
meðferðar.
„Margir merkir munir sem tengj-
ast sjósókn, útgerð og fiskvinnslu í
Reykjavík hafa glatast á undanförn-
um árum og áratugum þrátt fyrir
ágætt starf safna, einstaklinga og
fyrirtækja í þessum efnum. Ég tel
mikilvægt að sem fyrst verði gerð út-
tekt á þessu máli og athugað hvaða
munir eru enn til,“ segir Vilhjámur.
Aðdráttarafl fyrir
ferðamenn
Hann segir að sjóminjasafn myndi
auka gildi varðveislu sögulegra
muna, auka fjölbreytni í safnaflóru
borgarinnar og auk þess hafa mikið
aðdráttarafl fyrir innlenda og er-
lenda ferðamenn. „Ég geri mér
grein fyrir að hér er um kostnaðar-
sama framkvæmd að ræða og því er
nauðsynlegt að sem flestir aðilar
ásamt Reykjavíkurborg tækju þátt í
henni, til dæmis má nefna Eimskip,
Samskip, LÍÚ, SÍF, SH, Sjómanna-
félag Reykjavíkur og Sjómanna-
dagsnefnd.“
Sjóminja- og
sædýrasafn
Vilhjálmur flutti tillögu svipaðs
efnis í hafnarstjórn um áramótin
1992–1993 og var hún þá samþykkt.
„Borgarstjóra var falið að vinna með
málið en á þeim tíma var greinilegt
að viðhorf til málsins voru ekki nægi-
lega þroskuð. Síðan hafa viðhorfin
breyst og nú er mikill áhugi og
stuðningur við sjóminjasafn og jafn-
vel sædýrasafn í tengslum við það.
Mér finnst tími til kominn að
Reykjavíkurborg komi upp slíku
safni líkt og mörg minni sveitarfélög
hafa gert vítt og breitt um landið.“
Sjálfstæðismenn með tillögu um
sjóminjasafn í Reykjavík
Margir merkir
munir tengdir sjó-
sókn hafa glatast
„UPPSVEIFLA síðastliðinna ára
hefur ekki verið notuð til að greiða
niður skuldir Reykjavíkurborgar og
tel ég það lykilatriði í niðurstöðum
ársreikninga borgarinnar,“ segir
Inga Jóna Þórðardóttir, oddviti
sjálfsstæðismanna, í gagnrýni sinni
á niðurstöðu ársreikninganna sem
ræddir voru á fundi borgarstjórnar í
fyrradag. Annað meginatriði þeirra
segir Inga Jóna vera, að þeir sýni af-
leiðingar þeirrar nýju pólitísku
stefnu meirihlutans að fara út í
áhættusaman samkeppnisrekstur
fyrirtækja eins og t.d. fjarskiptafyr-
irtækisins Línu.nets.
Tekjur fóru í aukningu
útgjalda
„Reykjavíkurborg hefur búið við
einstakt tekjuumhverfi síðustu ár
bæði vegna góðæris og skattahækk-
ana á íbúa borgarinnar. Hver íbúi í
Reykjavík borgaði á síðasta ári
197.000 krónur í beina skatta en
þetta væru 157.000 krónur væru
sömu viðmið notuð og árið 1997. Er
þá ótalin hækkun á ýmsum öðrum
gjöldum eins og t.d. holræsagjaldi og
gatnagerðargjöldum. Þessi mikla
aukning skatttekna umfram verðlag
hefur ekki verið notuð til að greiða
upp skuldir eða búa í haginn fyrir
framtíðina.“
Hún segir skatttekjur að stórum
hluta hafa farið í aukningu útgjalda
sem á fjórum árum hafi hækkað um
rúma 3,5 milljarða að undanskildum
lífeyrisskuldbindingum. „Útgjöldin
voru 13,6 milljarðar en hafa hækkað
í 17,3 milljarða sem þýðir 27% hækk-
un fyrir utan lífeyrisskuldbindingu.
„vissulega hefur náðst sá árangur
á undanförnum árum að hallarekst-
ur er ekki til staðar en ég spyr hvort
ekki skuli þakka það hinni miklu
efnahagslegu uppsveiflu. Fari tekj-
urnar að dragast saman stendur
borgin á veikum grunni fjárhags-
lega.“ Inga Jóna segir skuldalækkun
borgarsjóðs upp á 1,5 milljarða sam-
svara nánast þeirri upphæð sem kom
inn vegna sölu Sjúkrahúss Reykja-
víkur. Hefði salan ekki komið til væri
ekki hægt að sýna fram á skulda-
lækkun.
Fjárfestingar úr
böndunum
Hún segir ársreikninginn birta af-
leiðingar nýrrar pólitískrar stefnu
meirihlutans sem felist í áhættusöm-
um samkeppnisrekstri. „Af 5,2 millj-
arða heildarskuldaaukningu borgar-
innar á síðasta ári fóru aðeins 1,2
milljarðar af henni í framkvæmdir
Orkuveitu Reykjavíkur. Skýringu á
því sem eftir er, má að mestu leyti
finna í rekstri fyrirtækja sem meiri-
hlutinn kaus að fara út í. Ber þar
helst að nefna rekstur fjarskiptafyr-
irtækisins Línu.nets sem fór í 1 millj-
arð á síðasta ári.“
Þá gagnrýnir Inga Jóna skulda-
aukningu hjá Reykjavíkurhöfn.
„Reiknað var með 135 milljóna króna
hagnaði hjá Reykjavíkurhöfn en í
staðinn varð 15 milljón króna tap á
rekstri hennar. Skýringin er að hluta
til fólgin í því að hún var látin taka
lán sem var notað til að kaupa upp
eignir á svæðinu fyrir 400 milljónir
króna, verð sem við sjálfstæðismenn
töldum allt of hátt.“
Oddviti sjálfstæðismanna segir að
þó að fjárhagsáætlun standist í aðal-
atriðum eftir leiðréttingar hafi kom-
ið í ljós að fjárfestingarliður hennar
hafi farið mikið úr böndunum. Í um-
ræðunni á borgarstjórnarfundi hafi
komið fram að sá þáttur hennar
verði skoðaður betur og að borgar-
stjóri hafi lofað að leggja fram frá-
vikagreiningu vegna fjárfestinga.
Inga Jóna Þórðardóttir, oddviti sjálfstæðismanna,
gagnrýnir niðurstöðu ársreikninga Reykjavíkurborgar
Auknar tekjur fóru
ekki í greiðslu skulda
FIMMTI ársfundur Rafmagns-
veitna ríkisins, Rarik, var haldinn á
Blönduósi í gær. Meginstarfsemi
Rarik var með hefðbundnu sniði árið
2000. Rekstrartekjur fyrirtækisins
voru 5.071 milljón króna. Rekstrar-
gjöld ársins önnur en afskriftir og
vextir námu 4.066 milljónum króna
og voru orkukaup tveir þriðju hlutar
kostnaðarins.
Rekstrarhagnaður fyrir afskriftir
og vexti var 1.005 milljónir króna
sem er 19% meira en árið áður. Þrátt
fyrir þennan árangur varð 210 millj-
óna króna halli á rekstri fyrirtæk-
isins sem stafar fyrst og fremst af
óhagstæðri gengisþróun. Rarik fjár-
festi fyrir 605 milljónir króna í veitu-
kerfum á árinu 2000 og 215 milljónir
fóru í dreifikerfi Rafveitu Hvera-
gerðis en heildarfjárfestingar námu
845 milljónum króna. Eignir fyrir-
tækisins um síðastliðin áramót voru
14.345 milljónir króna og eigið fé
10.668 milljónir.
80.000 staurar standa
undir dreifikerfinu
Fram kom í máli Kristjáns Jóns-
sonar rafmagnsveitustjóra að undir
þessu öllu stæði raflínukerfi sem
væri 8.000 km að lengd en það svarar
til að þeir 80.000 staurar sem bera
línuna uppi næðu frá Íslandi til
Kyrrahafsstrandar Bandaríkjanna.
Stjórn Rariks var endurkjörin en
hana skipa Sveinn Þórarinsson for-
maður, Árni Johnsen, Benóný Arn-
órsson, Ingibjörg Sigmundsdóttir,
Pálmi Jónsson, Stefán Guðmunds-
son og Sveinn Ingvarsson.
Fimmti ársfundur RARIK á Blönduósi
Fjárfest fyrir
845 milljónir
króna í fyrra
Blönduósi. Morgunblaðið.
Morgunblaðið/Jón Sigurðsson
Kristján Jónsson rafmagns-
veitustjóri flytur skýrslu á árs-
fundi RARIK á Blönduósi.