Morgunblaðið - 19.05.2001, Page 22

LANDIÐ
22 LAUGARDAGUR 19. MAÍ 2001 MORGUNBLAÐIÐ
Margar gerðir
og stærðir
Verð frá
kr. 75.500
Útiarinn/grill
úr náttúrulegu efni
VORHRETIÐ sem gekk yfir Norð-
ur-Hérað er nú gengið yfir og sum-
arið komið að því er fróðustu menn
telja.
Hretið það arna kom ekki alveg á
óvart, Hjörtur Kjerúlf bóndi á
Hrafnkelsstöðum í Fljótsdal var bú-
inn að spá um það, sagði í útvarps-
þættinum Laufskálanum í byrjun
mai frá því að það mundi koma fjög-
urra daga hret í mánuðinum. Ekki
sá Hjörtur fyrir sér frekari ótíð svo
nú treystir fólk því að sumarið sé
komið.
Sigríður Sigurðardóttir, Sigur-
geir Hrafnkelsson og Hrafnkell Sig-
urgeirsson notuðu tækifærið og
huguðu að sumarkomunni með Dyr-
fjöllin, stolt Úthéraðs, gnæfandi
hátt yfir.
Vorhretið gengið yfir
Norður-Hérað
Morgunblaðið/Sigurður Aðalsteinsson
Sumarið komið
ÁRSREIKNINGUR Borgarbyggð-
ar var tekinn til seinni umfjöllunar
og samþykktur á fundi bæjarstjórn-
ar 10. maí. Ársreikningurinn saman-
stendur af ársreikningi bæjarsjóðs,
framkvæmdasjóðs og félagslegum
íbúðum.
Skatttekjur bæjarsjóðs námu
498,9 milljónum króna á árinu 2000,
en 442,6 milljónum árið áður sem er
12,7% hækkun. Skatttekjur saman-
standa af útsvari, fasteignasköttum
og framlögum úr Jöfnunarsjóði
sveitarfélaga. Rekstrargjöld mála-
flokka námu 565,7 milljónum króna
en á móti koma ýmsar þjónustu-
tekjur að fjárhæð 122 milljónir.
Rekstur málaflokka bæjarsjóðs, að
frádregnum þjónustutekjum, nam
því 443,7 m. kr. og framlegð fyrir
fjármagnsliði 55,2 m. kr. sem er
hækkun um 20 m. kr. milli ára. Nettó
framkvæmdir bæjarsjóðs námu 82,1
m. kr. á árinu 2000. Helstu fram-
kvæmdir voru við gatnagerð, Grunn-
skólann í Borgarnesi og lokið var við
smíði gámastöðvar. Gatnagerð var
við Sólbakka vegna atvinnulóða og í
Arnarkletti vegna íbúðarlóða og ver-
ið er að stækka grunnskólann vegna
einsetningar hans nk. haust.
Betra en rekstraráætlun
Fjármagnsgjöld umfram fjár-
munatekjur bæjarsjóðs voru 19,7 m.
kr. Þannig var niðurstaða af árs-
reikningi bæjarsjóðs Borgarbyggð-
ar að meðtöldum fjárfestingum nei-
kvæð um 46,6 m. kr. sem er nokkru
betri niðurstaða en rekstraráætlun
gerði ráð fyrir, en skv. henni munaði
um 37 milljónum. Í árslok 2000 námu
skuldir bæjarsjóðs 493,5 m. kr. sem
gerir skuldir á hvern íbúa 200 þús.
krónur. Í efnahagsreikningi eru auk
þess færðar lífeyrisskuldbindingar
að fjárhæð 134,2 m. kr. Rekstur
málaflokka nam 89% af skatttekjum
á árinu en 92% árið áður. Fram-
kvæmdasjóður Borgarbyggðar var
rekinn með 4,7 milljóna króna tapi á
árinu 2000. Hlutverk framkvæmda-
sjóðs er fyrst og fremst eignarhald á
hlut Borgarbyggðar í nokkrum fyr-
irtækjum. Rekstur félagslegra íbúða
var við núllið á árinu 2000. Skuldir
félagslega íbúðakerfisins voru 232,7
m. kr. í árslok sem er óbreytt staða
milli ára. Í árslok 2000 voru alls 83
íbúðir í Borgarbyggð sem byggðar
voru samkvæmt lögum um Bygging-
arsjóð verkamanna. Þar af voru 36
leiguíbúðir í eigu Borgarbyggðar en
kaupskylda hvílir á bæjarsjóði vegna
47 íbúða.
Í heild var niðurstaðan í ársreikn-
ingi Borgarbyggðar fyrir árið 2000
heldur betri en áætlað var. Þar kem-
ur annars vegar til að skatttekjur
voru meiri en áætlað var vegna meiri
umsvifa í samfélaginu en reiknað var
með, og hins vegar að framkvæmdir
á vegum Borgarbyggðar urðu heldur
minni en gert var ráð fyrir, og skýr-
ist það af seinkun verkefna. Umtals-
verðar framkvæmdir eru áformaðar
á árinu 2001, einkum í gatnagerð og
framkvæmdum við stækkun Grunn-
skólans í Borgarnesi. Rekstur mála-
flokka sveitarfélagsins var þó að
mestu í samræmi við áætlanir.
Unnið verður áfram að því að auka
framlegð til fjármagnskostnaðar og
framkvæmda en ljóst er að nýgerðir
kjarasamningar fela í sér töluverðar
kostnaðarhækkanir í ár.
Stefán Kalmansson, bæjarstjóri
Borgarbyggðar, sagði um ársreikn-
inginn að fjárhagsstaða Borgar-
byggðar mætti vera betri eins og
víða annars staðar og á meðan sveit-
arfélagið héldi áfram að framkvæma
umtalsvert eins og nú er þýddi það
skuldaaukningu. Þróun skulda ræðst
einkanlega af framkvæmdum og
hafa menn áhyggjur af að tekjur
nægi ekki fyrir þeim verkefnum sem
sinna þarf því að til lengdar gengur
ekki að eyða meira en aflað er.
Ársreikningur Borgar-
byggðar samþykktur
Borgarnes
HRETIÐ í vikunni fór illa með
fuglalífið því mikill skafrenningur
og ofankoma varð til þess að mikið
af hreiðrum fór undir snjó.
Varp var hafið hjá mörgum teg-
undum og tjónið því mikið, en búast
má við að þeir fuglar, sem voru ný-
lega byrjaðir, verpi aftur. Sem bet-
ur fer standa margir fuglar af sér
vond veður eins og öndin á mynd-
inni sem sat sem fastast þó að fennti
yfir hana og var það tilviljun að
finna hana í snjónum. Ekki var ann-
að að sjá en að henni hefði tekist að
bjarga eggjunum þrátt fyrir veð-
urhaminn.
Víða fennti
yfir hreið-
ur í hretinu
Laxamýri
Morgunblaðið/Atli Vigfússon
ÞRÓUNARSTOFA Austurlands
vinnur að athyglisverðum verkefn-
um í markaðssetningu Austurlands
innanlands sem utan.
Annars vegar er um að ræða upp-
lýsingavefinn east-iceland.is, sem
ætlaður er erlendum fjárfestum og
fyrirtækjum sem vilja stunda við-
skipti eða fjárfestingar á Austur-
landi. Hins vegar er gagnagrunnur
yfir fyrirtæki á Austurlandi, sem
auðveldar greiningu á atvinnulífi
fjórðungsins.
Gunnar Vignisson hjá Þróunar-
stofu Austurlands sagði við Morgun-
blaðið, að það væri ekki langt síðan
fjárfestavefurinn var settur upp og
núna væri verið að vinna þar upp
fréttasíðu. „Vefurinn er unninn af
Þróunarstofu og tæknivinnan keypt
utan að frá,“ sagði Gunnar, „en við
eigum þann vef og rekum. Við feng-
um stuðning og vorum í samstarfi við
Fjárfestingarstofuna-Almennt svið,
en það er stofnun sem vinnur við að
markaðssetja Ísland í heild gagnvart
erlendum fjárfestum. Þeir eru sjálfir
með vef sem okkar vefur fellur undir
sem landshlutavefur. Eins kom RA-
RIK að þessu máli með okkur á þeim
forsendum að Austurland er stærsta
virkjunarsvæði þeirra og RARIK á
því mikilla hagsmuna að gæta hér
varðandi búsetu og atvinnuþróun.“
Gunnar segir mikils vænst af upp-
lýsingavefnum. „Við erum að mark-
aðssetja vefinn á hinum og þessum
leitarvélum og stöðum á netinu og
viðbrögð koma víðast hvar að úr
heiminum og eru allnokkur. Miðað
við umferðina eins og hún er núna,
eftir tiltölulega skamman tíma, má
búast við um 4000 heimsóknum á ári.
Það er hið sama og að við værum að
senda út 4000 bæklinga, hefðum við
farið þá leið til að koma upplýsingum
á framfæri. Þetta fer því þokkalega
af stað hjá okkur og auðvitað setjum
við markið hátt. Við höldum áfram
að finna leiðir til að markaðssetja
east-iceland.is á vefnum.“
Gagnagrunnur yfir austfirsk fyr-
irtæki er á hugmyndastigi og mun
brátt færast á framkvæmdastigið.
Gunnar segir hann unninn í
tengslum við undirbúning hugsan-
legra stórframkvæmda á Austur-
landi. „Það sem við ætlum að gera er
að safna saman í gagnagrunn upp-
lýsingum um eins mörg fyrirtæki á
Austurlandi og mögulegt er. Grunn-
urinn á að verða þannig að hægt sé
að taka út úr honum upplýsingar um
t.d. hversu margar verslanir eru á
Austurlandi, starfsmenn, starfs-
stöðvar og þar fram eftir götunum,
þannig að menn geti auðveldlega náð
í ákveðnar tölulegar upplýsingar.
Það á að geta gagnast bæði innan
greinanna og eins út á við, þegar við
erum að sýna fram á það, t.d. gagn-
vart aðilum sem standa að álveri og
öðru slíku, hvaða afl atvinnulífið hef-
ur á svæðinu. Gagnagrunnurinn er
hluti af mikilli vinnu sem nú er í
gangi í fimm verkefnahópum. Þeir
voru stofnaðir í kjölfar þingsins Nýir
tímar í austfirsku atvinnulífi. Vinna
þeirra hópa er komin vel á veg og má
vænta nokkurra tíðinda þegar sér
fyrir endann á henni.“
Mikils vænst af nýjum
upplýsingaverkefnum
Egilsstaðir
ÍSLANDSPÓSTUR hefur verið að
bæta þjónustu sína á Norður-
Héraði á síðustu árum og er nú far-
inn að keyra út póst alla virka
daga. Fyrsta maí síðastliðinn var
þjónustan aukin en þangað til voru
póstferðir fjórum sinnum í viku.
Þetta hefur þá breytingu í för
með sér að morgunblöðin berast til
lesenda samdægurs um og upp úr
hádegi alla virka daga. Áður voru
blöðin að berast allt að þriggja
daga gömul, nú er það elsta í þeim
efnum að helgarblöðin koma á
mánudag.
Núverandi landpóstur á Norður-
Héraði er Garðar Þrándur Þorleifs-
son en hann tók við af Grétari
Karlssyni um síðustu mánaðamót,
en Grétar hafði verið landpóstur
fimm ár þar á undan.
Bættar
póstsam-
göngur
Morgunblaðið/Sigurður Aðalsteinsson
Garðar Þrándur Þorleifsson við póstkassa fréttaritarans á Norður-Hér-
aði. Nú er hægt að lesa Morgunblaðið samdægurs fimm daga vikunnar.
Norður-Hérað
Morgunblöðin samdægurs til lesenda á Austurlandi