Morgunblaðið - 19.05.2001, Blaðsíða 32

LISTIR
32 LAUGARDAGUR 19. MAÍ 2001 MORGUNBLAÐIÐ
LEIRLISTAKONURNAR Helga
Unnarsdóttir og Ingibjörg Klem-
enzdóttir hafa á undanförnum
mánuðum starfað í vinnustofunni
Straumi í Hafnarfirði. Nú sýna þær
afrakstur dvalarinnar, sem að
þeirra sögn hefur verið mjög gef-
andi. Sýningin opnar í Straumi í
dag, laugardag, kl. 16 og ber yf-
irskriftina Náttúra. Heitið vísar til
verkanna sem sýnd eru, en inn-
blástur sinn rekja listakonurnar til
náttúrunnar, forma hennar, lita og
áferðar.
„Verkin eru öll unnin út frá nátt-
úrunni,“ útskýra Helga og Ingi-
björg. „Það er kjörið tækifæri að fá
að vera hér í Straumi, bæði vegna
tengslanna við náttúruna en einnig
vegna þess að aðstaðan hérna er
mjög góð. Við höfum getað brennt
bæði úti og inni og haft tækifæri til
að nota margvíslegar brennslur,
hvenær sem er. Áður vorum við
með raku-ofninn í bakgarðinum hjá
mér, inni í miðju íbúðahverfi! Þetta
hefur því verið allt annað,“ segir
Ingibjörg.
Samsýning
Líta má á sýninguna sem sam-
sýningu listkvennanna tveggja og
eru verk þeirra um margt ólík,
þrátt fyrir að hugmyndirnar megi
rekja til sama grunns. „Við vinnum
báðar með náttúruna í huga, þó að
við séum að gera tvo ólíka hluti,“
segir Ingibjörg. „Ég hef unnið
meira með áferð, en Helga með
form og liti. En þetta tengist hjá
okkur, þó við höfum ekki unnið
saman að neinum verkum á sýning-
unni.“
Þetta er ekki í fyrsta sinn sem
þær halda sýningu saman. Í fyrra
héldu þær sýningu á Eskifirði, við
vígslu kirkjunnar þar. „Venjulega
er maður einyrki sem vinnur í sín-
um bílskúr,“ segir Helga. „Það hef-
ur því verið mjög gefandi að geta
unnið hér í Straumi, nálægt öðrum
listamanni sem er að fást við sama
hlutinn. Og svo hefur verið gaman
og gefandi að kynnast hinum lista-
mönnunum sem eru líka með
vinnustofur hérna, en vinna með
annan miðil.“
Leirinn heillandi
Báðar vinna þær Helga og Ingi-
björg listaverk sín eingöngu í leir.
„Heimur leirsins er svo heillandi,“
segja þær. „Efnið sjálft býður upp
á svo marga möguleika, ólíkar
brennslur og ólíkar aðferðir.“ Þær
hafa notast við ýmsar brennsluað-
ferðir meðan á dvölinni í Straumi
hefur staðið, bæði úti- og inni-
brennslur, við opinn eld, í holu og
raku-brennslur. „Með því náum við
fram litaspili í leirnum og ólíkum
áferðum,“ útskýrir Helga. „Það er
þetta sem er svo spennandi við leir-
inn, þessir ótal möguleikar. Leirinn
hefur svo mikinn karakter,“ segir
Ingibjörg og Helga heldur áfram:
„Í raun stendurðu í eilífum samn-
ingum við eldinn, reykinn, eldmat-
inn og ekki síst leirinn sjálfan, til að
ná fram góðum hlut að endingu.
Ferlið er svo langt, frá hugmynd að
veruleika.“
Gestir þátttakendur
Helgu og Ingibjörgu þykir mik-
ilvægt að sýningargestir upplifi
umhverfið sem listaverkin verða til
í. „Á opnunardaginn bjóðum við
gestum að vera með í gerð eins
verks hérna fyrir utan húsið,“ segir
Helga. „Það er brennandi skúlptúr.
Allir sem koma geta tekið þátt með
því að mata eldinn með spýtum sem
stungið er inn í skúlptúrinn. Með
þessu erum við að bjóða gestunum
að koma aðeins við gerð slíkra
hluta sem við erum að vinna.“
„Skúlptúrinn mun svo standa hér
fyrir utan þangað til náttúran sér
um að eyða honum,“ bætir Ingi-
björg við. Auk þessarar uppákomu
á opnunardaginn, verða Ingibjörg
og Helga með vinnustofur sínar
opnar á hverjum degi meðan á sýn-
ingunni stendur. Í húsinu eru einn-
ig aðrir listamenn, tveir íslenskir
málarar, spænskur ljósmyndari og
þýskur málari. Þau verða einnig við
vinnu og bjóða gestum sýningar-
innar að skyggnast inn í heim sinn.
„Það er afskaplega mikilvægt að
fólk sjái umhverfið sem listin kem-
ur úr. Margir eru hræddir við að
koma inn á vinnustofur, en í raun
held ég að flestum listamönnum
þyki gaman að fólk komi og skoði.
Þá fær áhorfandinn aðra tilfinn-
ingu fyrir listmununum og skilur
betur hvað liggur þeim að baki,“
segir Helga að lokum.
Síðasti sýningardagur er 4. júní.
Sýningin er opin alla daga milli 14
og 18.
Í eilífum samn-
ingum við leirinn
Morgunblaðið/Sigurður Jökull
Ingibjörg og Helga við vinnslu skúlptúrsins fyrir utan Straum.
VORTÓNLEIKAR Barna- og ung-
lingakórs Hallgrímskirkju verða í
kirkjunni á morgun, sunnudag, kl.
17.
Kórarnir flytja m.a. tvo þætti úr
Mesa Basse eftir Gabriel Fauré. Ein-
söngvari er Hrund Ósk Árnadóttir.
Lára Bryndís Eggertsdóttir spilar
á orgel með kórnum en stjórnandi er
Bjarney Ingibjörg Gunnlaugsdóttir.
Barnakórar
í Hallgríms-
kirkju
LÖGREGLUKÓR Reykjavíkur
heldur sína árlegu vortónleika í Sel-
tjarnarneskirkju í dag, laugardag,
kl. 16.
Í ár verða sérstakir gestir
Kvennakórinn Léttsveit Reykjavík-
ur. Dagskrá þeirra er byggð á suð-
rænni og léttri stemmningu.
Á dagskrá Lögreglukórsins verða
m.a. lög eftir Árna Thorsteinson og
Oddgeir Kristjánsson, einnig ýmis
erlend lög með íslenskum eða er-
lendum textum.
Einsöngvari með Lögreglukórn-
um er Eiríkur Hreinn Helgason.
Stjórnandi Lögreglukórsins er
Guðlaugur Viktorsson og stjórnandi
Kvennakórsins Léttsveitar Reykja-
víkur er Jóhanna V. Þórhallsdóttir.
Lögreglu-
kórinn
í Seltjarnar-
neskirkju
ÓLAFUR Kjartan Sigurðarson
barytonsöngvari heldur tónleika í
Safnaðarheimili
kirkjunnar í
Vestmanna-
eyjum á morg-
un, sunnudag,
kl. 16. Með hon-
um í för að
þessu sinni er
Jónas Ingimund-
arson píanóleik-
ari.
Á undan-
förnum árum
hefur Ólafur
Kjartan tekið
þátt í fjölda óp-
eruuppfærslna
auk tónleika af
margvíslegu
tagi víða um
heim. Síðastlið-
inn vetur söng
hann hlutverk
Shaunard í La
Bohéme hjá Ís-
lensku óperunni.
Þeir Ólafur Kjartan og Jónas
munu flytja og kynna efnisskrá
með íslenskum lögum og erlend-
um, aríur úr óperum og einnig
mun Jónas flytja einleiksverk fyr-
ir píanó.
Ólafur
Kjartan
og Jónas
í Eyjum
Ólafur Kjartan
Sigurðsson
Jónas
Ingimundarson
Í FJÖLBREYTTRI kóraflóru
landsins leynast kórar af ýmsu tagi.
Kórar starfsmannafélaga eru ekki
svo óalgengir, og fjölmörg fyrirtæki
og stofnanir hafa á að skipa kórum,
og má þar nefna Grundartangakór-
inn, Landsbankakórinn og Lög-
reglukórinn sem dæmi. Sjaldgæfara
er að finna kóra sem ekki hefur
spurst til áður nema af afspurn, kóra
sem hafa starfað jafnvel árum saman
án þess að til þeirra hafi heyrst.
Á sunnudaginn gat að heyra tvo
kóra syngja á söngskemmtun í
Hveragerðiskirkju, Kór Orkuveit-
unnar annars vegar og svo kamm-
erkór sem kallar sig Veirurnar.
Stjórnandi beggja kóranna er Þóra
Fríða Sæmundsdóttir. Kór Orku-
veitunnar hefur starfað einhvern
tíma og hefur sungið áður opinber-
lega en til Veiranna held ég að hafi
ekki heyrst áður opinberlega, þótt
þær muni hafa sungið á skemmtun-
um og í einkasamkvæmum. Þema
tónleikanna var vorkoman, og var
efnisskrá beggja kóranna blanda af
íslenskum, norrænum og amerískum
lögum. Sérstakur gestur á tónleik-
unum var Signý Sæmundsdóttir
sópransöngkona, en píanóleik ann-
aðist Kristinn Örn Kristinsson.
Kór Orkuveitunnar er um margt
ágætur kór, en glímir þó við sínar
veiku hliðar eins og vænta má af fólki
sem hefur sönginn fyrst og fremst að
frístundaiðkun. Það besta í söng
kórsins er sönggleðin og einlægnin í
glímunni við tónlistina. Kórinn söng
að jafnaði hreint, en helsti veikleiki
kórsins er þó sá hvað sópraninn á
erfitt með háa tóna, og á þeim brá við
óhreinum nótum hér og þar. Það
besta hjá Kór Orkuveitunnar voru
fyrstu lögin á efnisskránni, Listhús-
kvæðið og Enn syngur vornóttin, þar
sem kórinn söng skínandi vel. Glím-
an við þrjá söngva eftir Gunnar
Persson var kórnum erfiðari, en þó
var aðdáunarverð frammistaða alts
og bassa í flóknum rytma fyrsta
lagsins.
Veirurnar voru undur og stór-
merki þessara tónleika. Þess ágæti
kammerkór kom sannarlega á óvart
með mjög góðum söng. Veirurnar
munu hafa æft saman í áratug eða
meir, og að sögn mest til gamans. En
í kórnum er ungt, en þaulvant söng-
fólk og margt vel söngmenntað, og
það skilar sér vel í söngnum. Jafn-
vægi milli raddanna og raddblöndun
er afburða gott, og kórinn er vel
samsunginn, enda varla við öðru að
búast eftir jafn langt starf. Veirurn-
ar sungu afar fallega lag Jóns Lax-
dals, Oft um ljúfar ljósar sumarnæt-
ur, og lag Jóns Ásgeirssonar, Hjá
lygnri móðu, var sungið af sérstök-
um innileik og hlýju. Færeyska lag-
ið, Fagurt er um sumarkvöld við sæ-
inn eftir Höjgaard var sérstaklega
vel flutt, og á eftir síðasta erindi var
lagið sungið einu sinni enn án orða, á
lú-lú. Þar kom vel fram hvað kórinn
á auðvelt með að syngja fallega á
veikustu tónum. Söngur kórsins var
jafnan afar blæbrigðaríkur og góður,
og ekki hægt annað en að vonast til
að fá meira að heyra frá Veirunum.
Kórarnir sungu saman nokkur lög,
og þar var best lag Jóns Nordals,
Smávinir fagrir, þar sem kórarnir
sungu með fallegri og vel mótaðri
dýnamík. Signý Sæmundsdóttir
prýddi tónleikana með söng sínum,
bæði með kórunum og ein og sér.
Einsöngur hennar í norrænu lögun-
um Tonerna eftir Sjöberg og Flickan
kom ifrån sin älsklings möte eftir
Sibelius var frábær og meðleikur
Kristins Arnar skínandi góður.
Söngskemmtunin í Hveragerðis-
kirkju stóð vel undir nafni og tónlist-
arfólkinu ákaft klappað lof í lófa.
Virus
vocalis
TÓNLIST
H v e r a g e r ð i s k i r k j a
Kór Orkuveitunnar og kammerkór-
inn Veirurnar sungu íslensk, nor-
ræn og amerísk lög. Einsöngvari
Signý Sæmundsdóttir, píanóleikari
Kristinn Örn Arnarson og stjórn-
andi Þóra Fríða Sæmundsdóttir.
Sunnudag kl. 17.00.
KÓRTÓNLEIKAR
Bergþóra Jónsdótt ir
Á ÁRSFUNDI Norrænu glæpa-
sagnasamtakanna hlaut sænski rit-
höfundurinn Karin Alvtegen nor-
rænu glæpasagnaverðlaunin
Glerlykilinn fyrir skáldsöguna Sak-
nad. Áður hefur hún sent frá sér
bókina Skuld árið 1998. Karin er
fædd 1965, alin upp í Huskvarna en
býr nú í Stokkhólmi með tveimur
börnum sínum.
Hún hefur unnið við framleiðslu
kvikmynda, tekið þátt í handritagerð
og er um þessar mundir á samningi
við gerð tveggja handrita. Eftir að
hafa tekið á móti Glerlyklinum gaf
hún það reyndar í skyn að nú mundi
hún reyna að losa sig undan þeim
störfum og helga sig glæpasögunum.
„Það er ólíkt þægilegra fyrir rithöf-
und að vinna einn að sköpun sinni en
þurfa að fara eftir óskum og dutl-
ungum 10 samstarfsaðila við gerð
kvikmyndahandrits,“ sagði hún.
Kirsten Holst lét af af formanns-
störfum á fundinum og í hennar stað
var kosin Kim Småge frá Noregi
(Sub Rosa, M&m 1995, Konan í
gámnum, M&m 1999).
Viktori Arnari Ingólfssyni til
vinstri, Karin Alvtegen frá Svíþjóð
sem fékk Glerlykilinn í miðju og
Mark Ørsten frá Danmörku til
vinstri.
Glerlykillinn afhentur
fyrir besta reyfarann
♦ ♦ ♦