Morgunblaðið - 19.05.2001, Blaðsíða 9

FRÉTTIR
MORGUNBLAÐIÐ LAUGARDAGUR 19. MAÍ 2001 9
RÚMLEGA helmingur þeirra sem
hafa aðgang að Netinu, eða 57,5%,
nota það fimm sinnum í viku eða oft-
ar, þar af nota ríflega 49% Netið oft á
dag eða daglega. Þetta kemur fram í
nýrri könnun um netnotkun lands-
manna.
Aukning í notkun hefur orðið á
þann veg að nú segjast fleiri nota
Netið oft á dag en í september 2000.
Eftir mikla aukningu síðustu ár á
netaðgengi landsmanna mælast nú
litlar breytingar á aðgengi miðað við
niðurstöður könnunar sem gerð var í
september 2000. Ríflega 8 af hverj-
um 10 nota farsíma.
Í lok mars og byrjun apríl 2001 lét
Verkefnisstjórn um upplýsingasam-
félagið sem starfar á vegum forsæt-
isráðuneytis gera könnun þar sem
mældir voru ýmsir þættir er snúa að
netnotkun landsmanna. Slíkar kann-
anir hefur Verkefnisstjórnin látið
gera með reglubundnum hætti und-
anfarin ár. Líkt og í september síð-
astliðnum annaðist Pricewaterhouse-
Coopers framkvæmd könnun-
arinnar.
Fram kom í könnuninni að eftir
mikla aukningu síðustu ár á netað-
gengi landsmanna mælast nú litlar
breytingar á aðgengi miðað við nið-
urstöður könnunar sem gerð var í
september 2000. Helstu niðurstöður
nýjustu könnunarinnar eru að 76,9%
landsmanna hafa aðgang að tölvu
með nettengingu. Í september 2000
mældist aðgengi 77,8% og er mun-
urinn á aðgengi í september og apríl
ekki marktækur.
Ekki kemur fram marktækur
munur á aðgengi eftir kynjum en fólk
eldra en 55 ára hefur síður aðgang en
þeir sem yngri eru. Þeir sem lokið
hafa framhaldsmenntun hafa frekar
aðgang að Netinu en þeir sem minni
menntun hafa. Yfir 90% stjórnenda,
sérfræðinga, tækna og nema hafa að-
gang að Netinu. Íbúar höfuðborgar-
svæðisins hafa frekar aðgang að Net-
inu en þeir sem búsettir eru úti á
landi. Rúmlega 87% þeirra sem hafa
nettengingu eru með tölvupóstfang.
Rúmlega 63% fólks með netaðgang
nota tölvupóst mjög eða frekar oft.
Rúmlega helmingur þeirra sem
hafa aðgang að Netinu, eða 57,5%,
notar það fimm sinnum í viku eða oft-
ar, þar af nota ríflega 49% Netið oft á
dag eða daglega. Aukning í notkun
hefur orðið á þann veg að nú segjast
fleiri nota Netið oft á dag en í sept-
ember 2000. Karlar nota Netið mark-
tækt oftar í viku en konur. Þeir sem
elstir eru fara sjaldnast á Netið. Með
hækkandi tekjum og auknu námi
eykst netnotkun fólks.
Tæplega 27% þeirra sem vinna
launaða vinnu vinna hluta hennar
heima hjá sér með aðstoð tölvu og/
eða Netsins. Fleiri karlar en konur
vinna heima með aðstoð tölvu og/eða
Netsins. Hærra hlutfall íbúa á höf-
uðborgarsvæðinu vinnur hluta af
vinnunni heima hjá sér samanborið
við íbúa utan höfuðborgarsvæðisins.
14,5% hafa keypt vöru á Netinu
Um 14,5% landsmanna hafa keypt
vöru á Netinu á síðastliðnum 3 mán-
uðum og 2,2% hafa keypt þar þjón-
ustu. Þetta er mjög svipað hlutfall og
kom fram í könnun Pricewaterhouse-
Coopers í september síðastliðnum.
Þegar eingöngu þeir sem eru með að-
gang að Neti eru skoðaðir kemur í
ljós að nærri 19% hafa keypt vörur
og tæplega 3% þjónustu. Öryggi
greiðslna skiptir fólk mestu máli þeg-
ar verslað er á Netinu en tímasparn-
aður og verð skiptir fólk einnig
nokkru máli.
Mikill meirihluti landsmanna nýtir
sér GSM-síma eða ríflega 8 af hverj-
um 10. Fleiri nýta sér ferðatölvur nú
en í fyrra og hið sama gildir um Vit.
Karlar nýta sér ýmis samskiptatæki
og þjónustu (s.s. ferðatölvur og Vit) í
ríkari mæli en konur.
Ríflega helmingur svarenda hefur
farið á tölvunámskeið eða stundað
einhvers konar tölvunám. Munur
kemur fram eftir kynjum en konur
hafa frekar farið á tölvunámskeið eða
stundað tölvunám en karlar. Þessi
munur kemur þó ekki fram á meðal
fólks á aldrinum 16–29 ára.
Stöðugt fleiri nota
Netið oft á dag
ÓVENJUMARGT hefur verið um manninn
á Langjökli undanfarna daga, en ítalski
dekkjaframleiðandinn Pirelli hefur boðið
400 blaðamönnum og dekkjakaupmönnum
til Íslands til að prófa nýjustu gerð vetr-
ardekkja við alvöru vetraraðstæður. Ís-
lenskar ævintýraferðir og Island Tour,
dótturfyrirtæki Flugleiða í Þýskalandi,
hafa séð um að undirbúa komu fólksins síð-
astliðin tvö ár, en blaðamennirnir koma í
tíu hópum og fer einn hópur, um 30-40
manns, upp á jökul á hverjum degi. Fyrsti
hópurinn kom hingað til lands á mánudag
og sá síðasti er væntanlegur hingað í næstu
viku.
Fólkið hrætt
í vondu veðri
Arngrímur Hermannsson hjá Íslenskum
ævintýraferðum segir að vel hafi gengið til
þessa, þótt þeir hafi fengið mjög slæmt
veður í tvo daga. „Við sáum ekki handa
okkar skil og þurftum að þreifa okkur á
milli bílanna“, segir Arngrímur og bætir
við að fólkið hafi verði mjög smeykt. „Við
þurftum að aka eftir siglingartækjum, sem
gekk vel enda erum við með fullkomnustu
staðsetningartæki sem völ er á. Þessi tækni
kallast Debra-ferilsskáning og við getum
séð á tölvuskjá hvar allir bílarnir eru nið-
urkomnir,“ segir Arngrímur. Hann segir að
í vonda veðrinu hafi menn leitað skjóls í
snjóhúsi sem var byggt sérstaklega fyrir
þetta verkefni og Arngrímur fullyrðir að
það sé stærsta snjóhús í heimi. „Þar vorum
við með hlaðborð og svo gátum við lýst upp
sprungu sem er inni í snjóhúsinu og sýnt
ferðamönnunum snjólögin, en hægt er að
sjá þau fimmtíu ár aftur í tímann.“ Alls var
tæplega 1.000 rúmmetrum af snjó mokað út
úr snjóhúsinu og er tréplata í þakinu, en
Arngrímur segir að hún verði fjarlægð
þegar snjórinn hefur frosið fastur. „Þetta
verður einskonar snjóborg í framtíðinni.
Við ætlum að halda áfram að nota þetta
snjóhús næstu árin og grafa nýjan inngang
ár hvert, því það sekkur tvo til þrjá metra
á ári.“ Arngrímur segir snjóhúsið vera
hugsað sem neyðarskýli, en að í framtíðinni
sé ætlunin að bjóða upp á gistingu í snjó-
húsum á þessu svæði og í sumar verður Ís-
lendingum boðið upp á ferðir til að berja
snjóborgina augum. Snjóborgin er staðsett
austan við topp jökulsins í um 1.300 metra
hæð og er jökullinn 600 metra þykkur á því
svæði.
Útvarp Pirelli FM 106,1
Þegar Morgunblaðið náði tali af Arn-
grími var hann að kenna ferðamönnunum
að aka breyttum jeppum. „Við erum með
leyfi fyrir útvarpstíðnina FM 106,1 og ég
lýsi því sem þeir eiga að gera úr mínum bíl
og ferðamennirnir heyra lýsinguna í út-
varpinu,“ segir Arngrímur og gefur fyr-
irmæli í útvarpið að nú eigi að skipta yfir í
háadrifið því nú eigi að aka hraðar. Arn-
grímur segir að ferðamennirnir, sem koma
víðs vegar að úr Evrópu, séu hæst ánægðir
með ferðirnar. „Þetta eru mikil viðbrigði
fyrir þá, þeir koma hingað kannski beint
frá Mílanó, þar sem er um 25 stiga hiti, en
hér á jöklinum er 10-15 stiga frost,“ segir
Arngrímur og kallar á ensku í útvarpið
„farið beint í ána, ekki til hægri, ekki til
hægri...“
Ljósmynd/Gunnar Ö. Pétursson
30 tonna Caterpillar-grafa var notuð til að grafa snjóhúsið, sem Arngrímur segir það stærsta í heimi. Þrjár innkeyrslur eru á því, en snjóhúsið er notað sem bílageymsla. Arngrímur segir að
einnig séu þar þakgluggar, loftræsting og meira að segja neyðarútgangur. Alls koma um 400 manns hingað frá allri Evrópu til að prófa að aka bíl á nýju vetrardekkjum Pirelli.
Snjóborg að rísa
á Langjökli
ÞRJÚ tilboð bárust í malbikun-
arframkvæmdir Vegagerðar-
innar á Reykjanesi en tilboð
voru opnuð á mánudag. Um er
að ræða tvenns konar verk, ann-
ars vegar hefðbundna malbiks-
yfirlögn aðallega við Lækjar-
botnabrekku á Suðurlandsvegi
og við Blikadalsá á Vesturlands-
vegi, hins vegar annars konar
lagfæringar á malbiki sem gerð-
ar verða á yfir 20 stöðum á
Reykjanesi samkvæmt upplýs-
ingum frá Vegagerðinni.
Lægsta tilboð í fyrra verkið átti
Malbikunarstöðin Höfði í
Reykjavík upp á 33.876.990
krónur en lægsta tilboð í seinna
verkið átti Loftorka Reykjavík
en það hljómaði upp á 61.550.500
krónur. Öll tilboðin voru undir
kostnaðaráætlun verkkaupa.
Höfði og Loft-
orka með
lægstu tilboðin
20% afsláttur
af gallabuxum, stretsbuxum,
kvartbuxum, síðbuxum
og pilsum
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—15.00.
Afmælis-og sölusýning
Ekta síðir refapelsar á kr. 75.000.
10% afsláttur af öllum ljósum.
Allt að 50% afsláttur af handunnum húsgögnum.
Mikið úrval af púðum, rúmteppum og dagdúkum.
Verið velkomin.
Opið virka daga frá 11—18 og laugard. frá 11-16
Sigurstjarnan
Suðurlandsbraut 50 (bláu húsin),
sími 588 4545.


  

 
 

      

 

 
    

      
  
Neðst við Dunhaga
sími 562 2230
Opið virka daga kl. 10–18
Opið laugardaga kl. 10–14
ÚTSKRIFTARFATNAÐUR