Morgunblaðið - 19.05.2001, Blaðsíða 30

LISTIR
30 LAUGARDAGUR 19. MAÍ 2001 MORGUNBLAÐIÐ
ÞAÐ eru nokkur ár síðan Ólafur
Gaukur hélt síðast djasstónleika. Þá
spilaði hann klassíska bandaríska
söngdansa af slíkri lýrískri innlifun
að maður sat agndofa. Nú var tekinn
dálítið annar póll í hæðina og tempóið
hraðara og sveiflan harðari.
Ólafi var tíðrætt um djammsess-
jónirnar í Breiðfirðingabúð fyrir
rúmri hálfri öld þarsem hann lék ung-
ur ásamt Guðmundi Steingrímssyni
og öðrum fræknum köppum. Og
Breiðfirðingabúð var nærri í tónlist-
inni þetta kvöld og ef litið var útum
glugga á efri hæð Húss málarans
mátti sjá Skólavörðustíginn hvar
Breiðfirðingabúð stóð í djassljóma.
Kvartettinn hóf leikinn á klassík
Henry Manchinis um daga víns og
rósa, sem var að vísu samin löngu eft-
ir að djammsessjónir voru haldnar í
Búðinni. Manchini var einn af kenn-
urum Ólafs er hann hélt fullorðinn
maður til Los Angeles að læra að
semja kvikmyndatónlist. Heldur var
sveiflan stíf, en það lagaðist þegar
næsti söngdans upphófst, hið sígilda
verk Johnny Greens; Body And Soul.
Þórir Baldursson brá undir sig Garn-
erfætinum með eligans og hvelltóna
einleikslínur gítarleikarans og mjúkir
hljómar gældu við eyrað. Þá var kom-
ið að meistara Gershwin: A Foggy
Day og The Man I Love. Hið síðar-
nefnda var fyrsta lagið sem Gaukur
lærði að spila á gítar og lék á dans-
æfingu endur fyrir löngu. Þó lagið sé
einfalt er ekki einfalt að leika það vel.
Laglínan er meistaraverk ljóðadjass-
ins og hefur verið túlkuð af slíkri
snilld af Billie Holliday að lengra
verður vart komist. Ólafur lék lagið af
innlifun, en brátt var hrynsveitin far-
in að gefa í þannig að útkoman var
ekki jafn mögnuð og er hann lék það á
afmælistónleikum Eyþórs Þorláks-
sonar í fyrra.
Eftir blús í b var Misty eftir Erroll
Garner á dagskrá og greinilegt að
kvartettinn var á hörðu sveiflubux-
unum. Þórir tók að sjálfsögðu Garn-
errispu en sleppti þó öllu tónaregni,
enda bauð tempóið ekki uppá slíkt.
Hann er um margt líkastur Guð-
mundi Ingólfssyni af íslenskum
djasspíanistum sem enn eru í fullu
fjöri. Grúfið alltaf sterkt og víða leitað
fanga í stílbrigðum. Gaukur lék fínan
sóló þarna og gítarinn söng af gleði.
Gaukur sagði að eitt lag hefði alltaf
verið leikið á djammsessjónum í
Breiðfirðingabúð: On The Sunny
Side Of The Street eftir Jimmy
McHuges. Þeir hristu það auðveld-
lega framúr erminni og luku síðan
tónleikunum á Softly As In The
Morning Sunrise eftir Sigmund Rom-
berg, sem ég man fyrst eftir að hafa
heyrt Módern djasskvartettinn leika
en Björn Thoroddsen hefur túlkað
manna oftast hérlendis. Þarna var
rýþminn fínn. Guðmundur skifti með
elegans úr latín bíti yfir í klassíska
sveiflu og hinn nýi fimmstrengja
plötubassi Bjarna Sveinbjörnssonar
hljómar vel. Bjarna hef ég ekki heyrt
leika djass í nær tvö ár og var hann
bestur í sólóum þegar hann hélt sig
sem næst laglínunni einsog í The
Man I Love.
Þetta var fínt kvöld með djamm-
sessjón brag og einsog Gaukur sagði:
,,Ég veit ekki betri heilsubót en að
leika djass,“ og get ég tekið undir
það. Fátt lyftir geðinu betur en góð
sveifla og vonandi þurfum við ekki að
bíða í mörg ár eftir næstu sveiflutón-
leikum Ólafs Gauks.
DJASS
M ú l i n n í H ú s i
M á l a r a n s
Ólafur Gaukur Þórhallsson gítar,
Þórir Baldursson píanó, Bjarni
Sveinbjörnsson bassa og Guð-
mundur Steingrímsson trommur.
Fimmtudagskvöldið 17.5. 2001.
KVARTETT
ÓLAFS GAUKS
Heilsubót
úr Breið-
firðingabúð
Vernharður Linnet
HÓPUR kvenna, sem kalla sig
Mósaík 2001 opnar sína fyrstu sýn-
ingu á mósaíkverkum í Listmuna-
húsi Ófeigs við Skólavörðustíg, í
dag, laugardag.
Tildrög sýningarinnar eru þau að
á síðasta ári hélt listakonan
Kjuregej Alexandra Argunova
námskeið í gerð mósaíkverka. Af-
raksturinn varð sá að 10 áhuga-
samar konur stofnuðu með sér
félagið Mósaík 2001. Þær eiga það
sameiginlegt að hafa áhuga á að
fegra umhverfi sitt, endurnýta
gamalt og brotið og komast í tengsl
við sköpunarkraftinn. Félagið
hyggst halda sýningu á verkum sín-
um einu sinni á ári og auka með
þeim áhuga almennings á að gera
hlutina sjálfur.
Kjuregej Alexandra segist fyrst
hafa heillast af mósaíkgerð þegar
hún kynntist mósaíkskreyttum
borgum á Spáni og Ítalíu „Þetta
smaug einhvern veginn inn í sálina
hjá mér. Mig hafði lengi dreymt um
að læra þetta, og árið 1993 tók ég
lífeyrissjóðslán og skellti mér í nám
við Listaakademíuna í Barcelona,“
segir Kjuregej. Hún efndi til nám-
skeiðsins á síðasta ári og komst þá í
kynni við þann hóp kvenna sem
skipar Mósaík 2001. Á námskeið-
unum leggur Kjuregej ekki síst
áherslu á mikilvægi þess að geta
bjargað sér sjálfur og að nýta
gamla hluti, enda segir hún vanta
alla alla sparnaðarhugsun í Íslend-
inga. „Mósaíkið er svo skemmtilegt
því þar er hægt að nota gamalt leir-
tau og ýmsa dýrmæta hluti sem
annars yrði hent. Þannig verða
mósaíkverkin oft full af gömlum
minningum.“ Kjuregej segir nem-
endahópinn skipaðan kraftmiklum
hugsjónakonum, sem koma úr öll-
um mögulegum stéttum. Eitt af
markmiðum hópsins er að vinna að
því að skreyta borgina og umhverf-
ið með mósaíkverkum. „List og feg-
urð göfga mannshjartað og við í
hópnum viljum bjóða fram krafta
okkar til að fegra borgina með
mósaíkverkum,“ segir hún. Á sýn-
ingunni í Listmunahúsi Ófeigs er að
finna bæði mósaíkmyndir og ýmsa
nytjahluti, svo sem stól, borð og
ramma. Hún stendur til 6. júní og
er opin virka daga frá 10-20 og
laugardaga frá 11-16.
Sýning á mósaík-
verkum hjá Ófeigi
Mósaík-konurnar Bryndís, Kjuregej Alexandra, Linda og Fanný.
KÓR Aðventkirkjunnar í Reykjavík
hefur nýlega lokið við upptöku
sönglaga Salómons Heiðar org-
anista og tónskálds og hyggst
senda frá sér hljómdisk fyrir lok
ársins.
Af þessu tilefni heldur kórinn
tónleika í Aðventkirkjunni, Ingólfs-
stræti 19, í dag laugardaginn 19.
maí kl. 19. Stjórnandi er Garðar
Cortes, undirleikari er frú Kry-
styna Cortes og tæknimaður er
Halldór Víkingsson.
Aðgangur er ókeypis og allir eru
velkomnir.
Tónleikar Aðventkórsins
PLASTRÓSIR er það fyrsta sem
kemur í hugann eftir sýningu nýj-
ustu myndar Pats O’Connor.
Hvergi vottur af þeim raunsæja,
skynsama og manneskjulega leik-
stjóra sem á heiðurinn af jafnágæt-
um myndum og Cal og Circle of
Friends. Við blasir innantómt, líf-
vana og lyktarlaust gervidrama þar
sem allt er afskræmt. O’Connor
setur nýtt met í Hollywood-
óraunsæi; það er ekki að finna eitt
einasta atriði í allri hinni ógnar-
löngu Sweet November þar sem
bólar á ósviknum eðlilegum tilfinn-
ingum.
Aðalpersónurnar eru auglýsinga-
maðurinn Moss (Keanu Reeves),
nýríkur hrokagikkur, tilfinninga-
heftur vanviti sem elskar tvennt
öðru fremur; sjálfan sig og farsím-
ann. Inn í gleðisnautt líf hans brýst
stúlkan Sara (Charlize Theron), um
svipað leiti og Moss missir vinnuna
og kærustuna. Sara er ólík öllu sem
Moss þekkir. Grænmetisæta sem
notar sjónvarpið fyrir blómapott,
bjargar gæludýrum úr tilraunastof-
um, telur köllun sína í lífinu að
koma uppaflónum á borð við Moss
til einhvers þroska. Til þess gefur
hún hverjum og einum einn mánuð;
Moss er herra nóvember. Jafnframt
býr hún yfir vel geymdu leynd-
armáli sem Moss kemst að þegar
þau eru orðin yfir sig ástfanginn og
hann fyrirmyndar valmenni. Best
að hlífa lesendum við þeim ósköp-
um.
Sweet November er ein samfelld
runa tilgerðarlegra uppákoma sem
eiga ekkert skylt við raunveruleik-
ann. Hvert atriðið á eftir öðru kem-
ur manni á fremsta hlunn með að
taka á rás út úr salnum. Sara
hlaupandi á ströndinni með hund-
um; Moss að bjarga vini sínum,
sveinsstaula í næsta húsi, í sigl-
ingakeppni; Moss með sveinsstaul-
ann á foreldrafundi; Moss og Sara í
húskofa, bernskuheimili þess fyrr-
nefnda; hinn betrumbætti Moss
sýnandi hrokanum langt nef á há-
degisverðarfundi með stórkarli aug-
lýsingabransans. Hver raunsæis-
firrtur ófögnuðurinn rekur annan.
Hollywood er jafnan í stökustu
vandræðum með minnihlutahópa;
vill vera svo ósköp sæt og hugguleg
við þá alla. Afleiðingin sú, hvað
hommana snertir, að þeir eru í
nýrri lægð í Sweet November;
skilningsríkar, hugumstórar og
hjartgóðar kerlingardúllur. Það er
ekki eitt heldur allt sem er afbakað
í vonandi verstu mynd ársins.
Reeves og Theron eru bæði fallegt
fólk og prýðisleikarar, vonandi
vanda þau val sitt betur í framtíð-
inni. Sýning Sweet November sann-
ar öðru fremur ráðaleysið í Hol-
lywood, veruleikafirringuna og
handritaskortinn. Endurgerð
vondrar myndar getur seint talist
góður kostur.
KVIKMYNDIR
B í ó h ö l l i n ,
K r i n g l u b í ó
Leikstjóri Pat O’Connor. Handrits-
höfundur Herman Raucher, Paul
Yurick, Kurt Voelker. Tónskáld
Christopher Young. Kvikmynda-
tökustjóri Edward Lachman. Aðal-
leikendur Keanu Reeves, Karina
Andrews, Charlize Theron, Jason
Isaacs, Liam Aiken. Sýningartími
119 mín. Bandarísk.
Warner Bros. 2000.
SWEET NOVEMBER
1 ⁄2
Ástamál á
gervigrasi
Sæbjörn Valdimarsson
AFMÆLISTÓNLEIKAR Lands-
virkjunarkórsins verður í Laugar-
neskirkju á morgun, laugardag kl.
14. Kórinn er að ljúka sínu 10. starfs-
ári um þessar mundir og hefur á að
skipa rúmlega 30 söngröddum og
eru það starfsmenn Landsvirkjunar,
makar þeirra og aðstandendur.
Einnig hafa ráðgjafar frá Verkfræði-
stofunum Hönnun og Línuhönnun
lagt kórnum lið.
Á tónleikunum verða flutt íslensk,
amerísk, sænsk, þýsk og ítölsk lög.
Einsöngvarar verða þau Þuríður G.
Sigurðardóttir, sópran og raddþjálf-
ari kórsins, og Þorgeir J. Andrésson,
tenór, en þau syngja einnig dúett úr
Kátu ekkjunni ásamt kórnum.
Undirleikarar eru Kolbrún Sæ-
mundsdóttir á píanó og Guðni Þor-
steinsson á harmoniku.
Aðgangur er ókeypis.
Landsvirkjunarkórinn.
Orkusöngur í
Laugarneskirkju
LISTASAFN Reykjavíkur á Kjar-
valsstöðum býður upp á táknmáls-
leiðsögn auk hefðbundinnar leið-
sagnar um sýninguna Odd Nerdrum
– kitschmálarinn á morgun, sunnu-
dag, kl. 15, en táknmálsleiðsögnin er
nú orðin fastur liður í dagskrá safns-
ins.
Táknmálsleiðsögn
um listasýningar