Morgunblaðið - 19.05.2001, Blaðsíða 24

VIÐSKIPTI
24 LAUGARDAGUR 19. MAÍ 2001 MORGUNBLAÐIÐ
Vandaðar og vel skipu-
lagðar 4ra-5 herbergja
íbúðir á góðum stað í
Reykjavík til sölu.
Íbúðirnar eru með stór-
um svölum á móti
suðri, þvottahús í íbúð-
inni, rúmgott baðher-
bergi, stór barnaher-
bergi, rúmgott eldhús
og fallegt útsýni.
Upplýsingar í síma
896 1606 og 557 7060
Vönduð og vel skipulögð
4ra herbergja íbúð á góð-
um stað í Reykjavík
til sölu.
Íbúðin er með stórum
svölum á móti suðri,
þvottahús í íbúðinni, rúm-
gott baðherbergi, stór
barnaherbergi, rúmgott
eldhús og fallegt útsýni.
Upplýsingar í símum
896 1606 og 557 7060.
DELTA hf. hefur náð samkomulagi
um kaup á öllu hlutafé lyfjafyrirtæk-
isins Pharmamed á Möltu fyrir 10,5
milljónir Bandaríkjadala, eða rúm-
lega einn milljarð króna, og var skrif-
að undir samning þess efnis á Möltu í
gær. Undirritun kaupsamnings fór
fram í húsakynnum Pharmamed á
Möltu að viðstöddum bæði fjármála-
ráðherra og heilbrigðisráðherra
Möltu.
Samningarnir eru undirritaðir
með fyrirvara um tæknilegar og
lagalegar samþykktir á Möltu. Þeim
fyrirvörum verður aflétt fyrir 31. maí
næstkomandi.
Gefur forskot í þróun
nýrra samheitalyfja
Með kaupunum er Delta að renna
enn styrkari stoðum undir framtíð-
arvöxt og rekstur fyrirtækisins og
tveir meginþættir gera fjárfestingu á
Möltu að mjög áhugaverðum kosti að
mati stjórnenda Delta. Annars vegar
að nýta hagstæða einkaleyfalöggjöf á
Möltu sem gefur forskot í þróun
nýrra samheitalyfja og hins vegar að
auka framleiðslugetu þar sem fram-
leiðslukostnaður er lægri á Möltu en
á Íslandi. Þannig skapast tækifæri
fyrir Delta til að auka samkeppnis-
hæfni fyrirtækisins á núverandi
mörkuðum félagsins sem og á nýjum
mörkuðum sem Delta hefur ekki lagt
áherslu á hingað til, t.d. lönd A-Evr-
ópu og Miðausturlönd.
Pharmamed var í eigu Hollenska
lyfjafyrirtækisins IDA. Pharmamed
hefur yfir að ráða tveimur verksmiðj-
um á Möltu með hæfu starfsfólki.
Annars vegar 5.000 m² töfluverk-
smiðju, sem hefur framleiðslugetu
upp á 3,6 milljarða taflna og svipaðan
framleiðslubúnað og Delta, og hins
vegar nýlega 6.000 m² verksmiðju
þar sem fyrirtækið framleiðir
stungulyf. Verksmiðjur Pharmamed
eru þegar samþykktar í nokkrum
löndum V-Evrópu. EBITDA
Pharmamed á árinu 2001 verður um
120 milljónir samkvæmt áætlunum,
hagnaður af rekstrinum um 20 millj-
ónir og veltufé frá rekstri um 100
milljónir. Áætluð velta félagsins á
árinu 2001 er um 2 milljarðar.
Í tilkynningu frá Delta kemur
fram að á árinu 2000 varð ekki hagn-
aður af rekstri Pharmamed, enda
hafi það ekki verið markmið hol-
lensku eigendanna, IDA, sem er
hjálparstofnun. Þeirra hlutverk hef-
ur fyrst og fremst verið að sjá stofn-
unum á borð við UNICEF og Lækna
án landamæra fyrir lyfjum á hag-
stæðu verði.
Í samningi Delta hf. og IDA skuld-
bindur IDA sig til að halda áfram að
kaupa hluta framleiðslu Pharmamed
á næstu árum sem tryggja mun
tekjugrunn verksmiðjunnar. Auk
þess munu verkefni úr framleiðslu-
deild Delta í Hafnarfirði verða færð
yfir í verksmiðju Pharmamed þegar
á þessu ári, enda er verkefnastaða
Delta með þeim hætti að núverandi
framleiðslugeta dugir tæpast til.
Lögfræðistofan LOGOS, Íslands-
banki FBA ásamt Deloitte & Touche
hafa unnið að samningagerð með
stjórnendum Delta. IDA naut aðstoð-
ar ráðgjafarfyrirtækisins CDI og
lögmannastofu Baker & McKenzie.
Samkomulag um
kaup Delta á
Pharmamed á Möltu
G. Pratt, stjórnarformaður IDA, og Róbert Wessman, framkvæmdastjóri
Delta, við undirritunina á Möltu í gærmorgun.
● ALLS hafa 2.700 starfsmenn
sænska fyrirtækisins Ericsson
fengið uppsagnarbréf í samræmi
við áætlanir fyrirtækisins um end-
urskipulagningu og sparnað vegna
afkomu undir væntingum. Um er
að ræða starfsmenn í Svíþjóð og
geta 1.300 starfsmenn til viðbótar
búist við uppsagnarbréfi fyrir lok
næsta mánaðar. Í fréttatilkynningu
segir að markmiðið sé að starfs-
menn fyrirtækisins verði færri en
90 þúsund í lok þessa árs. Auk
þeirra 4.000 starfsmanna fyrirtæk-
isins í Svíþjóð sem fá uppsagn-
arbréf núna og í næsta mánuði,
verður 4.000 ráðgjöfum fyrirtæk-
isins í Svíþjóð sagt upp á sama
tíma.
Eins og kunnugt er, lagði Er-
icsson fram áætlun um end-
urskipulagningu á rekstri fyrirtæk-
isins 27. mars sl. Þar var m.a.
sett fram það markmið að draga
úr árlegum kostnaði um sem nem-
ur 200 milljörðum íslenskra króna.
Áætlun Ericsson fylgt
● SÆNSKIR sérfræðingar segja að
merkja megi aukinn áhuga fjár-
festa á líftæknifyrirtækjum og þar í
landi séu m.a. mörg spennandi fyr-
irtæki í þessum geira. Líftæknifyr-
irtækjum almennt er einnig spáð
bjartari framtíð, sérstaklega þar
sem nokkur niðursveifla hefur orð-
ið í netgeiranum. Frá þessu er
greint á viðskiptafréttavefnum
ekonomi24.
Hlutabréf nokkurra lyfja- og líf-
tæknifyrirtækja verða skráð í
Kauphöllinni í Stokkhólmi á þessu
ári, eftir nokkurt hlé á skráningum
slíkra fyrirtækja. Meðal þeirra fyr-
irtækja sem verða skráð í Kaup-
höllinni í Stokkhólmi í ár er líf-
tæknifyrirtækið Bioinvent.
Forstjórinn segir í samtali við e24
að hann verði var við mikinn áhuga
fjárfesta og telji fyrirtækið vel búið
undir skráningu á markaði.
Annika Espander, sérfræðingur
hjá Enskilda-verðbréfafyrirtækinu,
segir að skilyrði á fjármálamark-
aðinum séu nú betri en fyrir nokkr-
um mánuðum. Nú ríki sú skoðun
að botninum sé náð á hlutabréfa-
markaðnum og uppgangur sé í
nánd. Vaxtarmöguleikar líftæknifyr-
irtækja séu miklir þar sem bæði
stofnanafjárfestar og aðrir sýni
slíkum fyrirtækjum mikinn áhuga.
Annar sérfræðingur segir að
bæði lyfja- og líftæknifyrirtæki geti
búist við betri tímum ef þau taki
saman höndum og geri með sér
samstarfssamninga um rannsóknir
og þróun.
Aukinn áhugi á líf-
tæknifyrirtækjum
● NORSKA lyfjabúðakeðjan Apo-
kjeden mun hefja rekstur lyfjabúðar
á Netinu innan skamms. Í fyrstu
verða aðrar vörur en lyf til sölu í net-
versluninni en forsvarsmenn Apokj-
eden hyggjast einnig selja lyf á Net-
inu í framtíðinni, að því er fram
kemur í Dagens Næringsliv.
Um er að ræða samstarf Apokj-
eden og E-Line Group og í byrjun nóv-
ember verður netapótekið orðið að
veruleika á slóðinni www.apo-
tek1.no. Í fyrstu verða viðbrögð við-
skiptavina könnuð til að ganga úr
skugga um að markaður sé fyrir apó-
tek á Netinu, að sögn yfirmanns hjá
Apokjeden, Bjarte Reve.
Norskt netapótek
STUTTFRÉTTIR
HAGNAÐUR Skýrr hf. fyrir tíma-
bilið 1. janúar til 31. mars nam 15,7
milljónum króna eftir skatta, en á
síðasta ári nam hagnaður sama tíma-
bils 103 milljónum króna. Þá var um
70 milljóna króna hagnaður af sölu á
örbylgjukerfi. Rekstrartekjur tíma-
bilsins námu alls 391 milljón króna,
að meðtöldum söluhagnaði að fjár-
hæð 12 milljónir króna. Á síðasta ári
námu tekjurnar á sama tímabili 502
milljónum króna að meðtöldum 160
milljóna króna söluhagnaði, að því er
segir í tilkynningu frá Skýrr.
Rekstrartekjur félagsins, án sölu-
hagnaðar, eru því að aukast um 11%
á milli ára. Rekstrargjöld tímabilsins
nema samtals 383 milljónum króna,
samanborið við 370 milljónir króna
árið áður og aukast um 4% á milli
ára. Hagnaður fyrir afskriftir, það er
EBITDA, nemur 35 milljónum
króna, samanborið við 154 milljónir
króna árið áður. Hreinar fjármuna-
tekjur nema 22,8 milljónum króna,
samanborið við 23,4 milljónir króna
árið áður, en áhrif dóttur- og hlut-
deildarfélaga eru neikvæð um 9,1
milljón króna, samanborið við 5,9
milljónir árið áður.
Fram kemur í tilkynningu Skýrr
hf. að verkefnastaða félagsins hefur
verið góð á tímabilinu og hafa tekjur
aukist á flestum sviðum. Tímabilið
hefur þó einkennst af mikilli þróun á
nýjum vörum og þjónustu, en þar
vegur þyngst aðlögun á Oracle e-
Business Suite fyrir íslenska mark-
aðinn, uppbyggingu á þjónustuveri
vegna VeriSign og áframhaldandi
þróun á Kerfisleigu Skýrr. Viðtökur
á markaðnum fyrir þessar nýju af-
urðir hafi verið mjög góðar og miklar
væntingar bundnar við þær í fram-
tíðinni. Jafnframt hafi útboð ríkisins
á nýjum fjárhagskerfum verið fyr-
irferðarmikið í rekstri félagsins að
undanförnu. Þessi uppbygging
leggst þungt á rekstur félagsins,
bæði í formi minni tekna við útselda
vinnu og mikils þróunarkostnaðar.
Upphafleg rekstraráætlun félags-
ins fyrir árið 2001 gerði ráð fyrir að
almennar rekstrartekjur myndu
vaxa um 15% milli ára og hagnaður
ársins yrði um 120 milljónir króna.
„Ljóst er að fyrstu þrír mánuðir árs-
ins eru töluvert undir áætlun. Gert
er ráð fyrir því að áætlunin verði tek-
in til endurskoðunar við sex mánaða
uppgjör félagsins,“ segir í tilkynn-
ingu félagsins.
Hagnaður Skýrr
hf. undir áætlun
INGVAR Kristinsson, formaður
Samtaka íslenskra hugbúnaðarfyr-
irtækja, segir að málefni grein-
arinnar heyri nú undir þrjú ráðu-
neyti, þ.e. iðnaðar- og
viðskiptaráðuneyti, samgöngu-
ráðuneyti og forsætisráðuneyti.
Ingvar segir það ósk iðnaðarins
að málefni greinarinnar séu öll á
einum stað. Það væri eðlilegast að
þau væru í iðnaðar- og viðskipta-
ráðuneyti. Það væri mjög mikil-
vægt að það væri einn aðili sem
fylgdist með öllum málefnum iðn-
aðarins, svo sem laga- og reglu-
gerðasetningu innan alls stjórnar-
ráðsins og öðrum
hagsmunamálum. Sá aðili væri í
nánu sambandi við iðnaðinn og léti
vita að hvaða málum væri unnið og
hvar. Það væri til mikilla hagsbóta
fyrir upplýsingaiðnaðinn að geta
fylgst með öllu á einum stað, að
sögn Ingvars.
Upplýsingaiðn-
aðurinn í þremur
ráðuneytum
REKSTRARNIÐURSTAÐA
Tæknivals hf. fyrir fjármagns-
liði og afskriftir (EBITDA)
sýnir 28 milljóna króna tap á
fyrsta ársfjórðungi 2001, í stað
16,7 milljóna króna hagnaðar í
fyrra. Rekstrartekjur eru nán-
ast hinar sömu og í fyrra eða
1.040 milljónir króna í stað
1.030 milljóna, að því er fram
kemur í tilkynningu félagsins.
Þá eru fjármagnsliðir neikvæð-
ir um 45,4 milljónir króna. Á
sama tíma í fyrra voru fjár-
magnsliðir neikvæðir um 8
milljónir kr. en þá var gengis-
hagnaður 8,8 milljónir kr.
Unnið að endurskoðun
á áætlun og rekstri
Að teknu tilliti til afskrifta
nemur því heildartap á fyrsta
ársfjórðungi 88,5 milljónum
króna.
Í tilkynningu félagsins segir
að rekstrarafkoman valdi að
vonum vonbrigðum en hún
skýrist m.a. af neikvæðum
áhrifum örrar lækkunar gengis
frá áramótum. Þá fellur mikill
kostnaður á fyrsta ársfjórðung
af opnun Office 1-verslana, en
tekjur tóku að skila sér á öðrum
ársfjórðungi. Einnig er um 20%
samdráttur í tölvusölu frá sama
tíma í fyrra. Velta BT jókst á
fyrstu þrem mánuðum ársins
en kostnaður hækkaði einnig.
Unnið er að endurskoðun á
áætlun og reksti félagsins fyrir
þetta ár og munu niðurstöður
verða kynntar fljótlega.
Heildartap
Tæknivals
88,5 millj-
ónir króna
♦ ♦ ♦
● YFIRMANNI sænska ríkissjón-
varpsins SVT, Mariu Curman, hefur
verið sagt upp störfum vegna þess
að hún átti hlutabréf í fjölmiðlafyr-
irtækinu MTG sem rekur m.a. sjón-
varpsstöðvar í samkeppni við SVT.
Allan Larsson, stjórnarformaður
SVT, kallaði til stjórnarfundar í fyrri-
nótt vegna skrifa dagblaðsins Vi-
sion um málið. Eftir rannsókn
málsins komst stjórnin að þeirri
niðurstöðu að Curman skyldi sagt
upp störfum samstundis. Curman
hefur gegnt starfi yfirmanns SVT
frá janúar á síðasta ári. Hún hafði
ekki gefið stjórn SVT upplýsingar
um hlutabréfaeign sína í MTG en
seldi bréfin í fyrradag fyrir sem
samsvarar 1,8 milljónum íslenskra
króna.
Í samtali við Aftonbladet segir
Curman að hún feli verðbréfafyr-
irtæki að sjá um hlutabréfa-
viðskipti sín og geti því ekki vitað í
hvaða fyrirtækjum hún eigi hluta-
bréf á hverjum tíma. Sama blað
greinir frá því að Curman fær greitt
sem samsvarar 33 milljónum ís-
lenskra króna við starfslokin.
Forstjóra SVT
sagt upp vegna
hlutabréfaeignar