Morgunblaðið - 19.05.2001, Page 20
SUÐURNES
20 LAUGARDAGUR 19. MAÍ 2001 MORGUNBLAÐIÐ
2 • 2001 • 690 kr
Kynlífsþrælar
á Íslandi
Vigdís
Finnbogadóttir
Píkusögur
Konur og
jaðaríþróttir
Ana frá
Filippseyjum
Kynlífsvæðing
Bréf ASÍ
Klámefni skoðað
einkamal.is
Áskriftarsími: 552 2188 - Heimasíða: www.vera.is
ÞÆR Helga Sigrún Harðardóttir,
Toby Herman og Anna Sigurðar-
dóttir eru allar með próf í náms-
og starfsráðgjöf frá Háskóla Ís-
lands. Helga, sem býr í Reykja-
nesbæ, var að hugsa um að fara til
Bandaríkjanna í framhaldsnám, en
óx nokkuð í augum að flytja úr
landi, þegar hún hitti kennara úr
Fjölbrautaskóla Suðurnesja sem
sagði henni frá því að mögulegt
væri að taka háskólapróf í mann-
legum samskiptum (Human Relat-
ions) frá Oklahoma-háskóla á
Keflavíkurflugvelli. Þær Toby og
Anna ákváðu svo að fara líka.
„Skipulagið er allt annað en við
þekkjum úr skólakerfinu hér
heima. Í hverjum mánuði er eitt
námskeið kennt og tekur það eina
viku. Kennararnir koma þá hingað
til lands og er kennt á hverju
kvöldi og um helgar, þá viku sem
þeir eru hér,“ segir Helga Sigrún.
Í lok kennsluvikunnar er síðan
prófað í námsefninu. Tíminn milli
kennslutímabila er svo nýttur til
að lesa fyrir næsta námskeið og
skrifa verkefni og ritgerðir.
Skyldunámskeið eru fjögur og því
talsvert val í boði, en námið er alls
34 einingar. Meðal námskeiða sem
eru í boði eru aðferðafræði, nám-
skeið um fíkn og ávana, stjórnun,
lausn vandamála, fullorðinsfræðsla
og fleira. Þær segja að námið
henti vel stjórnendum, sem og
náms- og starfsráðgjöfum, svo
dæmi séu tekin. Námið er ekki
ósvipað námi í almannatengslum
og mannauðsstjórnun.
Oklahoma-háskóli er sá eini sem
býður upp á þessa gráðu, að sögn
Helgu Sigrúnar, og er námsgrein-
in kennd á sama hátt við aðrar
herstöðvar Atlantshafsbandalags-
ins víða um heim. Þetta er eina
námið á meistarastigi sem er í boði
á Keflavíkurflugvelli, en þær segja
að Maryland-háskóli bjóði þar upp
á grunnháskólagráður.
Námið stendur öllum sem stand-
ast inntökuskilyrðin til boða, en til
að komast inn þarf að taka ensku-
próf, svokallað TOEFL-próf sem
hægt er að taka hjá Fulbright-
stofnuninni, en þetta próf þurfa
allir að hafa sem fara í bandarísk-
an háskóla. Námið kostar um 8.000
bandaríkjadali alls. Kennslan fer
að mestu fram í gömlu flugstöðv-
arbyggingunni, sem flestir Íslend-
ingar ættu að kannast við.
Um 20–25 nemendur eru í
bekknum og segja þær stöllur að
þeim hafi verið vel tekið af hinum
nemendunum. „Þetta er ósköp
venjulegt fólk, ekki bara hermenn
heldur einnig eiginkonur eða eig-
inmenn þeirra og almennir starfs-
menn á Vellinum. Það er enginn í
hermannabúningi í skólanum,“
segir Anna og Toby skýtur hlæj-
andi inn í: „Nema einn sem mætti
í eitt skipti í fullum herklæðum!
Anna spurði hann þá bara í hvaða
múnderíngu hann væri eiginlega.“
Helga Sigrún segir að þær hafi
eignast góða vini á Vellinum og að
ein stelpa hafi gengið upp að þeim
þegar námið var rétt að byrja og
spurt hvort hún mætti ekki kynn-
ast þeim betur því að hún þekkti
hreinlega enga Íslendinga og lang-
aði til að kynnast þeim betur.
Langlífir fordómar
Toby segir að þær hafi orðið
varar við fordóma Íslendinga
gagnvart því að þær séu í námi á
Vellinum. „Mér finnst alveg ótrú-
legt að fólk hafi fordóma enn þann
dag í dag,“ segir hún og hlær. Þær
segjast t.d. hafa orðið varar við
það að fólk, t.d. gamlir herstöðva-
andstæðingar, sem langar í þetta
nám hafi ekki viljað fara í það
vegna staðsetningarinnar.
Helga, Toby og Anna segja að
kennararnir séu mjög góðir og
þeir hafi mikla reynslu. „Okkur
hefur gengið mjög vel í náminu og
hafa kennararnir tekið okkur vel,“
segja þær. Toby segir að þær séu
eiginlega betur undirbúnar en
margir hinna nemendanna, þar
sem þær hafa allar viðbótarnám úr
háskóla og einnig starfsreynslu.
Allar vinna þær fulla vinnu með
náminu. Helga Sigrún á Markaðs-
og atvinnumálaskrifstofu Reykja-
nesbæjar og Toby og Anna eru
námsráðgjafar í Reykjavík. „Við
erum sem sagt hættar að horfa á
sjónvarpið,“ segir Anna og kímir.
Ætlar út til
að útskrifast
„Við mælum alveg eindregið
með náminu þarna,“ heldur Anna
áfram. „Þetta er mjög hentugt fyr-
ir fólk sem langar í framhaldsnám,
en á erfitt með að flytja úr landi.
Fólk getur haldið áfram að vinna
og tekið þetta á þeim hraða sem
því hentar, en hámarkstíminn til
að taka námið er þó fimm ár.“
Helga Sigrún bendir á að allar
upplýsingar um skólann og námið
sé að finna á vefslóð Oklahoma-
háskóla http://www.goou.ou.edu.
Þær Anna, Helga Sigrún og
Toby byrjuðu í náminu síðasta
haust og stefna á að útskrifast
sumarið 2002. „Ég ætla að fara út
til Oklahoma til að útskrifast, það
var eitt af því sem ég ákvað
strax,“ segir Helga Sigrún spennt.
„Fyrst og fremst til að kanna
möguleika á framhaldi og líka til
að halda tengslum við alla þessa
frábæru kennara sem við höfum
kynnst. Annars er haldin útskrift-
arhátíð á Vellinum líka að banda-
rískum sið þannig að nemendurnir
klæðast fjólubláum skikkjum og
bera höfuðfat sem notað er við út-
skriftir í bandarískum háskólum.“
Morgunblaðið/Þorkell
Helga Sigrún Harðardóttir, Toby Herman og Anna Sigurðardóttir stunda nám í mannlegum samskiptum við
Oklahoma-háskóla í herstöðinni á Keflavíkurflugvelli.
Enginn í hermanna-
búningi í skólanum
Þrjár íslenskar konur stunda nú meist-
araprófsnám í mannlegum samskiptum í
herstöð varnarliðsins á Keflavíkurflugvelli.
Nína Björk Jónsdóttir hitti þær yfir kaffi-
bolla til að ræða um námið og fordóma sem
þær hafa mætt í samfélaginu.
Keflavíkurflugvöllur
Háskólinn í Oklahoma kennir í gömlu
flugstöðvarbyggingunni á Keflavíkurflugvelli
REKSTUR málaflokka hjá Gerða-
hreppi lækkaði á síðasta ári úr
tæpum 85% af skatttekjum niður í
78,5%. Stafar það af auknum
tekjum. Reikningar Gerðahrepps
verða teknir til síðari umræðu og
afgreiðslu á fundi hreppsnefndar
næstkomandi mánudag.
Samkvæmt ársreikningi Gerða-
hrepps fyrir árið 2000 námu skatt-
tekjur 213 milljónum kr. og jukust
þær um 31 milljón kr. frá árinu á
undan en það er 14,6% breyting
milli ára. Til samanburðar má geta
þess að vísitölur hækkuðu um rúm
4% milli áranna 1999 og 2000. Mest
jukust tekjur af útsvörum og fast-
eignaskatti, um 16 og 19%.
Rekstur málaflokka hækkaði
einnig en þó mun minna en skatt-
tekjurnar, eða um tæpar 11 millj-
ónir kr. sem er 6% aukning frá
árinu á undan. Í greinargerð end-
urskoðunarstofunnar Pricewater-
houseCoopers til sveitarstjórnar
kemur fram að sveitarfélagið hafi
rúmlega 20 milljónum kr. meira til
ráðstöfunar til greiðslu, vaxta, af-
borgana og fjárfestinga en árið á
undan. Rekstur málaflokka hafi
lækkað úr 84,81% af skatttekjum
niður í 78,48% sem verði að teljast
góður árangur.
Eign í Hitaveitu vanmetin
Skuldir jukust umfram eignir og
eru skuldir á íbúa nú 260 þúsund
kr. á móti 236 ári fyrr. Endurskoð-
endurnir láta þess getið að eign-
arhlutur Gerðahrepps í Hitaveitu
Suðurnesja sé verðlagður á 33
milljónir kr. í reikningunum. Sam-
kvæmt verðmati sem gert hafi ver-
ið á Hitaveitunni vegna breytingar
í hlutafélag á árinu 2001 nemi eign-
arhlutur sveitarfélagsins 500 millj-
ónum kr. „Eignarhluturinn er því
verulega vanmetinn í ársreikningi
sveitarfélagsins en rétt verð á
hlutnum kemur ekki í ljós fyrr en
félagið er komið á markað og hægt
verður að fá rétt markaðsverð,“
segir í greinargerð endurskoðend-
anna.
Meiri afgangur
af tekjum
Garður
Ársreikningur Gerðahrepps
HARÐUR árekstur varð í Keflavík í
gærmorgun. Ökumaður annars bíls-
ins var fluttur á sjúkrahús.
Áreksturinn var tilkynntur til lög-
reglunnar fimmtán mínútum fyrir
klukkan átta í gærmorgun. Jeppa-
bifreið var ekið út af bílastæði við
fiskbúð við Hringbraut, til móts við
Norðurtún, og í veg fyrir fólksbíl
sem ók norður götuna. Áreksturinn
var harður, samkvæmt upplýsingum
lögreglu. Ökumaður annarrar bif-
reiðarinnar var fluttur á sjúkrahús
vegna meiðsla á fótum og víðar. Hinn
ökumaðurinn ætlaði sjálfur að leita
til læknis.
Fjarlægja þurfti báða bílana með
dráttarbíl.
Morgunblaðið/Hilmar Bragi Bárðarson
Báðir bílarnir voru dregnir af slysstað.
Harður árekstur
á Hringbraut
Keflavík