Morgunblaðið - 19.05.2001, Blaðsíða 28
ERLENT
28 LAUGARDAGUR 19. MAÍ 2001 MORGUNBLAÐIÐ
ALBANAR í bænum Slupcane sem
leitað hafa skjóls í kjallara meðan
sprengjuárás stjórnarhersins
stendur yfir. Sumt fólkið á átaka-
svæðunum hefur þurft að hírast
dögum saman í kjöllurunum með
börn sín og ekki orðið svefnsamt
vegna hávaðans frá öflugustu
vopnunum sem herinn og skæru-
liðar beita. Skæruliðar hafa verið
sakaðir um að nota óbreytta borg-
ara sem eins konar mannlega skildi
gegn stjórnarhernum og hindra þá
í að komast burt. Fólkið er milli
tveggja elda, margir styðja kröfur
skæruliða um aukin réttindi Alb-
ana en eru andvígir því að beitt sé
vopnavaldi til að ná því markmiði.
Ljósmyndarinn varð vitni að því er
maður á dráttarvél með tengivagni
ætlaði að reyna að aka á brott með
hóp fólks en var þá stöðvaður af
skæruliða með hríðskotabyssu sem
hótaði manninum öllu illu. Thomas Dworzak/Magnum Photos
Biðin
langa í
kjallar-
anum
NÆSTELSTI sonur Sadd-
ams Husseins Íraksforseta,
Qusai, hefur verið kjörinn í
forystusveit
Baath-
flokksins,
sem fer
með stjórn
Íraks. Þyk-
ir það
benda til að
verið sé að
búa hann
undir að
taka við leiðtogahlutverki í
framtíðinni.
Hingað til hefur elsti sonur
Saddams, Odai, verið álitinn
líklegasti arftaki föður síns,
þótt hann hafi ekki gegnt
mikilvægum embættum í rík-
isstjórninni eða Baath-flokkn-
um. Því kom það nokkuð á
óvart þegar íraska ríkissjón-
varpið tilkynnti á fimmtu-
dagskvöld að Qusai hefði á
landsþingi flokksins verið
kjörinn í miðstjórn, en ekki
Odai.
Eins og við var að búast var
Saddam Hussein endurkjör-
inn aðalritari flokksins með
atkvæðum allra fundargesta.
Það bar hins vegar til tíðinda
á flokksþinginu að kona var í
fyrsta sinn kjörin í miðstjórn-
ina, en Saddam hefur nýlega
hvatt til þess að konur fái
aukin áhrif í íröksku sam-
félagi.
Lítið í sviðsljósinu
Qusai Hussein er 34 ára
gamall og hefur verið mun
minna í sviðsljósinu en eldri
bróðir hans. Sagt er að fæstir
Írakar myndu þekkja Qusai í
sjón, en hann stýrir samt
tveimur mikilvægum deildum
innan Írakshers, þar á meðal
lífvarðasveit Saddams. Hann
er kvæntur dóttur hershöfð-
ingja og eiga þau þrjá syni.
Odai, sem er 36 ára, hefur á
sér vafasamara orðspor og er
kunnur fyrir kvennafar og
skapofsa. Hann stjórnar einni
herdeild og á sæti á þingi
Íraks, auk þess sem hann á
áhrifamesta dagblað landsins,
Babil. Reynt var að ráða Odai
af dögum í desember 1996 og
særðist hann þá alvarlega.
Sonur
Saddams í
forystuna
Bagdad. AP.
Odai
LÖGREGLAN í Nýju-Delhí hefur
komið á fót sérsveit til að hafa
hendur í hári „apamanns“ sem hef-
ur valdið mikilli skelfingu meðal
íbúa borgarinnar. Yfirvöld hafa
einnig boðið andvirði 100.000 króna
fyrir upplýsingar sem leiða til
handtöku þessarar dularfullu veru
sem er sögð hafa ráðist á tugi
manna í skjóli nætur. Þá hafa ellefu
hindúamunkar boðað til bæna-
fundar í dag til að reyna að sefa
veruna og biðja til apakonungsins
Hanumans, guðs visku og lærdóms í
hindúasið.
„Apamaðurinn“ er sagður hafa
verið á kreiki í rúma viku og af lýs-
ingum borgarbúanna að dæma
verður hann æ stærri, sterkari,
loðnari og slóttugri með hverjum
deginum sem líður. Að sögn ind-
verskra blaða hafa fjórir látið lífið
og um 60 slasast eftir að hafa lagt á
flótta undan verunni. „Fólk stekkur
fram af húsþökum jafnvel þótt það
hafi ekki séð apamanninn. Fólkið
hegðar sér óskynsamlega og
ástandið getur orðið mjög hættu-
legt,“ sagði lögreglustjóri borg-
arinnar.
„Apamaðurinn“ er einkum sagð-
ur herja á fólk sem leggst til svefns
á húsþökum í úthverfum borg-
arinnar vegna mikils hita. Honum
hefur ýmist verið lýst sem smávöxn-
um hrekkjalómi, dulbúnum sem
svörtum apa, eða rúmlega tveggja
m hárri skepnu með risastóra járn-
krumlu og græn sjálflýsandi augu.
Borgarbúar hafa komið á fót
varðflokkum ungra manna sem
ganga um göturnar með barefli,
hnífa og blys sem þeir segja að
blindi „apamanninn“ og hreki hann
burt. Öfgasamtök hindúa í borginni
telja að Pakistanar standi á bak við
árásirnar og hafa sent tugi vopn-
aðra manna á göturnar.
Lögreglan hvatti borgarbúana til
að sýna stillingu eftir að æstur
múgur réðst á mann sem var talinn
vera „apamaðurinn“ þegar hann
sást læðast upp á húsþak í fyrrinótt.
Í ljós kom að hann var á leiðinni
heim til sín eftir að hafa fengið sér í
staupinu. „Hann var að reyna að
laumast inn í húsið sitt þar sem
hann kom of seint heim,“ sagði lög-
regluþjónn sem bjargaði mann-
inum.
AP
Teikningar af „apamanninum“, byggðar á lýsingum fólks sem segist
hafa orðið fyrir árásum þessarar dularfullu veru.
Reynt að handsama „apamanninn“
Nýju-Delhí. The Daily Telegraph, AFP.