Morgunblaðið - 14.12.2001, Síða 2

Fylgstu
með
nýjustu
fréttum
www.mbl.isÍBV og HK skildu jöfn
í Vestmannaeyjum / C3
Glæsilegur árangur Jakobs
á EM í sundi / C1
4 SÍÐUR
Morgunblaðinu í
dag fylgir aug-
lýsingablað frá
Leonard, „Form í
tíma“. Blaðinu
verður dreift í
Reykjavík og ná-
grenni.
8 SÍÐUR
Sérblöð í dag
FRÉTTIR
2 FÖSTUDAGUR 14. DESEMBER 2001 MORGUNBLAÐIÐ
Á FÖSTUDÖGUM
HÆSTIRÉTTUR hefur sýknað ís-
lenska ríkið af kröfu Lífeyrissjóðs
sjómanna um 1,4 milljarða króna
bætur vegna lagabreytinga sem
gerðar voru árið 1981 og sjóðurinn
taldi hafa leitt til þess að eignir hans
skertust. Vísaði sjóðurinn til ákvæða
stjórnarskrár um eignarétt og taldi
að ríkisvaldinu bæri að bæta þessa
eignaskerðingu að fullu. Hæstiréttur
taldi hins vegar að umrædd laga-
breyting hefði ekki leitt til þess, að
fjármunir væru teknir frá Lífeyris-
sjóði sjómanna heldur hefðu greiðsl-
ur hans aukist til ákveðinna sjóð-
félaga á kostnað heildarinnar.
Lagabreytingarnar, sem um var
deilt, leiddu til hækkunar lífeyris-
greiðslna til sjóðfélaga sem hófu
töku lífeyris fyrir 65 ára aldur og því
aukinna lífeyrisskuldbindinga Líf-
eyrissjóðs sjómanna. Sjóðurinn
höfðaði mál á hendur ríkinu og
krafðist, með vísan til 72. gr. stjórn-
arskrárinnar, fjárhæðar sem sam-
svaraði auknum greiðslum sjóðsins
og greiðsluskuldbindingum vegna
breytinganna. Hafi lagasetningin
leitt til skerðingar á eignum sjóðsins
sem aðrir lífeyrissjóðir hafi ekki
þurft að sæta.
Undirbúningur frumvarps-
ins talinn óvandaður
Hæstiréttur féllst á það með líf-
eyrissjóðnum, að undirbúningur
frumvarpsins hefði verið óvandaður.
Full ástæða hefði verið til þess að
láta tryggingafræðing reikna út
hvað ætla mætti að breytingin kost-
aði lífeyrissjóðinn og þann útreikn-
ing hefði síðan átt að leggja fyrir Al-
þingi og skýra frá því hvort og þá
hvaða aðgerðir væru fyrirhugaðar til
þess að mæta auknum útgjöldum.
Segir Hæstiréttur að hvorki í yf-
irlýsingu ríkisstjórnarinnar frá 6.
desember 1980 né athugasemdum
við lagafrumvarpið sé nokkuð að
finna um það hvernig fjármagna átti
þessa breytingu. Því var ekki fallist á
að skýra hafi mátt aðgerðir ríkis-
stjórnarinnar svo að hún ætlaði rík-
issjóði að standa straum af kostnað-
inum sem af þessu leiddi. Jafnvel
þótt stjórn lífeyrissjóðsins hafi talið
að í gerðum ríkisstjórnarinnar hafi
verið að finna einhvers konar fyrir-
heit um að greiða kostnaðinn, hafi
ekki falist í þeim bindandi loforð að
lögum um greiðslur úr ríkissjóði. Til
þess hefði þurft lagaheimild.
Taldi Hæstiréttur að umrædd
lagabreyting, sem aðilar voru sam-
mála um að hafi verið til komin
vegna óska sjómanna, hafi ekki leitt
til þess að fjármunir væru teknir frá
Lífeyrissjóði sjómanna heldur juk-
ust greiðslur hans til eigin sjóð-
félaga, sem hófu töku lífeyris fyrir 65
ára aldur, á kostnað heildarinnar.
Því hafi lagabreytingin í raun þýtt
tilfærslu réttinda milli félaga í lífeyr-
issjóðnum. Breytingin hafi verið al-
menn og náð til allra sem eins voru
settir. Þar skipti ekki máli að lögin
náðu aðeins til félaga í lífeyrissjóðn-
um, enda höfðu lífeyrisþegar ann-
arra sjóða ekki viðlíka réttindi að
lögum. Í ljósi þessa var ríkið sýknað.
Ríkið sýknað af 1,4 milljarða króna kröfu Lífeyrissjóðs sjómanna
Fjármunir ekki teknir af
sjóðnum með lagabreytingu
MAÐURINN, sem lést í árekstri á
Eyrarbakkavegi á fimmtudag, hét
Siggeir Pálsson, bóndi á Baugsstöð-
um í Stokkseyrarhreppi.
Siggeir var 76 ára gamall, fæddur
6. júlí 1925. Hann lætur eftir sig eig-
inkonu og fimm uppkomin börn.
Lést í
árekstri
Siggeir
Pálsson
JÓLATRÉ Mæðrastyrksnefndar í
Kringlunni fékk heimsókn frá
ófáum barna- og unglingabókahöf-
undum í gær, þegar þeir lögðu
bækur sínar undir tréð sem munu
gleðja skjólstæðinga Mæðrastyrks-
nefndar á jólunum. Höfundarnir
eru sammála um að ekkert barn
eigi að vera bókarlaust á jólum
hvort heldur um ræðir nýútkomna
bók eða eldri. Óþarft er að nefna að
gjafirnar voru innpakkaðar og árit-
aðar til viðtakanda, t.d. með ósk um
gleðileg jól til drengs eða stúlku á
tilteknum aldri.
Öllum er frjálst að leggja jólagjöf
undir tréð í Kringlunni og hefur
Mæðrastyrksnefnd komið upp að-
stöðu til að pakka inn gjöfum við
tréð.
Morgunblaðið/Árni Sæberg
Ekkert barn bók-
arlaust á jólum
HÆSTIRÉTTUR þyngdi í gær, um
eitt og hálft ár, fangelsisdóm yfir
Kristni Óskarssyni, sem dæmdur
var í þriggja ára fangelsi fyrir
nauðgun, líkamsmeiðingar, eigna-
spjöll, húsbrot og gripdeild í Héraðs-
dómi Reykjavíkur 3. júlí sl.
Kynferðisbrot ákærða og mis-
þyrmingar hans á þáverandi unn-
ustu sinni voru framin í sumarbústað
í Helgafellssveit í ágúst 1999.
Hæstarétti þótti ljóst að atlaga
ákærða að stúlkunni, sem þá var 17
ára, var óvenju hrottafengin. Hefði
ofbeldi hans og hótanir um frekari
ófarnað staðið yfir í á þriðju klukku-
stund. Ákærði þröngvaði stúlkunni
ítrekað til samræðis og annarra kyn-
ferðismaka, hrinti henni niður bratt-
an stiga og veitti henni stórfellda lík-
amsáverka. Með langvinnri atlögu
ákærða að henni hafi hún verið svipt
kynfrelsi sínu á svívirðilegan hátt.
Hafi hún hlotið stórfellda líkams-
áverka og ekki síður andlegt áfall,
sem reynst hafi henni erfitt viðfangs
og þungbært. Rúmri viku eftir at-
burðina hafði ákærði sjö sinnum í al-
varlegum hótunum við stúlkuna með
SMS-skilaboðum um ofbeldi í henn-
ar garð og nánustu ættingja hennar.
Að mati Hæstaréttar átti ákærði
sér engar málsbætur. Hann á að
baki langan sakaferil og þótti hæfi-
leg refsing hans fjögurra og hálfs árs
fangelsi. Ákærði var ennfremur
dæmdur til að greiða stúlkunni eina
milljón króna með vöxtum í miska-
bætur og allan áfrýjunarkostnað
sakarinnar. Hæstaréttardómararnir
Garðar Gíslason, Guðrún Erlends-
dóttir Hrafn Bragason, Ingibjörg
Benediktsdóttir og Pétur Kr. Haf-
stein dæmdu málið. Bogi Nilsson
ríkissaksóknari sótti málið. Verjandi
ákærða var Kristján Stefánsson hrl.
Dæmdur í fjög-
urra og hálfs
árs fangelsi
Refsing vegna hrottafenginnar
nauðgunar þyngd um eitt og hálft ár
ROSKIN kona lést á mánudag af
áverkum sem hún hlaut þegar hún féll
niður stiga í íþróttaverslun við Hafn-
argötu í Keflavík á laugardag.
Konan hét Elínbjörg Ormsdóttir,
72 ára að aldri, fædd 29. maí 1929,
fyrrverandi sjúkraliði. Hún lætur eft-
ir sig eiginmann og uppkomna dóttur.
Samkvæmt upplýsingum frá lög-
reglunni í Keflavík féll konan um
fjóra metra niður stigann og missti
meðvitund við fallið. Hún var flutt á
Landspítala – háskólasjúkrahús í
Fossvogi þar sem hún lést á mánudag
af völdum höfuðáverka.
Ekki er að fullu ljóst hvernig slysið
vildi til en engir sjónarvottar voru að
aðdraganda þess en málið er í rann-
sókn hjá lögreglunni í Keflavík. Jafn-
framt var byggingafulltrúi kallaður til
að leggja mat á umbúnað við stigann.
Lést eftir
fall í stiga
HÉRAÐSDÓMUR Reykjavíkur
úrskurðaði tvítugan mann í gæslu-
varðhald til 21. desember í gær-
kvöld að beiðni lögreglunnar í
Reykjavík vegna rannsóknar á
nokkrum innbrotum sem hann er
viðriðinn.
Maðurinn var handtekinn í gær-
morgun fyrir tilraun til innbrots á
rafmagnsverkstæði við Súðarvog.
Hafði maðurinn náð að vinna
skemmdir á karmi og hurð, auk
þess sem hann hafði brotið upp
hengilás á annarri hurð verkstæð-
isins áður en hann var handtekinn.
Maðurinn viðurkenndi tilraunina,
en við húsleit heima hjá honum í
framhaldi af yfirheyrslum fundu
lögreglumenn úr Reykjavík og
Hafnarfirði mikið af rafmagnsverk-
færum og handverkfærum, auk
geisladiska, myndbanda, staðsetn-
ingartækis, talstöðva, hárgreiðslu-
stofuverkfæra o.fl. Viðurkenndi
maðurinn ennfremur innbrot í
nokkrar bifreiðir í Hafnarfirði, auk
þess sem hann er grunaður um að-
ild að fleiri innbrotum á höfuðborg-
arsvæðinu að undanförnu.
Úrskurðaður
í gæsluvarð-
hald vegna
innbrota
Margs konar þýfi fannst við leit
hjá þeim grunaða.
♦ ♦ ♦