Morgunblaðið - 14.12.2001, Page 30

ERLENT
30 FÖSTUDAGUR 14. DESEMBER 2001 MORGUNBLAÐIÐ
OSAMA bin Laden hreykti sér af
hryðjuverkunum í Bandaríkjunum
11. september og honum virtist
skemmt er hann sagði, að sumir
flugræningjanna hefðu ekki vitað
hvert ætlunarverkið væri „fyrr en
rétt áður en þeir fóru um borð“.
Kemur þetta fram á myndbandi,
sem Bandaríkjamenn sýndu í gær.
Myndbandið, sem var líklega
tekið í Kandahar en fannst í borg-
inni Jalalabad, í húsi, sem hafði
verið yfirgefið í skyndi, sýnir bin
Laden á fundi með þremur mönn-
um, Ayman al-Zawahri, næstráð-
anda hans í al-Qaeda, Abu Ghaith,
talsmanni samtakanna, og ónefnd-
um Sádi-Araba. Þar ræða þeir um
hryðjuverkin og segja allir frá
draumum, sem þá og aðra dreymdi
fyrir 11. september og þeir túlkuðu
sem góðan fyrirboða.
„Höfðu fengið
sína þjálfun“
„Allt, sem bræðurnir vissu, var,
að þeirra biði píslarvætti, og við
sögðum þeim að fara til Bandaríkj-
anna. Þeir vissu ekkert um það,
sem til stóð, en þeir höfðu fengið
sína þjálfun. Við sögðum þeim ekk-
ert frá aðgerðinni fyrr en rétt áður
en þeir fóru um borð,“ sagði bin
Laden. „Þeir, sem höfðu fengið
flugþjálfun, vissu ekki hver af öðr-
um. Einn hópur vissi ekki um
hina.“
Bin Laden segir, að árangur
hryðjuverkaárásarinnar hafi farið
fram úr „björtustu vonum“ og
hefði hann þó verið „bjartsýnastur
allra“.
„Við reiknuðum út fjölda óvin-
anna, sem myndu drepast, og
bjuggumst við, að flugvélarnar
myndu hitta þrjár eða fjórar hæð-
ir. Vegna þekkingar minnar bjóst
ég við, að hæðirnar þar fyrir ofan
myndu hrapa ofan á þær, sem yrðu
fyrir flugvélunum. Við gerðum
okkur ekki vonir um meira,“ sagði
bin Laden og bætti við, að hann
hefði vitað það frá því á fimmtu-
deginum áður, að hryðjuverkaárás-
in yrði gerð þriðjudaginn 11. sept-
ember. Síðan lýsti hann því er þeir
biðu eftir fréttunum.
Mohamed Atta
var foringinn
„Við höfðum lokið störfum þenn-
an dag og höfðum opið fyrir út-
varpið. Þá var klukkan hálfsex að
kvöldi hjá okkur. Við heyrðum
strax, að flugvél hefði verið flogið á
World Trade Center og stilltum þá
á fréttir frá Washington. Þar var
verið að lesa upp fréttir en ekki
minnst á árásina fyrr en undir lok-
in,“ sagði bin Laden og hló dátt.
Fréttirnar komu strax í sjón-
varpi og Abu Ghaith, talsmaður bin
Ladens, kom inn í sal þar sem bin
Laden var ásamt tugum manna
sinna og reyndi að segja honum frá
því, sem hann hefði séð.
„Ég veit, ég veit,“ sagði bin Lad-
en og segir frá því, að Ghaith hafi
ekki vitað um aðgerðina. Það hafi
ekki allir gert. „Mohamed Atta í
egypsku fjölskyldunni (Egypta-
landsdeild al-Qaeda) stjórnaði
hópnum.“
Á myndbandinu segir bin Laden,
að hann hafi sagt sínum mönnum
eftir fyrstu árásina, að ekki væri
allt búið enn.
„Þeir réðu sér ekki fyrir fögnuði
þegar fyrri flugvélin lenti á bygg-
ingunni svo ég sagði við þá: Bíðið
bara rólegir,“ sagði bin Laden og
brosti.
„Blessunarríkt verk“
Sádi-Arabinn á fundinum óskar
bin Laden til hamingju með afrek-
ið:
„Allir lofa þig og þína miklu dáð,
sem var fyrst og fremst möguleg
vegna velþóknunar Allah. Þetta
var blessunarríkt verk og guðlegur
ávöxtur hins heilaga stríðs.“
Bætti hann síðan við, að þetta
hefði verið „mikill sigur og Allah
mun blessa okkur og gefa okkur
fleiri sigra í þessum helga föstu-
mánuði. Þú hefur gefið okkur vopn
og von og við þökkum Allah fyrir
þig“. Föstumánuði múslíma eða
ramadan lýkur nú um helgina.
Aby Ghaith líkti hryðjuverkun-
um við sigur í knattspyrnuleik.
„Sjónvarpið sagði frá þessum stór-
atburði,“ sagði hann. „Það sýndi
egypska fjölskyldu, sem hreinlega
trylltist af fögnuði. Það var sams
konar fögnuður og brýst út þegar
liðið okkar vinnur í knattspyrnu.“
„Sálar- og sam-
viskulaus maður“
Í fyrri viðtölum við bin Laden
neitaði hann margsinnis að bera
ábyrgð á hryðjuverkunum, sem
urðu um 3.300 manns að bana í
World Trade Center og Pentagon,
bandaríska varnarmálaráðuneyt-
inu. Vonast Bandaríkjastjórn til, að
myndbandið muni verða til að efla
og auka alþjóðlegan stuðning við
baráttuna gegn hryðjuverkamönn-
um.
„Þeir, sem sjá myndbandið, átta
sig á, að bin Laden er ekki aðeins
sekur um ótrúleg morðverk, heldur
einnig, að hann er sálar- og sam-
viskulaus maður, fulltrúi alls hins
versta,“ sagði George W. Bush,
forseti Bandaríkjanna, í gær. Dick
Cheney varaforseti og aðrir banda-
rískir embættismenn sögðu, að nú
þyrfti enginn að efast framar um
sekt bin Ladens.
Stimplað 9. nóvember
Myndbandið, sem er hátt í
klukkutíma langt, er ekki í réttri
tímaröð og sýnir lok fundarins
fyrst. Að auki eru myndir af braki
úr bandarískri þyrlu og öðru, sem
enga þýðingu hefur.
Bandarískir embættismenn
segja, að myndbandið hafi fundist í
húsi í Jalalabad er andstæðingar
talibana höfðu náð borginni á sitt
vald. Var það stimplað með dag-
setningunni 9. nóvember en þann
dag náði Norðurbandalagið borg-
inni Mazar-e-Sharif undir sig. Er
það mjög viðvaningslega tekið og
oft er erfitt að skilja það, sem sagt
er, og stundum er það með öllu
óskiljanlegt. Það var því tafsamt
verk að ganga frá þýðingunni.
Myndbandið með Osama bin Laden sýnir að hann lagði á ráðin um hryðjuverkin
Vissu aðeins
að þeirra biði
píslarvætti
AP
Líbanar á kaffihúsi í Sídon fylgjast með myndbandinu. Það var sýnt samtímis um allan heim í gær.
AP
Bin Laden brosir er hann segir frá því er hann hlustaði á fyrstu fréttir
frá Bandaríkjunum af hryðjuverkunum.
 Talsmaður bin Ladens vissi
ekki fyrirfram um árásina
 Árangur árásarinnar fram úr
„björtustu vonum“