Morgunblaðið - 14.12.2001, Side 31

ERLENT
MORGUNBLAÐIÐ FÖSTUDAGUR 14. DESEMBER 2001 31
BÖKUNARTILBOÐ
... fyrir
jólabaksturinn!
KSM 90 Ultra Power
hrærivél (hvít)
ásamt hakkavél og
smákökumótum með
5.200 króna afslætti!
Spennandi
MILTISBRANDSDUFT var fram-
leitt í Dugway, tilraunastofu Banda-
ríkjahers, í Utah í tilraunaskyni frá
árinu 1992. Duftið var síðan flutt til
herstöðvar í Maryland, að því er
bandaríska dagblaðið Washington
Post greindi frá í gær. Eru þessar
upplýsingar, sem komið hafa fram í
rannsókn bandarísku alríkislögregl-
unnar, FBI, á póstsendingum miltis-
brands, fyrsta staðfesting sem fram
hefur komið á að Bandaríkjastjórn
hafi látið framleiða miltisbrand eftir
að stjórnin lýsti því yfir 1969 að þróun
sýkla- og efnavopna yrði hætt.
Að sögn yfirmanna hersins var það
magn miltisbrands sem framleitt var í
Dugway innan marka alþjóðlegra
sáttmála, auk þess sem þau miltis-
brandsgró sem flutt voru til Detrick-
virkis í Maryland hefðu verið í deig-
formi til að draga úr hættu. Talmenn
hersins viðurkenna þó að miltisbrand-
ur í duftformi hafi einnig verið búinn
til, en í litlu magni, í tilraunaskyni árið
1998 og hafi hann verið af annarri
gerð en Ames-gerðin sem fannst í
póstsendingunum. Yfirmenn Dugway
hafa síðan viðurkennt að miltis-
brandsduft hafi verið framleitt þar
oftar en í umrætt skipti, en neita að
segja hvort um Ames-gerðina sé að
ræða.
Ames-gerðin til í Dugway
Skýrslur ríkisstjórnarinnar sýna
hins vegar að Ames-gerðin hefur ver-
ið til í Dugway allt frá 1992.
„Þessar fréttir eru töluvert áfall,
sagði Jonathan Tucker, sem tilheyrði
sendinefnd Sameinuðu þjóðanna er
rannsakaði efnavopnabirgðir Íraka
eftir Persaflóastríðið. Doktor Barb-
ara Hatch Rosenberg, efnavopnasér-
fræðingur við fylkisháskóla New
York sem er stjórnarformaður um-
ræðuhóps um efnavopn hjá félagi
bandarískra vísindamanna, telur
a.m.k. 15 bandarískar stofnanir hafa
unnið nýlega með Ames-gerð miltis-
brands. Hefur dagblaðið New York
Times eftir henni að fjórar þessara
stofnana „séu líklegri en aðrar til að
búa yfir kunnáttu til að geta nýtt sér
gróin í hernaðarskyni.“ Að mati Ros-
enberg er líklegt að árásarmaðurinn
starfi annað hvort hjá einni stofnan-
anna 15, eða hafi tengilið þar.
Innlendir hryðjuverkamenn
Yfirmenn hersins hafa þegar til-
kynnt að herinn geti gert grein fyrir
öllum sínum miltisbrandsbirgðum og
að FBI njóti fullrar samvinnu þeirra
við rannsókn sína. Talsmenn FBI
hafa neitað að tjá sig um miltis-
brandsframleiðsluna í Dugway. En
staðfesting á innlendri framleiðslu
miltisbrands þykir þó renna stoðum
undir þá tilgátu starfsmanna FBI að
miltisbrandsárásirnar séu verk
bandarískra hryðjuverkamanna.
Bandaríkjaher játar fram-
leiðslu miltisbrandsdufts
AP
Póstur flokkaður í New York.
Starfsmenn eru með hanska og
grípa stundum til annarra ráða
til að forðast hugsanlegt smit.