Morgunblaðið - 14.12.2001, Síða 70

70 FÖSTUDAGUR 14. DESEMBER 2001 MORGUNBLAÐIÐ
ÍSLENSKT samfélag hefur lengi
státað af því hversu mjög hátt vel-
ferðarstig hefur ríkt á á landi. Við
höfum hingað til getað sagt með
sanni að við höfum öflugt og gott
heilbrigðiskerfi. Það er hluti af
okkar lífsgæðum og fæst okkar
vilja vera án þess. Við erum farin
að taka því sem sjálfsögðum hlut
og tölum um það sem nauðsynlegan
hlut. Fleiri þættir koma inn í þá
mynd sem við getum kallað „vel-
ferðarþjóðfélag“, þar er einn þáttur
sem lýtur að því að við getum verið
örugg, eins örugg og hægt er að
ætlast til í lífinu. Aldrei verður
neitt alveg öruggt, en með virkri
löggæslu t.d. eykst öryggi okkar,
en þegar dregið er úr henni minnk-
ar öryggi borgaranna. Þetta er
ekki flóknari hlutur en að dagur
rennur upp að lokinni nóttu. Öryggi
og vernd borgaranna er þannig
hluti af heildarmynd samfélagsins
sem við búum í. Þá á ég við vernd
gegn glæpum og öðrum hættum.
Þar kemur lögreglan til sögunnar.
Það er lögreglunnar að grípa
inní. Henni er ætlað það hlutverk
að koma að atburðum sem ekki eru
þess eðlis að hægt sé að horfa fram
hjá þeim. Lögreglan er sá aðili sem
alltaf vakir yfir öxl okkar ef svo má
segja. Hún kemur bæði beðin og
óbeðin. Alltaf er hún til staðar, það
breytir engu hvort það eru jól eða
virkur dagur. Þegar kallið kemur,
þá er það lögreglan sem fer á vett-
vang. Hennar hlutverk er ekki létt,
það er vanþakkað oft en þó ekki
alltaf. Lögreglumaðurinn verður að
vita nákvæmlega hve langt hann
má ganga og líka hvenær hann á að
láta kyrrt liggja. Það er ekki auð-
velt og krefst mikillar dómgreind-
ar, og það iðulega á stundum þegar
tíminn er lítill til hugsunar. Stund-
um enginn tími.
Við ætlumst til mikils af lögregl-
unni, kröfurnar til hennar eru
óvægnar og oft er hún dæmd að
ósekju. Ekki er alltaf hægt að kom-
ast hjá því að beita valdi, jafnvel þó
að það sé í því fólgið að taka á öðru
fólki. Það verður lögreglan að gera
og það verður hún að geta. Hún
verður að geta komið fram með þá
ímynd á bak við sig að ef að allt
þrýtur, þá hafi hún getu til þess að
framfylgja lögum með fullum
þunga. Þannig verndar hún líf okk-
ar í mörgum tilfellum.
Í dag er hins vegar svo komið
fyrir íslensku lögreglunni að hún er
fjársvelt og undirmönnuð. Þess
sjást líka mörg merki úti í sam-
félaginu að svo er. Agaleysi Íslend-
inga er frægt af endemum vil ég
segja, og aldrei hefur það verið
eins og í dag. Við þurfum ekki ann-
að en að fara út að keyra, þá blasir
það við. Ég þarf ekki að hafa mörg
orð um umferðina, það segir sjálft
að yfir 20 manns eru þegar látnir í
umferðinni á þessu ári og ætli sú
tala verði ekki hærri þegar yfir lýk-
ur. Því miður er mikil hætta á að
svo geti farið. Hraðinn er miskunn-
arlaus og menn komast upp með
ruddaskap og ofbeldi í umferðinni
án þess að svara fyrir. Það er ekki
bara í umferðinni sem lögreglan er
vanmáttug, við þurfum ekki annað
en að fara ofan í miðbæ að næt-
urlagi um helgi til að verða vitni að
því þegar þúsundir ofurölvaðra
manna fylla miðbæinn en kannski
um 20 lögreglumenn eða þar um bil
eiga að halda uppi löggæslu. Í mín-
um heimabæ, Kópavogi, eru um
fjórir menn á vakt á tveim bílum, ef
ég fer rétt með, í einu stærsta bæj-
arfélagi landsins. Það er ekki hlut-
ur sem hægt er að kalla annað en
háskaástand sem hingað til hefur
sloppið en hve lengi verður það
svo?
Nútíminn hefur fært okkur eit-
urlyf, harðari glæpi, grófara ofbeldi
og mannvonsku en áður hefur tíðk-
ast. Við borgarar þessa lands eig-
um heimtingu frá ráðamönnum
okkar að þeir tryggi öryggi okkar
gegn glæpum. Við krefjumst auk-
innar löggæslu, ekki bara þess að
dómsmálaráðherrann taki í taum-
ana. Við megum ekki gleyma því að
hún ræður ekki yfir peningunum,
það gera forystumenn ríkisvaldsins.
Þetta er allt spurning um peninga
og að stjórnmálamenn allra flokka
sýni þá ábyrgð og dómgreind að
veita aukið fé til lögreglunnar í
landinu. Þetta er hagsmunamál
sem varðar okkur öll og framtíð
okkar allra og komandi kynslóða.
Við krefjumst aukinnar löggæslu
og það ekki á morgun, heldur
strax.
DANÍEL SIGURBJÖRNSSON,
Kársnesbraut 13, Kópavogi.
Við krefjumst
aukinnar
löggæslu
Frá Daníel Sigurbjörnssyni:
Laugavegi 44
HEF OPNAÐ AFTUR
Glæsilegar vörur fyrir okkur
stóru sætu stelpurnar
Opið kl. 12-18






 
 





     



 

 

  
    
  
 

 



  


 !
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.