Morgunblaðið - 23.03.2002, Side 59

ÍSLANDSMEISTARAKEPPNI
í gömlum dönsum fór fram sunnu-
daginn 17. mars sl. Keppt var í 6
flokkum, eftir aldri. Íslandsmeist-
arakeppni í gömlum dönsum hefur
verið haldin í mörg ár og er
skemmtileg tilbreytni við keppnis-
flóruna. Eins sýnir þetta ákveðna
virðingu fyrir gömlum hefðum.
Gömlu dansarnir „okkar“ komu
flestir til Íslands frá Danmörku á
fyrstu árum 20. aldarinnar, með
námsmönnum sem höfðu lært þá í
Kaupmannahöfn. Þá útgáfu af döns-
unum dönsum við enn í dag. Hún er
kannski ekki endilega rétt, ef litið er
til skráningar dansanna, en hefðin
hér hefur verið látin ráða. Hvort það
er faglegt eða ekki, séð með augum
danskennara, er umdeilanlegt.
Upphaf gömlu dansanna má rekja
til austurríska dansins Laandler og
ballets. Fyrir þá sem hafa áhuga á
Laandler, þá geta þeir séð þann
dans í myndinni Tónaflóð (The
Sound of Music) en það er dansinn
sem Kapt. Von Trapp og Maria
dansa á svölunum í veislunni miklu.
Fyrir nokkrum árum tóku ís-
lenzkir danskennarar sig til og
gerðu sameiginlegar reglur til að
dæma eftir í gömludansa keppnum.
Eftir þeim reglum hefur verið farið
hingað til. Svolítið bar á því á sunnu-
daginn að ekki var farið eftir regl-
unum eða dansar þá vitlaust dans-
aðir. Þetta bar jafnvel við hjá
reyndum keppnisdönsurum og
fannst mér það svolítið súrt í broti.
Eftir reglum á að fara og er það
skilyrðislaus krafa að kennarar og
þjálfarar sendi keppendur sína á
gólfið með rétt og lögleg spor.
Samhliða Íslandsmeistarakeppn-
inni í gömlum dönsum var boðið
uppá keppni í mambó. Mambó var á
árum áður ákaflega vinsæll dans og
hafa vinsældir hans aukist aftur á
síðasta áratug. Mambó er skemmti-
legur dans og ef hann er rétt dans-
aður er hann einnig tæknilega nokk-
uð erfiður. Hann er forveri þess
dans sem í dag er kallaður cha cha
cha. Skemmst er að minnast laga
eins og mambo nr 5 og fleiri laga
sem Lou Bega gerði fræg ekki alls
fyrir löngu.
Gömludansakeppnin á sunnudag
var frekar stutt en engu að síður
nokkuð skemmtileg. Almennt finnst
mér að keppendur mættu vera mun
nákvæmari þegar dansaðir eru
gamlir dansar. Reglur eru fáar og
ætti að vera auðvelt að fylgja þeim.
Annað var það sem ég hjó eftir. Ein-
ungis voru dansaðir 5 dansar allt í
allt, polki, ræll, skottís, vínarkrus og
skoski dansinn. Mér þætti alveg við
hæfi að hafa fleiri dansa, þá sér-
staklega í eldri hópunum, dansa eins
og marzúrka og svensk maskerade
svo einhverjir séu nefndir. Það
hvort gömludansakeppni verði hald-
in áfram um ókomin ár veit enginn,
en mér þykir það tilhlýðileg virðing
við dansmenningu þjóðarinnar að
viðhalda þessum dönsum.
Keppendur og kennarar ættu að
sameinast um það að gera veg þess-
ara dansa meiri og stærri.
Úrslit í Íslandsmeistara-
keppninni í gömlum dönsum
Börn I
1. Alex F. Gunnarss./Vala B. Birgisd. DÍK
2. Davíð Ö. Pálss/Elísabet Jónsd. DÍK
3. Atli Þ. Einarss/Elísabet Halldórsd. GT
4. Rúnar Sigurðss./Björk Guðmundsd. GT
5. Pétur G. Magnúss./Jóna K.
Benediktsd. DÍK
6. Kristján E. Auðunss/Ingibjörg
A. Bergþórsd. GT
Börn II
1. Magnús A. Kjartanss/Ragna B.
Bernburg DÍK
2. Hörður Ö. Harðars/Guðrún Arnalds DÍK
3. Sigurþór Björgvinss/Telma R.
Sigurðard. DÍK
4. Sigtryggur Haukss/Eyrún Stefánsd GT
5. Ólafur B. Tómass/Telma Ýr
Arnarsd. DÍK
6. Njáll P. Þorsteinss/Telma Einarsd. DÍH
Unglingar I
1. Stefán R. Víglundss/Andrea R.
Sigurðard Ýr
2. Adam E. Bauer/Þóra B. Sigurðard. GT
3. Fannar H. Rúnarss/Edda G Gíslad. GT
4. Jón G. Guðmundss/Þórunn A Ólafsd. DÍK
5. Sigurður Brynjólfss/Rakel
Magnúsd. DÍK
6. Valdimar Kristinss/Rakel Guðmundsd ÍR
Unglingar II
1. Friðrik Árnas/Sandra J. Bernburg ÍR
2. Baldur K. Eyjólfss/Anna K.
Vilbergsd. GT
3. Stefán Claessen/María Carrasco ÍR
4. Steinar Ólafss/Ólöf Á. Ólafsd. Ýr
5. Ásgeir Erlendss/Hanna M. Óskarsd. GT
6. Anita T. Helgad./Ragnheiður Árnad. Ýr
Áhugamenn I
1. Davíð M. Steinarss/Sóley Emilsd. GT
2. Grétar A. Khan/Jóhanna B. Bernburg ÍR
3. Sara B. Magnúsd/Birna R. Björnsd. DÍH
Fullorðnir
1. Ómar Ö. Sæmundss/Jacqui McGreal DÍK
2. Jens Kristjánss/Klara Einarsd. DÍK
Úrslit í mambókeppni
1. Þorleifur Einarss/Ásta Bjarnad ÍR
2. Friðrik Árnas/Sandra J. Bernburg ÍR
3. Stefán Claessen/María Carrasco ÍR
4. Aðalsteinn Kjartanss/Erla B.
Kristjánsd. ÍR
5. Jón E. Gottskálkss/Elín H Jónsd. ÍR
6. Valdimar Kristinss/Rakel Guðmundsd ÍR
7. Pétur Kristjánss/Ása K. Jónsd. ÍR
Virðing fyrir
hefðum, en ná-
kvæmni vantar
DANS
Íþróttahúsinu við Strandgötu í
Hafnarfirði
GÖMLU DANSAKEPPNI
Haldin sunnudaginn 17. mars.
Jóhann Gunnar Arnarsson
Alex Freyr og Vala Björg sigurveg-
arar í flokki börn I.
Morgunblaðið/Jón SvavarssonBaldur Kári og Anna Kristín unnu til silf-
urverðlauna í flokki unglingar II.
Davíð Már og Sóley, sigurvegarar í flokki
áhugamanna, dansa skottís.
meistar inn. is
ÁBYRGÐ ÁREIÐANLEIKI
Victoria Antik
Síðumúla 34
Sími 568 6076
Antik er fjárfesting
Antik er lífsstíll
Opið mán.-fös. kl. 12-18,
lau. kl. 11-16.
MORGUNBLAÐIÐ LAUGARDAGUR 23. MARS 2002 59
AUGLÝSINGADEILD
netfang: augl@mbl.is eða sími 569 1111