Morgunblaðið - 04.05.2002, Side 1

103. TBL. 90. ÁRG. LAUGARDAGUR 4. MAÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 4. MAÍ 2002
UM 100.000 manns tóku í gær þátt í
minningarathöfn undir berum
himni við dómkirkjuna í Erfurt í
Þýskalandi vegna fjöldamorðsins í
Gutenberg-framhaldsskólanum í
liðinni viku. Nítján ára gamall,
fyrrverandi nemandi skaut þá 16
manns og svipti sig síðan lífi. Flest
voru fórnarlömbin kennarar en tvö
voru nemendur við skólann. Þar fór
fram próf er maðurinn framdi
ódæðið.
Atburðurinn hefur vakið óhug í
landinu og er mikið rætt um hvern-
ig hægt sé að vernda börn fyrir of-
beldi og koma í veg fyrir að ung-
lingar komist yfir skotvopn.
Sjálfsmorðinginn, Robert Stein-
häuser, var félagi í tveimur skot-
félögum og átti sjálfur vopnin sem
hann notaði, haglabyssu og skamm-
byssu. Hann hafði verið rekinn úr
skóla í febrúar eftir að hafa falsað
fjarvistarseðla.
Foreldrar hans héldu að hann
væri enn í skóla og væri að búa sig
undir lokapróf en hann hafði fallið
árið á undan. Þau hafa í bréfi til
fjölmiðla lýst örvinglun sinni vegna
árásarinnar. „Við höfum hvað eftir
annað spurt okkur sjálf eftir þessa
hræðilegu atburði á föstudag hvað
hafi valdið hatri og örvæntingu Ro-
berts og hvers vegna við gerðum
okkur ekki grein fyrir ástandi
hans,“ segir í bréfinu. Gerhard
Schröder Þýskalandskanslari mun
á mánudag eiga fund með leiðtog-
um sambandsríkjanna 16 þar sem
rætt verður um varnir gegn ofbeldi
og herta skotvopnalöggjöf. Kansl-
arinn varpaði í gær fram þeirri
spurningu hvort það gæti verið rétt
að vaxandi ofbeldi í afþreying-
arefni fjölmiðla hefði engin áhrif á
sálarlíf ungs fólks.
Reuters
Minning-
arathöfn
í Erfurt
YASSER Arafat, leiðtogi Palestínu-
manna, sagði í gær að hann væri
reiðubúinn til að taka þátt í alþjóð-
legri friðarráð-
stefnu um Mið-
austurlönd, á
vegum Banda-
ríkjamanna,
Rússa, Evrópu-
sambandsins
(ESB) og Samein-
uðu þjóðanna
(SÞ). „Við fögnum
hugmyndinni um
alþjóðlega ráðstefnu,“ sagði Arafat
við fréttamenn í höfuðstöðvum
heimastjórnar Palestínumanna í
Ramallah.
Colin Powell, utanríkisráðherra
Bandaríkjanna, greindi frá hugmynd-
inni um ráðstefnuna sl. fimmtudag og
sagði þá, að hinn svokallaði „alþjóða-
kvartett“, þ.e. Bandaríkjamenn,
Rússar, ESB og SÞ, myndi vinna með
Ísraelum og Palestínumönnum og
fleiri ríkjum að því að halda ráðstefnu
snemmsumars til að ýta undir „alvar-
legar og skjótar viðræður um sam-
komulag“. Lagði Powell áherslu á, að
enn hefði hvorki verið gengið frá því
hvenær og hvar ráðstefnan yrði hald-
in né hvaða ríki sendu fulltrúa til
hennar. Í tilkynningu frá svissneska
utanríkisráðuneytinu síðdegis í gær
sagði að Svisslendingar hefðu boðist
til að taka að sér hlutverk gestgjafans
á ráðstefnunni.
Tilkynning Powells kom í kjölfar
fundar hans með framkvæmdastjóra
SÞ, Kofi Annan, utanríkisráðherra
Rússlands, Ígor Ívanov, utanríkis-
málastjóra ESB, Javier Solana og ut-
anríkisráðherra Spánar, Josep Pique.
Sagði Powell að „kvartettinn“ væri
staðráðinn í að nýta þann meðbyr
sem nýverið hefði gefist í friðarum-
leitunum í Miðausturlöndum. Þá var
haft eftir Powell að hann liti svo á, að
ráðstefnan yrði síðasta tækifæri Ara-
fats til að komast að friðarsamkomu-
lagi við Ísraela.
Fréttaskýrandi BBC segist telja,
að grundvöllur viðræðna á ráðstefn-
unni yrði þær friðarumleitanir sem
hófust á ráðstefnu er haldin var í
Madríd fyrir ellefu árum og byggðust
á hugmyndinni um land í skiptum fyr-
ir frið, þ.e. að Ísraelar drægju sig til
baka af svæðum Palestínumanna
gegn því að varanlegum friði yrði
komið á.
Ekki voru allir framámenn í röðum
Palestínumanna jafn jákvæðir og
Arafat á fyrirhugaða ráðstefnu. Sagði
upplýsingamálaráðherra Palestínu-
manna, Yasser Abed Rabbo, að þeir
vildu sjá „raunveruleg skref, niður-
stöður sem skipta máli en ekki forms-
atriðin ein“. Óttuðust Palestínumenn
að tilgangurinn með ráðstefnunni
væri einungis að leiða Palestínumenn
og Ísraela saman til að koma á
tengslum þeirra í millum, án þess að
tekið yrði á meginvandanum, sem
væri herseta Ísraela.
Ariel Sharon, forsætisráðherra
Ísraels, hefur sagst fylgjandi því að
efnt verði til friðarráðstefnu og í gær
lagði hann fyrir stjórn sína hugmynd-
ir að friðaráætlun sem hann mun
leggja fyrir George W. Bush Banda-
ríkjaforseta í næstu viku, er Sharon
heldur til Washington. Munu þeir
hittast á þriðjudaginn, að því er
fréttafulltrúi Hvíta hússins tilkynnti í
gær.
Arafat kveðst reiðubúinn
að mæta á friðarráðstefnu
Ramallah, Washington, Jerúsalem. AFP, AP.
Arafat
Powell segir ráðstefnuna síðasta
tækifæri Arafats til samninga

Ísraelsher hafnar/29
EITT einasta gen kann að vera
orsök þess að sumt fólk leitar í
áfengi þegar það finnur til
streitu, en annað fólk ekki, að
því er fram kemur á fréttavef
breska ríkisútvarpsins, BBC.
Rannsókn sem unnin var af vís-
indamönnum við Háskólann í
Heidelberg í Þýskalandi leiddi í
ljós, að mýs sem ekki höfðu gen-
ið CRH1 drukku meira af áfengi
en venjulega eftir að hafa orðið
fyrir streituvekjandi reynslu.
Greint er frá niðurstöðunum í
nýjasta hefti vísindaritsins
Science, og þar segja vísinda-
mennirnir að þeir telji, að það
sama kunni að eiga við um fólk
og mýsnar. Reynist þetta rétt
geti einfalt genapróf hjálpað
læknum við að komast að því
hvaða fyrrverandi áfengissjúk-
lingum sé hætt við að byrja aft-
ur að drekka.
Streita og vín
Eitt gen
ræður
úrslitum
Í BRÝNU sló milli Ibrahims Rug-
ova, leiðtoga Kosovo-Albana, og
Slobodans Milosevics, fyrrverandi
forseta Júgóslavíu, í gær þegar Rug-
ova bar vitni gegn Milosevic í rétt-
arhöldunum sem nú fara fram í
Haag í Hollandi. Rugova sakaði Mil-
osevic um að hafa látið fremja fjölda-
morð á Albönum í Kosovo en Milos-
evic kallaði Rugova hins vegar
leiksopp stórvelda sem seilast vildu
til áhrifa á Balkanskaganum.
„Vesturveldin og alþjóðasam-
félagið í heild kom okkur til varnar, í
nafni mannréttinda og vegna fjölda-
morðanna sem þú lést framkvæma,“
sagði Rugova við Milosevic. Milosev-
ic er ákærður fyrir stríðsglæpi, þjóð-
armorð og glæpi gegn mannkyni
vegna atburðanna í Kosovo 1998-
1999, stríðsins í Króatíu 1991-1995
og í Bosníu 1992-1995.
Talsverð spenna var í réttarsaln-
um er Milosevic gagnspurði Rugova
og horfðist Rugova aldrei í augu við
Júgóslavíuforsetann fyrrverandi
meðan á vitnisburði hans stóð.
Bar Milos-
evic þung-
um sökum
Haag. AFP.
AÐ minnsta kosti sextíu manns er
leituðu skjóls í kirkju í Norðaustur-
Kólombíu eru fallnir og um 100 aðrir
særðir í kjölfar átaka vinstrisinnaðra
uppreisnarmanna og hægrisinnaðra
byssumanna, að því er embættis-
menn stjórnvalda greindu frá í gær.
Atburðirnir urðu í bænum Bojaya,
og samkvæmt upplýsingum héraðs-
stjórnarinnar er talið að allir sem
féllu hafi verið óbreyttir borgarar.
60 féllu í
Kólombíu
Bogota. AFP.
♦ ♦ ♦