Morgunblaðið - 04.05.2002, Side 6

FRÉTTIR
6 LAUGARDAGUR 4. MAÍ 2002 MORGUNBLAÐIÐ
NÝ HREINSISTÖÐ og aðalútræsi
við Klettagarða voru formlega
tekin í notkun í gær. Um er að
ræða langstærsta og umfangs-
mesta áfanga nýs fráveitukerfis
fimm sveitarfélaga á höfuðborg-
arsvæðinu. Nýja hreinsistöðin
kostar um 2,2, milljarða en áætl-
að er að fráveitukerfið kosti alls
um 10 milljarða króna. Þegar
hefur um 8,7 milljörðum króna
verið veitt í framkvæmdirnar sem
fjármagnaðar hafa verið með sér-
stöku holræsagjaldi en um millj-
arður til viðbótar fer í byggingu
nýrrar dælustöðvar í Gufunesi.
Ingibjörg Sólrún Gísladóttir
borgarstjóri ræsti vélbúnað og
dælur stöðvarinnar sem ætlað er
að þjóna norður- og austurhluta
borgarinnar en einnig Mosfellsbæ
frá og með næsta ári. Sagði Ingi-
björg að mikið þrekvirki hefði
verið unnið með lagningu nýs frá-
veitukerfis og nefndi ylströndina
í Nauthólsvík í því sambandi.
Sveitarfélögin þrjú sem standa
að verkefninu, auk Reykjavíkur
og Mosfellsbæjar, eru Garðabær,
Kópavogur og Seltjarnarnes en
alls búa um 155 þúsund manns
eða 55% landsmanna á svæðinu
sem kerfið nær til. Því er ætlað
að safna saman, hreinsa og dæla
öllu fráveituvatni frá byggðarlög-
unum um tvær útrásir sem stað-
settar eru við Klettagarða og
Ánanaust sem tekin var í notkun
fyrir fjórum árum. Að auki eru
26 dælustöðvar og brunnar á víð
og dreif meðfram strandlengjunni
sem sjá um að veita frárennslinu
milli byggðarlaga og tengd eru
saman með þrýstileiðslum.
Skólpi dælt rúma 5
kílómetra út í Faxaflóa
Nýja hreinsi- og dælustöðin við
Klettagarða er alls um 2.300 fer-
metrar að flatarmáli og er byggð
á fyllingu í sjó. Ríflega helmingur
hennar er neðanjarðar og er
stöðin hugsuð sem stjórnstöð frá-
veitukerfis höfuðborgarsvæðisins.
Auk starfsmanna, sem fylgjast
með að kerfið skili hlutverki sínu,
er hátæknibúnaður notaður til að
vakta kerfið allan sólarhringinn.
Þegar dælustöðvar í stofnræsa-
kerfi borgarinnar skila skólpinu
inn í hreinsistöðina fer það fyrst í
gegnum þar til gerðar síur sem
hreinsa úr því möl, grjót og ann-
að sýnilegt rusl. Úrganginum er
safnað saman á jarðhæð stöðv-
arinnar þar sem hann er urðaður.
Að lokinn síun er skolpinu veitt í
8 metra djúpar gryfjur, svokall-
aðar sand- og fituskiljur. Þar
falla til botns efni sem eru eðl-
isþyngri en vatn, einkum sandur,
en olía, fita og önnur eðlisléttari
efni fljóta upp á yfirborðið. Þar
er þeim fleytt ofan af skólpinu
með þar til gerðum búnaði og
safnað saman til urðunar. Botn-
falli er einnig dælt upp í safn-
gáma og það urðað. Skólpinu er
síðan dælt í útræsisbrunn og það-
an út í Faxaflóa eftir neðansjáv-
arlögn sem er á annan metra í
þvermál og teygir sig ríflega 5,5
kílómetra út í Flóann.
Til viðbótar hefur verið komið
fyrir tæmingarbúnaði fyrir skólp-
bíla og aðstöðu til seyrulosunar
við Klettagarða.
Í kynningarbæklingi um frá-
veitukerfi höfuðborgarsvæðisins
sem Reykjavíkurborg hefur sent
frá sér kemur fram að á grund-
velli niðurstaðna umfangsmikilla
rannsókna á fráveituvatninu og
viðtaka, þ.e. hafinu, sé ekki
ástæða til að ætla að frekari
hreinsun fráveituvatns muni hafa
umhverfisbætandi áhrif. Mæl-
ingar sýni ennfremur að frá-
rennslið þynnist mun betur í haf-
straumum Faxaflóa en
útreikningar hafi gefið til kynna
við undirbúning framkvæmda.
Þess má geta að um 270 lítrar af
skólpvatni falla til frá hverjum
íbúa í Reykjavík á sólarhring.
Framkvæmdum að
fullu lokið árið 2006
Árið 2001 skrifaði Mosfellsbær
undir samstarfssamning við
Reykjavíkurborg en áætlað er að
bærinn tengist fráveitukerfi höf-
uðborgarsvæðisins árið 2003.
Framkvæmdunum er skipt í þrjá
áfanga og ráðgert að hefja vinnu
við fyrsta áfanga strax í sumar. Í
öðrum áfanga verksins er áætlað
að tengja fráveitukerfi Mosfells-
bæjar við Staðarhverfi í Reykja-
vík og á þeim framkvæmdum að
ljúka árið 2004. Einnig verður ný
dælustöð í Gufunesi tekin í notk-
un árið 2004 og mun hún þjóna
Grafarvogi og Mosfellsbæ. Ráð-
gert er að framkvæmdum við frá-
veitukerfið í heild verði að fullu
lokið árið 2006.
Hreinsistöð og aðalútræsi við Klettagarða formlega tekin í notkun
Umfangsmesta áfanga
nýs fráveitukerfis lokið

 

   




 !""#

 $"%""
&'
()( *+
&'
,)- *+
"$.) /0 1% 2.$#"
3'#*3 4 5*6"4*)

$6"") 13$$7.)
89"1% 1% ""7.

: 

Morgunblaðið/Kristinn
Ingibjörg Sólrún Gísladóttir borgarstjóri ræsti dælur og vélbúnað nýju
hreinsistöðvarinnar við Klettagarða í gær að viðstöddu fjölmenni.
FUNDUM Alþingis var frestað síð-
degis í gær fram til septemberloka.
Þar með er 127. löggjafarþingi lokið.
Áður afgreiddið þingið frá sér ellefu
lagafrumvörp og níu þingsályktun-
artillögur. Samkomulag náðist um
þingfrestun á fimmtudag en til að
afgreiða þau mál sem lágu fyrir
þinginu til samþykktar var fundað
fram til kl. fimm aðfaranótt föstu-
dagsins. Þing var síðan boðað kl. 14 í
gær þar sem fram fóru atkvæða-
greiðslur og kl. 16 var fundum
þingsins frestað eftir að Davíð
Oddsson forsætisráðherra hafði les-
ið upp forsetabréf þessa efnis.
Að venju gaf forseti Alþingis,
Halldór Blöndal, yfirlit yfir störf
þingsins á liðnum vetri fyrir þing-
frestun en í máli hans kom m.a.
fram að samtals 138 þingfundir
hefðu verið haldnir á liðnu löggjaf-
arþingi. Lengsti fundurinn stóð yfir
í um það bil 17 klukkustundir.
„Lagafrumvörp (sem lögð voru
fram) voru samtals 215. Af þeim
voru stjórnarfrumvörp 135 og þing-
mannafrumvörp 80. Af stjórnar-
frumvörpum voru 111 afgreidd sem
lög en óútrædd stjórnarfrumvörp
eru 24. Þá urðu 8 þingmannafrum-
vörp að lögum, einu var vísað til rík-
isstjórnarinnar, en 71 þingmanna-
frumvarp er óútrætt. Af 215
frumvörpum urðu alls 119 að lög-
um,“ sagði Halldór. „Þingsályktun-
artillögur (sem lagðar voru fram)
voru alls 131. Af þeim voru stjórn-
artillögur 25 og þingmannatillögur
106. Alls voru 37 tillögur samþykkt-
ar sem ályktanir Alþingis, 4 var vís-
að til ríkisstjórnarinnar og 90 eru
óútræddar.“
Óvenju stutt þing
Halldór greindi síðan frá því að
þingfrestun í ár væri í fyrra lagi
vegna sveitarstjórnarkosninganna
sem fram fara 25. þessa mánaðar.
„Alþingi vill sýna sveitarstjórnum
þá virðingu að hin pólitíska umræða
í landinu næstu vikurnar snúist
fyrst og fremst um sveitarstjórnar-
mál og að landsmálin og Alþingi
skyggi ekki þar á,“ sagði hann.
Halldór nefndi einnig í lok ræðu
sinnar að það væri eftirtektarvert að
hlutur kvenna færi vaxandi í forystu
þingstarfanna. „Konur fara nú með
formennsku í 5 af 12 fastanefndum
Alþingis og er það hærra hlutfall en
fjöldi þeirra í þingmannahópnum
segir til um. Við upphaf þessa kjör-
tímabils tók Arnbjörg Sveinsdóttir
við formennsku í félagsmálanefnd
og Þorgerður K. Gunnarsdóttir við
formennsku í allsherjarnefnd. Og í
ársbyrjun 2000 varð Jónína Bjart-
marz formaður heilbrigðis- og
trygginganefndar. Með stuttu milli-
bili hafa síðan tvö karlavígi fallið.
Drífa Hjartardóttir varð fyrst
kvenna til að taka við embæti for-
manns landbúnaðarnefndar á sein-
asta hausti og fyrir stuttu var Sig-
ríður Anna Þórðardóttir kjörin
formaður utanríkismálanefndar og
er hún einnig fyrsta konan sem
gegnir því embætti. Óska ég þeim til
hamingju.“
Að síðustu þakkaði Halldór þing-
mönnum fyrir samstarfið á liðnum
vetri. Bryndís Hlöðversdóttir, þing-
flokksformaður Samfylkingarinnar,
kom eftir þetta upp í pontu og þakk-
aði Halldóri og þingmönnum sömu-
leiðis fyrir samstarfið á liðnu þingi.
Óvenju stuttu Alþingi var í gær frestað fram á haust vegna komandi sveitarstjórnarkosninga
Hlutur kvenna vex
í forystu þingsins
PÁLL Bergþórsson, veður-
fræðingur og fyrrverandi veð-
urstofustjóri, telur að miðað
við meðalhita
á landinu á
liðnum vetri
megi búast
við góðum
heyfeng og
góðu gróður-
fari í sumar.
Þá segir hann
einnig að ekki
þurfi að búast
við hafís í ár.
Páll hefur í áratugi sagt
fyrir um þetta út frá með-
alhita vetrarins í Stykkis-
hólmi og segir hann spárnar
hafa gengið eftir í stærstu
dráttum. Hann segir meðal-
hitann í Stykkishólmi nokkuð
dæmigerðan fyrir meðalhit-
ann fyrir landið allt. Hafi
hann stuðst við meðalhita
þaðan á tímabilinu október til
apríl við spár sínar og á liðn-
um vetri hafi hann verið 0,9
gráður. „Ég hef notað með-
alhitann í Stykkishólmi, sem
er afskaplega nærri meðal-
hita byggðanna í landinu og
gefur þannig sæmilega
mynd,“ segir Páll og nefndi
að einhver munur gæti verið
á þessu en það hafi þó ekki
sýnt sig vera svo mikið. Páll
segir hitann í Stykkishólmi
hafa verið þann sama og að
meðaltali í október til apríl
árin 1930 til 1960.
Lofthitinn er
góður mælikvarði
Um hafísinn sagði Páll að
hann færi eftir lofthita við
Jan Mayen á haustin, þ.e. á
tímabilinu ágúst til janúar.
Segir hann útlit hafa verið
fyrir íslaust ár og að sú spá
standi enn, hann hafi aðeins
nálgast miðin og ströndina
við Vestfirði en einungis lítils
háttar. Páll segir lofthitann
ráðandi um sjávarhita og sé
því góður mælikvarði enda
fari allir vindar yfir sjó við
Jan Mayen.
„Ég tel því að það verði
góður heyfengur hjá bændum
og gróðursælt á landinu og ís-
lítið jafnvel fram undir ára-
mót,“ segir Páll og kveðst
bjartsýnn á að spá sín stand-
ist.
Spáir góð-
um hey-
feng og
gróðurfari
í sumar
Páll
Bergþórsson
Páll Bergþórsson
býst ekki við hafís