Morgunblaðið - 04.05.2002, Side 27

VIÐSKIPTI/ATHAFNALÍF
MORGUNBLAÐIÐ LAUGARDAGUR 4. MAÍ 2002 27
LÍFEYRISSJÓÐUR Norðurlands
(LSN) hefur ásamt fjárfestingar-
félaginu Nordica S.A. í Lúxemborg
höfðað mál gegn iDigi Communica-
tions í Flórída í Bandaríkjunum.
Ástæður málaferlanna eru meint
óvönduð vinnubrögð stjórnenda
iDigi og meint færsla á verðmætum
úr iDigi í félag í eigu framkvæmda-
stjóra iDigi.
Fyrirtækið iDigi vinnur að því að
þróa tækni til að auka hraða í fjar-
skiptum, sérstaklega að því er við-
kemur Netinu. LSN fjárfesti í fyr-
irtækinu í útboði sem haldið var
fyrir tveimur árum og var meðal
annars kynnt fjárfestum hér á landi.
LSN seldi síðan hlut sinn inn í Nor-
dica, þar sem sjóðurinn á 15% hlut
en afgangurinn er í eigu breskra að-
ila. Sjóðurinn á nú ekkert beint í
iDigi, en Nordica á tæplega 5 millj-
óna dollara hlut, eða sem svarar til
ríflega 400 milljóna króna. Þetta er
innan við 1% af heildarhlutafé iDigi.
Þessu til viðbótar hefur Nordica
lánað félaginu 5 milljónir dollara og
er það lán nú í vanskilum.
Ekki mikil hætta
á að fjármunir tapist
Í samtali við Morgunblaðið sagði
Kári Arnór Kárason, framkvæmda-
stjóri LSN, að hann teldi ekki mikla
hættu á að fjármunirnir sem settir
hefðu verið í þetta fyrirtæki og lán-
aðir því myndu tapast. Tæknin sem
fyrirtækið ætti væri það verðmæt
að fyrirtækið stæði undir þessum
kröfum, en vegna lélegrar stjórn-
unar, rangrar upplýsingagjafar og
vegna þess að verðmætasta tækni-
lausn fyrirtækisins hefði verið færð
út úr fyrirtækinu, að því er talið sé
með ólöglegum hætti, hefði verið
talið nauðsynlegt að höfða mál til að
tryggja rétt fjárfestanna. Hann
sagði að nú hefði verið skipaður um-
sjónarmaður yfir fyrirtækið sem
sæi tímabundið um rekstur þess og
myndi kanna þetta mál. Málið yrði
síðan væntanlega dómtekið 13.
þessa mánaðar og þá færi að skýr-
ast hverjar lyktirnar yrðu.
Fjárfestingarstefnunni
hefur verið breytt
Spurður að því hversu miklu fé
LSN gæti tapað ef allt færi á versta
veg sagði Kári Arnór erfitt um það
að segja nákvæmlega, en þar sem
eignin og krafan væri óbein og í
gegnum Nordica væri það mun
lægri tala en þær 10 milljónir doll-
ara sem eru í spilinu. Vissulega gæti
þó farið svo að LSN tapaði í gegn-
um eign sína í Nordica ef illa færi.
Spurður að því hvort eðlilegt væri
fyrir lífeyrissjóði að fjárfesta í
óskráðum og áhættusömum fé-
lögum sagði Kári Arnór að á þeim
tíma sem ákvörðun var tekin um
fjárfestinguna hefði hún ekki þótt
mjög áhættusöm og að bitist hefði
verið um að fá að fjárfesta í slíkum
fyrirtækjum. Útboð þessa fyrirtæk-
is hefði verið kynnt hér á landi og
LSN væri ekki eini stofnanafjár-
festirinn eða lífeyrissjóðurinn sem
tekið hefði þátt í því. Síðan hefði
margt breyst og nú hefði LSN tekið
þá stefnu að fjárfesta ekki í óskráð-
um fyrirtækjum. Hann benti jafn-
framt á að fjárfestar hefðu ekki ein-
göngu tapað á óskráðum bréfum,
mikið tap hefði líka orðið við geng-
islækkun skráðra félaga við verðfall
markaða.
Kári Arnór segir þá taphættu
sem þarna sé vera óverulega miðað
við lækkun markaðsbréfa. Sjóður-
inn telji óverulegar líkur á að fjár-
munir tapist í þessu máli, hins veg-
ar hafi verið talið nauðsynlegt að
grípa til þessara aðgerða til að
vernda hagsmuni. Fjármálaeftirlitið
hafi verið upplýst um stöðu málsins
og því verði haldið upplýstu um
framvindu þess.
Óvíst hve miklir fjár-
munir gætu tapast
Fjárfesting Lífeyrissjóðs Norðurlands á Flórída í hættu
LANDSBANKI Íslands hf. hefur
ákveðið að lækka vexti af óverð-
tryggðum inn- og útlánum í kjöl-
far ákvörðunar Seðlabankans um
að lækka stýrivexti. Landsbank-
inn telur brýnt að almennur
sparnaður aukist og hefur því
ákveðið að bjóða bestu mögulegu
innlánsvexti. Því munu innláns-
vextir lækka minna en útlánsvext-
ir. Þannig lækka óverðtryggð út-
lán um 0,3%, en óverðtryggð
innlán nokkru minna eða um 0,1-
0,3%. Innlánsvextir á tékka-
reikningum viðskiptavina í Vörð-
unni miðað við fyrsta þrep hækka
um 1,75%. Þannig vill bankinn
láta sína bestu viðskiptamenn
njóta enn betri kjara en verið hef-
ur. Þá haldast vextir óverð-
tryggðra lífeyrisreikninga
óbreyttir 11,75%, en með því vill
Landsbankinn leggja áherslu á
mikilvægi langtímasparnaðar
ásamt því að jafna mun á vaxta-
kjörum óverðtryggðra og verð-
tryggðra lífeyrisreikninga.
Landsbankinn lækkar vexti
af óverðtryggðum lánum
SJÁVARÚTVEGURINN þarf að
vera sýnilegri í alþjóðlegri umræðu
um sjávarútvegsmál, til að hafa áhrif
á þróun umræðunnar og reyna að
koma sjónarmiðum eðlilegrar nýtin-
ingarstefnu auðlinda hafsins á fram-
færi. Þetta kom fram í máli Péturs
Bjarnasonar, formanns stjórnar
Fiskifélags Íslands, á Fiskiþingi sem
fram fór í gær.
Pétur minnti á að fyrir fáum árum
hafi Íslendingum, Norðmönnum,
Færeyingum og fleiri þjóðum þótt
álíka fáránlegt að heyra að margra
ára bann við hvalveiðum væri á
næsta leiti eins og Íslendingar skip-
uðu sér í forystusveit í geimrann-
sóknum. Engu að síður væri það
staðreynd að flestar þjóðir byggju
við algert bann við hvalveiðum.
„Ástæðan er alveg óháð stofnstærð
hvalategunda. Hún er einnig alveg
óháð þeim nýtingarmöguleikum
hvalastofna og því álagi sem þeir
hafa á vistkerfið. Ástæðan er ein-
göngu að finna í tilfinningalífi fjölda
fólks í hinum „upplýsta hluta heims-
ins“ sem meðal annars hefur boðið
okkur upp á skrípaleik eins og við
verðum vitni að í kringum Keikó,
sem er að verða fastur íbúi þessa
lands.“
Sagan að endurtaka sig
Pétur sagði að á sama hátt þætti
þorra almennings nú fáránlegt að
einhverntíma verði bannað að veiða
þorsk. Því væri lærdómsríkt að
verða vitni að því að umhverfissam-
tökin World Wildlife Fund for Nat-
ure hefðu nú ráðlagt neytendum í
Svíþjóð að kaupa ekki þorsk og
leggja þar með mikilvægt lóð á vog-
arskálarnar til verndar hinni villtu
náttúru. „Þannig virðist sagan vera
að endurtaka sig. Það sem var fárán-
legt fyrir örfáum árum er nú raun-
veruleiki. En hvað hefur sjávarút-
vegurinn verið að gera meðan
heimsmyndin er að breytast á þenn-
an hátt? Hann hefur vissulega verið
upptekinn við mikilvæg mál. Barátt-
an um kaup og kjör er ekki smámál.
Baráttan um fiskveiðistjórnkerfi er
ekki smámál. Baráttan um skiptingu
arðs af auðlindinni er ekki smámál.
En baráttan um réttinn til eðlilegrar
nýtingar auðlindarinnar er ekki
heldur smámál. Baráttan um hvern-
ig hin alþjóðlega umræða um skil-
yrði sjávarútvegsins er ekki heldur
smámál. Baráttan um að samræma
sjónarmið innanlands og utan um
nýtingu sjávarfangs er ekki heldur
neitt smámál.“
Pétur sagði að þrátt fyrir bætta
upplýsingatækni og aukin samskipti
milli landa og heimsálfa væri Ísland
tiltölulega einangrað. Svokölluð um-
hverfissamtök hefðu hinsvegar vax-
andi áhrif í hinu alþjóðlega umhverfi.
Þó mörg þessara samtaka ættu hið
besta skilið væri umhverfisvernd
engu að síður stór iðnaður og oftar
en ekki væri fagurgali í umhverfis-
málum árangursrík leið til þess að fá
fólk til að opna buddur sínar og sýna
örlæti sitt í verki. „Og þá eru göfug
markmið í umhverfismálum ekki
alltaf efst á blaði. Keikó er gott dæmi
um hvernig má hafa fávíst fólk og
einfalt að féþúfu í nafni umhverfis-
mála. Og dæmin eru allt í kringum
okkur,“ sagði Pétur
Morgunblaðið/Ásdís
Frá 61. Fiskiþingi Fiskifélags Íslands sem haldið var í gær.
Sjávarútveg-
urinn þarf að
vera sýnilegri
Formaður Fiskifélags Ísland varar við
vaxandi áhrifum umhverfissamtaka
EINS og fram hefur komið hefur
Femin.is keypt Vísi.is. Í framhaldi
af kaupunum hefur komið fram að
Viðskiptavefurinn, sem rekið hefur
viðskiptahlutann á Vísi.is, hefur í
hyggju að verja hagsmuni sína ef
fjármunir koma inn vegna kaup-
anna, enda eigi hann ógreiddar
kröfur vegna vinnu við að setja við-
skiptafréttir inn á Vísi.is. Stærstu
eigendur Viðskiptavefjarins eru
Viðskiptablaðið og Tölvumyndir,
en Vísir.is og Leit eiga einnig í fyr-
irtækinu.
Írís Gunnarsdóttir er fram-
kvæmdastjóri Femin.is og segir
hún að þær kröfur sem hér um
ræðir komi Femin.is ekki við.
Kröfurnar séu gerðar á hendur
fyrri eiganda og rekstraraðila Vísi-
s.is, en Femin.is hafi aðeins keypt
vefinn Vísi.is en ekki fyrirtækið
sem átti hann og rak, Frjálsa fjöl-
miðlun.
Íris segist ekki vilja á þessari
stundu upplýsa hvernig greitt hafi
verið fyrir Vísi.is, enda séu kaupin
ekki að fullu frágengin.
Kaup Femin.is á Vísi.is
Femin.is ber ekki
ábyrgð á skuldum
fyrri eiganda