Morgunblaðið - 04.05.2002, Side 32

ÚR VESTURHEIMI
32 LAUGARDAGUR 4. MAÍ 2002 MORGUNBLAÐIÐ
ÞJÓÐRÆKNISFÉLAG Íslendinga
í Vesturheimi stefnir að því að
halda sérstakan fund á Íslandi á
næsta ári eða 2004 og er málið í at-
hugun.
David Gislason, formaður Esju,
deildar Þjóðræknisfélagsins í Ár-
borg í Kanada, sagði á þinginu í
Minneapolis að ráðstefna Þjóð-
ræknisfélagsins, sem haldin var á
Íslandi 1994, hefði heppnast vel og
lagði hann til að hún yrði end-
urtekin í einhverri mynd á Hofsósi
sumarið 2004. Það ár sér Brúin í
Selkirk um þingið, sem áætlað er
að verði á Hecklueyju, en að ári
verður þingið í Edmonton.
Fram kom að fundurinn á Íslandi
væri hugsaður sem sjálfstæður
fundur óháður Þjóðræknisþingi.
Einar Benediktsson sendiherra
sagði að samskiptin við Ísland væru
mikilvæg og sérstaklega þyrfti að
huga að samskiptum unga fólksins.
Hins vegar væri betra að halda
svona fund utan helsta ferðamanna-
tímans og að Reykjavík yrði mið-
punktur hans, þótt ekkert væri því
til fyrirstöðu og sjálfsagt að heim-
sækja Vesturfarasetrið á Hofsósi.
Morgunblaðið/Steinþór Guðbjartsson
Jón Baldvin Hannibalsson, sendiherra Íslands í Bandaríkjunum, stjórnaði mjög fjörugum og áhugaverðum pall-
borðsumræðum á Þjóðræknisþinginu í Minneapolis, en þar fóru hann, Magnús Gústafsson, forstjóri Coldwater
Seafood Corporation, dótturfélags Sölumiðstöðvar hraðfrystihúsanna hf. í Bandaríkjunum, Einar Gústavsson,
framkvæmdastjóri skrifstofu Ferðamálaráðs í New York, og Hjálmar W. Hannesson, sendiherra Íslands í Kan-
ada, vítt og breitt um íslensk málefni og tengslin við Vesturheim.
Stefnt að sérstök-
um fundi á Íslandi
DAVID Gislason, bóndi á Svaða-
stöðum skammt frá Árborg í Mani-
toba, var kominn með sáðvélina út á
hlað og ætlaði að fara að sá 1. maí,
en Kári tók heldur betur í taumana.
Um nóttina snjóaði töluvert á Ár-
borgarsvæðinu og þar var aftur
farið að snjóa undir kvöld, en þá
var kominn 10 cm jafnfallinn sjór.
Þetta er óvanalegt á þessum árs-
tíma, en hitinn hefur verið töluvert
undir meðallagi undanfarna daga.
David Gislason segir að bændur
séu ánægðir nái þeir að hefja sán-
ingu í fyrstu viku maí og útlitið hafi
verið gott eftir snjóléttan vetur og
fá harða frostdaga, en snjókoman
hafi gert það að verkum að ekki
hafi verið hægt að sá á Svaðastöð-
um og í nágrenninu í vikunni eins
og til hafi staðið.
Ljósmynd/Davið Gislason
Ekki hægt að sá á Svaðastöðum
MIKILL áhugi er á sumarferð
Þjóðræknisfélagsins til Vestur-
heims og segir Jónas Þór farar-
stjóri að nær uppselt sé í þessa 12
daga ferð.
Ferðin hefst með flugi til Minn-
eapolis 14. júní, en síðan verður ek-
ið í langferðabíl um svæði, þar sem
Íslendingar settust að í lok 19. ald-
ar og fram á 20. öld.
Jónas Þór flutti erindi á ársþingi
Þjóðræknisfélags Íslendinga í Vest-
urheimi á dögunum og notaði tæki-
færið til að hitta fólk, sem verður
honum innan handar í ferðinni, en á
flestum stöðum verður náin sam-
vinna höfð við deildir Þjóðrækn-
isfélagsins. Í þessu sambandi nefnir
hann að aðalræðismannshjónin í
Minneapolis, Maddý og Örn Arnar,
og fleiri hafi rætt um að fara með
hópnum fyrsta daginn, en þá verð-
ur ekið til Shawano í Wisconsin og
gist í Green Bay. Síðan verður farið
út í Washingtoneyju þar sem Hann-
es Andersen, afkomandi íslenskra
landnema á eyjunni, verður leið-
sögumaður. Í Duluth verður John
Bergson leiðsögumaður og eftir að
hafa skoðað ferjustaðinn Fisher við
Rauðá og Grand Forks verður ekið
um Íslendingabyggðir í Norður--
Dakóta áður en farið verður yfir
landamærin og til Winnipeg. Í
Winnipeg verður gist í fjórar nætur
en farið í dagsferðir þaðan, m.a. um
Nýja-Ísland. Á bakaleiðinni verður
m.a. komið við á nokkrum Íslend-
ingaslóðum í Minnesota eins og t.d.
Montevideo og Minneota, en Frank
Josepson verður leiðsögumaður síð-
asta daginn.
„Við reynum að fara á þessa
helstu sögusvæði og mér vitanlega
er þetta fyrsta ferð sinnar tegund-
ar,“ segir Jónas Þór og bætir við að
innan við 10 sæti séu laus, en Kar-
ólína Pétursdóttir hjá söluskrifstofu
Flugleiða á Hótel Esju sjái annars
um sölu í ferðina.
Sumarferð Þjóð-
ræknisfélagsins
til Vesturheims