Morgunblaðið - 04.05.2002, Side 61

FRÉTTIR
MORGUNBLAÐIÐ LAUGARDAGUR 4. MAÍ 2002 61
ÁRLEGUR flórgoðadagur Fugla-
verndarfélagsins og umhverfis-
nefndar Hafnarfjarðar verður við
Ástjörn við Hafnarfjörð sunnudag-
inn 5. maí kl. 13.30–15. Haldið hefur
verið upp á dag flórgoðans við
Ástjörn síðan 1993. Fuglaskoðarar
verða á staðnum og upplýsa gesti
um leyndardóma flórgoðans og
sýna þeim lífríki náttúruperlunnar
Ástjarnar. Ástjörn er syðst í Hafn-
arfirði austan Reykjanesbrautar og
er farið að tjörninni um hið nýja
Áshverfi.
Flórgoðinn hefur undanfarið ver-
ið í gjörgæslu vegna mikillar fækk-
unar síðustu áratugi. Framræsla
votlendis, landnám minks og aðrar
breytingar á lífsskilyrðum þessa
skrautlega og sérkennilega fugls
eru taldar vera orsakirnar fyrir
fækkuninni. Átak er nú í gangi sem
stefnir að því að snúa þessari þróun
við. Ástjörn og Urriðakotsvatn eru
einu varpstaðir flórgoðans á Suð-
vesturlandi, á öllu svæðinu milli
Laugardals í Árnessýslu og Skorra-
dals í Borgarfirði. Ástjörn er frið-
lýst og er friðlandsins gætt af
íþróttafélaginu Haukum. Umhverfi
tjarnarinnar var gert að fólkvangi
fyrir nokkrum árum, segir í frétta-
tilkynningu.
Flórgoðadag-
ur við Ástjörn
Í TILEFNI sum-
arsins hefur
VISA Ísland
ákveðið að bjóða
korthöfum sínum
að sjá myndina
Bubble Boy fyrir
aðeins kr. 150 á
mann í Sambíó-
unum í Reykja-
vík, Keflavík og á Akureyri.
Gegn framvísun miða, sem fylgdi
með öllum VISA-reikningum sem
sendir voru út rétt fyrir mánaðamót-
in, fást allt að fimm miðar á 150 kr.
stk. á myndina Bubble Boy.
Tilboð þetta gildir meðan á sýn-
ingu myndarinnar stendur, segir í
fréttatilkynningu.
VISA býður í bíó
FJÓRIR sjálfboðaliðar héldu utan í
vikunni á vegum Félagsins Ísland-
Palestína og eru í Austur-Jerúsalem,
þar sem þeir dvelja á gistiheimili
Lúterska heimssambandsins hjá
Augusta Victoria sjúkrahúsinu á
Ólífufjalli.
Í hópnum sem nú hélt til Palestínu
eru: Þorkell Þorkelsson ljósmyndari,
Heimir Snorrason blaðamaður, Er-
nesto Ortiz ljósmyndari og Stefán
Þorgrímsson heilbrigðisstarfsmað-
ur.
Tekið var á móti fjórmenningun-
um af fulltrúum Sambands palest-
ínskra læknishjálparnefnda
(UPMRC) og munu þeir næstu tvær
vikurnar heimsækja staði á Vestur-
bakkanum og Gazaströnd.
Fjórir sjálf-
boðaliðar til Aust-
ur-Jerúsalem
STJÓRN Reykjavíkurdeildar Fé-
lags leikskólakennara boðar til fund-
ar um leikskólamál mánudaginn 6.
maí kl. 17 – 18.30 í Ráðhúsi Reykja-
víkur.
Ingibjörg Sólrún Gísladóttir borg-
arstjóri í Reykjavík af R-lista og
Björn Bjarnason borgarstjóraefni
D-lista verða framsögumenn á fund-
inum og svara fyrirspurnum frá
fundarmönnum úr sal.
Foreldrar, leikskólakennarar,
annað starfsfólk leikskóla svo og aðr-
ir borgarbúar sem áhuga hafa á leik-
skólamálum eru velkomnir, segir í
fréttatilkynningu. Fundarstjóri
verður Sigmundur Ernir Rúnarsson
ritstjóri.
Leikskólamál
rædd á opnum
fundi
ÁTTHAGAFÉLAG Sandara heldur
árshátíð í dag, laugardaginn, 4. maí, í
Lionssalnum í Kópavogi, Auðbrekku
25.-27. Húsið verður opnað kl. 19.30.
Heiðursgestir verða hjónin Krist-
ján Þorkelsson frá Laufási og kona
hans Sigríður Markúsdóttir. Ræðu-
maður kvöldsins verður Finnur Guð-
steinsson kennari og smiður. Hljóm-
sveitin Túkall leikur fyrir dansi fram
eftir nóttu.
Átthagafélag Sandara var stofnað
árið 1954, og er eitt af elstu átthaga-
félögum á landinu. Eini núlifandi
heiðursfélagi félagsins er Jón I. Júl-
íusson, kenndur við Nóatún, segir í
fréttatilkynningu.
Vorfagnaður
Sandara
LAUF, Landssamtök áhugafólks um
flogaveiki, halda aðalfund þriðjudag-
inn 7. maí kl. 20 í húsakynnum Ör-
yrkjabandalagsins, Hátúni 10b,
kaffistofu á jarðhæð. Venjuleg aðal-
fundarstörf.
Ólafur Haukur Símonarson rithöf-
undur verður með upplestur, segir í
fréttatilkynningu.
Aðalfundur
Laufs í dag
SUMARBÚÐIRNAR Ævintýra-
land hafa opnað heimasíðu, veffangið
er www.sumarbudir.is. Þar er hægt
að skoða bækling sumarsins 2002 og
fleira.
Ekki verður sendur út bæklingur
eins og gert hefur verið undanfarin
ár, en þeir sem hafa ekki aðgang að
Netinu geta hringt á skrifstofu Sum-
arbúðanna Ævintýralands og fengið
sendan bækling. Skráning stendur
enn yfir, segir í fréttatilkynningu.
Sumarbúðirnar
Ævintýraland
á Netinu
SEX leikskólar í Grafarvogi verða
með opið hús í dag, laugardaginn 4.
maí, frá kl. 10–12.
Leikskólarnir starfa allir sam-
kvæmt lögum um leikskóla, hver og
einn hefur sínar áherslur. Þennan
dag er því kjörið að kynna sér leiðir
hvers og eins leikskóla.
Börn þurfa að mæta í fylgd með
fullorðnum, segir í fréttatilkynn-
ingu.
Leikskólarnir eru: Engjaborg
Reyrengi 11, Foldakot Logafold 18,
Hulduheimar Vættaborgum 11,
Lyngheimar Mururima 2, Sjónar-
hóll V/Völundarhús og Hamrar
Hamravík.
Allir eru velkomnir.
Leikskólar
í Grafarvogi
með opið hús