Morgunblaðið - 16.05.2002, Page 29

NEYTENDUR
MORGUNBLAÐIÐ FIMMTUDAGUR 16. MAÍ 2002 29
Ólífutré eru vel
þekkt fyrir
undraverðan
kraft. Hreint
efni, unnið úr
laufblöðum
þeirra, styrkir
viðnám húðar-
innar gegn
fyrstu einkenn-
um sem tengj-
ast öldrun.
Heimsækið okkur á
www.biotherm.com
AGE FITNESS
Áhrifaríkur kraftur ólífu-
trjáa hefur yngjandi áhrif
á húðina, mýkir og eykur
teygjanleikann.
Velkomin á kynningu í dag,
fimmtudag, í Kringlunni kl. 13-17 og
á morgun, föstudag, í Mjódd kl. 13-17
Flott taska fylgir þegar keyptar eru
Biotherm vörur fyrir kr. 3.500 eða meira.
ASSOCIATED Press greinir frá
því að á meðalskrifstofuborði séu
um 400 sinnum fleiri bakteríur en
á meðalklósettsetu. Þessi tíðindi
eru niðurstaða rannsóknar sem
gerð var við Arizona-háskóla í
Bandaríkjunum og var tilgang-
urinn sá að ganga úr skugga um
hvar flestar bakteríur sé að finna
á vinnustöðum. „Þótt flestar bakt-
eríur reynist vera á símtækjum
var engu að síður um mikinn
fjölda að ræða á skrifborðum, fax-
tækjum, drykkjarkrönum, hurð-
arhúnum örbylgjuofna og lykla-
borðum,“ segja rannsakendur.
Rannsóknin var kostuð af fyr-
irtækinu The Clorox Co. sem
framleiðir hreinsiefni og voru
gaumgæfð yfir 7.000 sýni frá
vinnusvæðum og fyrirtækjum í
Tucson, New York, San Francisco
og Tampa. Var hreinustu vinnu-
borðin að finna í Tucson og þau
óhreinustu í New York, sam-
kvæmt niðurstöðunum.
Haft er eftir Chuck Gerba, sem
fer fyrir rannsóknarhópnum, að
ástæðan sé að líkindum sú að
fleiri neyti matar við skrifborðið
sitt í stórborgum en í minni borg-
um. Einnig kunni þurrt loftslag
Tucson að bægja bakteríum frá.
Flestar bakteríur fundust á
drykkjarkrönum á vinnustöðum í
Tucson.
Fólki á skrifstofum sem rann-
sóknin náði til var ennfremur
skipt í tvo hópa, þar sem annar
þvoði skrifborð, síma og tölvur
með sótthreinsiblautklútum. Seg-
ir að bakteríum hafi fækkað um
99,9% í kjölfarið.
„Ef ekki er hreinsað með sótt-
hreinsiklútum flytjast óhrein-
indin bara til við þrifin. Bakt-
eríum getur fjölgað um 19–31% á
dag á skrifborðum sem ekki eru
hreinsuð reglulega,“ segir Gerba
og kveðst ekki hissa á að færri
bakteríur sé að finna á klósett-
setum en skrifborðum.
„Á flestum heimilum eru færri
bakteríur á klósettsetum en eld-
húsborðum og skrifborð eru ekki
þrifin jafn oft og salerni á vinnu-
stöðum,“ segir hann.
Að síðustu er haft eftir ráðgjafa
um öryggi á vinnustöðum að
starfsmenn geti lagt sitt af mörk-
um til þess að fækka bakteríum í
vinnuumhverfinu. „Ég vil ekki
vekja hræðslu hjá starfsmönnum
við að snerta hluti á vinnustaðn-
um en tel að hægt sé að brýna fyr-
ir fólki kosti þess að þvo sér
reglulega um hendur og þrífa
skrifborðið sitt,“ segir loks í frétt
Associated Press.
Fleiri bakteríur
á skrifborði en
klósettsetu
SAMSÖLUBAKARÍ hefur sett á
markað nýtt brauð sem nefnist Fitty.
Um er að ræða trefjaríkt brauð með
hámarks næring-
argildi, að því er
segir í tilkynn-
ingu. „Fitty-
brauðið var þróað
með næringu
íþróttafólks og
allra þeirra sem
hugsa um heilsuna í huga.
Fitty inniheldur hátt hlutfall af
grófu mjöli og er þar af leiðandi mjög
trefja- og næringarríkt,“ segir enn-
fremur. Þyngd brauðsins er u.þ.b. bil
400 g og 8 sneiðar í pakka, samkvæmt
upplýsingum frá Samsölubakaríi.
NÝTT
Fitty-brauð