Morgunblaðið - 12.11.2004, Síða 60

60 FÖSTUDAGUR 12. NÓVEMBER 2004 MORGUNBLAÐIÐ
MENNING
ÍSLENDINGAR fá að sjá glæpagrínmyndina After the
Sunset á sama tíma og Bandaríkjamenn en hún er frum-
sýnd vestra um helgina líkt og hér. Sjarmatröllin Pierce
Brosnan og Woody Harrelson eru í aðalhlutverki ásamt
bombunni Salma Hayak.
Myndin byrjar þar sem margar stórglæpamyndir
enda, á paradísareyju þar sem glæpasnillingarnir
(Hayak, Brosnan) slaka á og njóta auðæfa sinna. Fulltrúi
FBI, sem hefur verið á eftir parinu í sjö ár (Harrelson),
eltir þau og hefur enga trú á því að þau séu sest í helgan
stein. Hann verður sannfærður um að þau séu að skipu-
leggja stórtækt demantarán af nálægu skemmti-
ferðaskipi og þá fyrst fara hlutirnir að verða verulega
flóknir.
Brett Ratner leikstýrir myndinni en hann hefur gert
myndir á borð við Rush Hour og Red Dragon.
Frumsýning | After the Sunset
Paradís
glæpamanna
Glæpaskötuhjúin Max Burdett (Pierce Brosnan) og Lola
Cirillo (Salma Hayak) hafa það náðugt á sólríkri eyju.
ERLENDIR DÓMAR: Metacritic.com 40/100  Enter-
tainment Weekly 67/100  Hollywood Reporter 50/
100  Variety 50/100 (metacritic)
ÓBEITIN eða The Grudge er ein-
hver óvæntasti smellur það sem af
er árinu. Engin hrollvekja hefur
fengið eins mikla aðsókn um frum-
sýningarhelgi og verður það að
telja stórmerkilegt því leikstjóri
hennar er japanskur og hefur aldrei
áður gert Hollywood-mynd. Hann
heitir Takashi Shimizu og framleið-
andi myndarinnar, Spider-Man-
leikstjórinn Sam Raimi, fenginn til
að gera myndina einfaldlega vegna
þess að hann hafði gert frumgerð-
ina Ju-on: The Grudge, sem er vin-
sæl japönsk hrollvekja.
„Fyrst hafði ég ekki áhuga á því
að endurtaka mig, en komst svo að
þeirri niðurstöðu að betra væri að
ég klúðraði endurgerðinni frekar en
einhver annar,“ sagði Shimizu í
samtali við blaðamann Morgun-
blaðsins á dögunum.
En sama hversu mikið hann
reyndi, hann gat greinilega ekki
klúðrað neinu því myndin hefur
verið hreint fádæma vinsæl í
Bandaríkjunum þar sem hún hefur
halað inn átta sinnum meira en
kostaði að framleiða hana. Fyrir ut-
an það að þykja skotheldur hrollur
og smella vel inní þá tískubylgju
sem eru japanskar hrollvekjur þá
hefur nærvera aðalleikkonunnar
Söruh Michelle Gellar heilmikið að
að segja en hún á sér dyggan hóp
aðdáenda frá því hún lék vampíru-
banann Buffy.
Shimizu hefur þegar gert jap-
anska útgáfu af framhaldinu, Ju-on:
The Grudge 2 og hafa þeir í Holly-
wood nú sett allt á fullt til að geta
komið út endurgerð á því framhaldi
sem allra fyrst. Ekki liggur ljóst
fyrir þó hvort Shimizu og Gellar
verði með í þeirri mynd.
Frumsýning | The Grudge
Japanskir draugar eru allra drauga hræðilegastir.
ERLENDIR DÓMAR
Roger Ebert Guardian
BBC
Metacritic.com 43/100
New York Times 50/100
Variety 30/100
Hefnd að handan
HINN virti kanadíski
leikstjóri Guy Maddin
verður gestur Alþjóð-
legrar kvikmyndahátíð-
ar í Reykjavík sem hald-
in verður í Regnbog-
anum, Háskólabíói og
Listasafni Reykjavíkur –
Hafnarhúsi, dagana 17. –
25. nóvember næstkom-
andi.
Guy Maddin á ættir að
rekja til Íslands en nýj-
asta kvikmynd hans, Heimsins trega-
fyllsta tónlist (The Saddest Music in
the World), verður opnunarmynd há-
tíðarinnar, sem verður næstkomandi
miðvikudag. Dagskrá hátíðarinnar
verður helguð „rödd Íslendinga í al-
þjóðlegri kvikmyndagerð“ og er
skipulögð sem kynning og undirbún-
ingur fyrir fyrstu stóru hátíðina sem
haldin verður haustið
2005.
Frumsýndar verða
m.a. Jargo, verðlauna-
kvikmynd Maríu Sól-
rúnar Sigurðardóttur,
Rithöfundur með mynda-
vél, ný heimildarmynd
um Guðberg Bergsson
eftir Helgu Brekkan,
Undir stjörnuhimni, saga
suður-afrísku götustúlk-
unnar og poppstjörn-
unnar Friedu Darvel eftir þau Helga
Felixson og Titti Johnson og heimild-
armyndin Stjórnstöðin (Control
Room) sem vakið hefur athygli víða
um heim að undanförnu en hún fjallar
um Íraksstríðið frá ólíkum sjónarhóli
vestrænna og arabískra fjölmiðla.
Viðstödd hátíðina verða m.a. vest-
ur-íslenski leikstjórinn Sturla Gunn-
arsson, Helga Brekkan, María Sólrún
Sigurðardóttir, Helgi Felixson, Titti
Johnson og Ólafur Sveinsson sem
frumsýnir nýja Berlínarmynd sína á
hátíðinni.
Alls verða sýndar 16 kvikmyndir á
hátíðinni, en að auki verður efnt til
fyrirlestra og umræðna þeim tengd-
um. Alþjóðleg kvikmyndahátíð stend-
ur jafnframt fyrir málþingi um hlut-
verk og gildi kvikmyndahátíða í
Listasafni Reykjavíkur, Hafnarhúsi
laugardaginn 20. nóvember. Þar
munu Jannike Ahlund stjórnandi
Kvikmyndahátíðarinnar í Gautaborg
og Helga Stephenson einn stofnenda
og stjórnenda Toronto-hátíðarinnar
flytja erindi. Meðal annarra íslenskra
og erlendra þátttakenda eru Sigurjón
Sighvatsson, Dagur Kári Pétursson,
Hrafnhildur Gunnarsdóttir og Þor-
finnur Ómarsson.
Alþjóðleg kvikmyndahátíð í Reykjavík 17.–25. desember
Guy Maddin
Guy Maddin viðstaddur