Fréttablaðið - 13.12.2006, Side 32

13. desember 2006 MIÐVIKUDAGUR4
Jólaprófin í skólunum eru eitt
af því sem ótvírætt skapar sér-
staka stemningu í desember.
Það styttist í að nemendur fái jóla-
fríið en fram að því eru flestir á
kafi í próflestri og sumir sofa því
með minna móti á þessum árstíma.
Þjóðarbókhlaðan er einn þeirra
staða sem nemendur safnast á til að
læra undir jólaprófin. Þar hitti
Fréttablaðið fyrir nokkra hressa.
Magnea S. Guðmundsdóttir,
Birna Kristrún Halldórsdóttir og
Sverrir Hjálmarsson eru saman úti
á stétt að teyga ferska loftið. Magn-
ea er á fyrsta ári í viðskiptafræði og
er á leiðinni í stærðfræðipróf. Það
er annað prófið af fimm fyrir þessi
jól. Allt snýst um tölur, hagfræði og
stjórnun. Birna og Sverrir eru bæði
á öðru ári í sálfræði og öfugt við
Magneu eru þau búin í prófi dags-
ins. Það var í próffræði. Þau hlæja
þegar blaðamaður spyr í fávísi sinni
hvort þau geti þá ekki komið með
einhverjar æðislegar lausnir við
prófkvíða. „Nei, aðallega voru próf-
in nú í því að stressa okkur,“ segir
Sverrir brosandi. Birna tekur undir
það og útskýrir að prófið hafi snúist
um greindarpróf. Hafa þau þá virki-
lega engar ráðleggingar til próf-
stressaðra? „Jú, læra yfir allan vet-
urinn og glósa. Lesa jafnt og þétt og
ekki frumlesa fyrir próf!“
Öll eru þau sammála um að gott
sé að læra á Þjóðarbókhlöðunni. Þar
helgi þau sér bása og hafi sínar tölv-
ur með sér. „Ég sit hér öll kvöld,“
segir Magnea. Hin taka undir það
en koma því líka að að opnunartím-
inn sé alls ekki nógu langur um
helgar því þá sé lokað klukkan
fimm.
Fram undan? Fleiri próf!
gun@frettabladid.is
Frí fram undan en fyrst
lestur, próf og stress
Sverrir, Magnea og Birna hafa þau góðu ráð að gefa öðrum „að læra allan veturinn og glósa“. fréttaBlaðið/Stefán
atli er sallarólegur og laus við
stress.
atli Sigþórsson:
Hef voða litlar
áhyggjur
atli Sigþórsson er í smá kaffi-
pásu. Hann nemur sagnfræði en
kveðst alveg pollrólegur og laus
við stress. „Mér finnst ég vera í
svo ágætum prófum núna og
þó ég eigi ritgerðaskil eftir hef
ég voða litlar áhyggjur af þessu.
ég er sæmilega lesinn og þá er
þetta ekkert sem maður þarf að
missa svefn yfir.“
Jakobína er að þreyta frumraun sína í prófum í háskólanum. Hún nemur sálfræði.
Jakobína Jónsdóttir:
Verður gott að fá jólafríið
Jakobína Jónsdóttir er á fyrsta ári í sálfræðinni og kveðst vera þokkalega
stressuð fyrir prófin. Segir svolítið klipið af svefntímanum stundum. „Það
er óneitanlega dálítill munur á námi í háskóla og menntaskóla. Hér er
maður algerlega ábyrgur fyrir náminu sjálfur. Þetta hefst allt en það verður
rosalega gott að fá jólafríið.“
Sigríður Pálsdóttir:
Smá vökustand
og vesen
Sigríður Pálsdóttir er á fyrsta ári í
verkfræði. Þó ekki alger nýgræðingur
í prófum í Verkfræðideild því hún
byrjaði um áramót í fyrra. Þó að ekki
séu um fjöldatakmarkanir að ræða í
deildinni þá segir hún prófin óneit-
anlega skapa stress. „Þetta er dálítið
erfitt,“ viðurkennir hún. Sigríður tók
fyrsta prófið í fyrradag og þrjú eru
eftir. „ég verð búin 20. desember.
Þetta er smá vökustand og vesen
þangað til.
Sigríður á þrjú próf eftir í
verkfræðinni.
Jólagjöf
heimilisins í ár
Nýtt
kortatímabil
ÁSKRIFTARSÍMI 550 5060 | WWW.VISIR.IS
100 HUGMYNDIR FYRIR JÓLABÖRNIN
LAGT Á HÁTÍÐARBORÐIÐ
ÆVINTÝRIÐ Í ENGLABORG
JÓLABLAÐIÐ KOMIÐ ÚT!
MÁLUM BÆINN RAUÐAN