Fréttablaðið - 13.12.2006, Side 85

MIÐVIKUDAGUR 13. desember 2006 29
bréf til blaðsins
Útsýni forseta bæjarstjórnar
á Álftanesi
Yfirlýsing – Henrik thorarensen
Vegna yfirlýsingar Kristjáns Svein-
björnssonar í Fréttablaðinu laugar-
daginn 10. 12. 2006 varðandi lóðina
að Miðskógum 8 vil ég að eftirfarandi
komi fram:
Kristján hefur persónulega staðið
í málaferlum vegna eignarhalds á
lóðinni árum saman. Hann hefur
tapað öllum þessum málaferlum og
því marg sannreynt af dómstólum
að enginn efi leikur á eignarhaldi
lóðarinnar.
Það er því mál að linni að Kristján
sætti sig við að hann á ekkert tilkall
til þessarar lóðar og tilburðir hans við
framkvæmdir og notkun á lóðinni eru
með öllu óásættanlegir.
Umdeilda málsmeðferð vegna
veitingar byggingarleyfis á lóðinni,
hefur hann ekki aðeins gert að máli
bæjarfélagsins heldur reynir hann að
snúa málinu í pólitískan slag við sam-
starfsmenn sína í minnihluta bæjar-
stjórnar til að hylma yfir persónulegu
hagsmunamáli.
Bókun D-listans vegna meðferðar
málsins hjá bæjarráði sýnir glöggt
hvað hér hefur verið í gangi í það
tæpa ár sem umsóknin hefur
legið inni án þess að fá réttmæta
afgreiðslu.
Málið var til umfjöllunar í byggingar-
nefnd frá því í desember 2005 og
fram til 13. nóvember 2006.
Samkvæmt gildandi deiliskipulagi frá
1980, er lóðin Miðskógar 8 tiltekin
sem íbúðarlóð og er byggingarreitur
markaður fyrir einbýlishús, á sama
stað og þar sem áður voru hús.
Í aðalskipulagi Álftaness fyrir árin
2005 til 2024, er Miðskógarsvæðið,
þar á meðal þessi lóð, skilgreind sem
íbúðarbyggð. Lóðin er þinglýst sem
byggingarlóð hjá sýslumanninum í
Hafnarfirði.
Vegna aðgerða Kristjáns hefur málið í
tvígang verið sent til umsagnar Skipu-
lagsstofnunar undanfarin misseri og
í áliti stofnunarinnar kemur fram að
fyrirhuguð bygging á lóðinni brýtur
ekki í bága við náttúrverndarlög enda
voru byggingar á lóðinni áður. Það var
álit Skipulagsstofnunar að lóðin væri
byggingarlóð enda aðeins lítill partur
lóðarinnar sem nær niður í stór-
straumsfjöru og fjarri byggingarreit.
Einnig var það álit Skipulagsstofnunar
að deiliskipulag frá 1980 væri gilt.
Þá liggja fyrir tvö lögfræðiálit, sérstakur
ráðgjafi bæjarstjóra í skipulagsmálum
hefur skoðað málið ítarlega, embættis-
menn bæjarfélagsins hafa komið
að því, rætt hefur verið við Siglinga-
stofnun og eflaust fleiri aðila. Þessar
tilraunir meirihlutans undir forystu
Kristjáns, til að finna lögmæta ástæðu
til að hafna umsókn um byggingar-
leyfi, hafa engan árangur borið. Allir
þessir aðilar hafa gefið það einróma
álit að ekkert sé því til fyrirstöðu að
veita hið umbeðna leyfi til byggingar
á lóðinni.
Síðasta aðgerð meirihlutans, (vísun í
bókun frá bæjarráðsfundi 13. nóv.),
er að hafna umsókn um byggingarleyfi,
svæðið á að setja í nýtt deiliskipu-
lagsferli, jafnvel þó að þar séu fáar
lóðir óbyggðar. Fyrirætlanir Kristjáns
eru augljósar, hann ætlar með öllum
ráðum að halda útsýninu.
Lóðin er yfir 1400 m2 (algeng stærð á
lóðum er 800m2), fyrirhugað hús er
268m2 og því af sömu stærðargráðu
og þau hús sem eru á næstu lóðum.
Við Skógartjörn standa mörg hús í
svipaðri afstöðu til tjarnarinnar og
fyrirhugað hús. Á Álftanesi eru mörg
hús sem standa nær opnu hafi og
neðar en húsin við Skógartjörn.
Áform um lausnir á fráveitumálum
taka ekki mið af þessu eina húsi
heldur hljóta þau mál að vera skipu-
lögð í samræmi við alla byggðina við
tjörnina.
Í kjölfar þeirra greinaskrifa sem um
málið voru í síðustu viku, hef ég feng-
ið fjölda upphringinga frá fólki sem
ofbýður ofríki og yfirgangur Kristjáns.
Mikið af þessu fólki eru nágrannar og
skattgreiðendur á Álftanesi.
Ég hvet alla íbúa Álftaness og þá
sem áhuga hafa á stjórnsýsluháttum
í lýðræðisþjóðfélagi að skoða þetta
mál þar sem kjörinn fulltrúi fólksins
er að misnota vald sitt í persónulega
þágu og ýtir bæjarfélaginu út í dýr-
keypt skaðabótamál.
Höfundur er eigandi lóðarinnar að
Miðskógum 8.
UMræðan
Tónlist
Tónlistin er stór hluti af lífi okkar. Hún birtist í ýmsum
myndum, ýmsum tegundum og á
mismunandi stöðum. Fyrir mjög
marga er hún jafn nauðsynlegur
þáttur að njóta í okkar daglega lífi
eins og maturinn sem við neytum
og súrefnið sem við öndum. Tón­
listin skiptir því máli bæði í and­
legum og menningarlegum skiln­
ingi. Tónlistin skilar einnig
þjóðarbúinu tekjum og vonandi
einnig auknum tekjum í kjölfar
ákvörðunar ríkisstjórnarinnar
samkvæmt tillögu fjármála­
ráðherra að lækka virðisaukaskatt­
inn úr 24,5 prósentum í 7 prósent.
Þetta ber sérstaklega að þakka
og ekkert ætti að vera því til fyrir­
stöðu að sala muni aukast eftir 1.
mars á næsta ári þegar þetta kemst
í framkvæmd. Aukin sala gæti haft
í för með sér að ríkissjóður fái
þessa lækkun til baka á sama hátt
og gerðist þegar sænska ríkið fékk
hærri fjárhæð í sinn hlut af greidd­
um virðisaukaskatti af bókum eftir
lækkun hans. Í Frakklandi var
virðisaukaskattur af hljómplötum
lækkaður árið 1987 sem hafði í för
með sér að sala hljómplatna jókst
samtals um 91 prósent næstu þrjú
árin á eftir. Lækkun virðisauka­
skattsins úr 24,5 niður í 7 prósent
færir okkur:
• Bætt aðgengi að tónlist fyrir
almenning og er hvatning til auk­
innar notkunar hennar.
• Stuðlar að aukinni sköpun og
fjölbreytni í tónlist.
• Styður við bakið á tónlistarfólki
og þeim sem lifa af tónlist á erf­
iðum tímum þegar barist er gegn
ólöglegri og endurgjaldslausri
notkun á tónlist.
• Skilar ríkissjóði hugsanlega til
baka stórum hluta af lækkun
virðisaukaskattsins vegna stór­
aukinnar sölu eins og dæmi hafa
sannað í nágrannalöndum.
Eftir Gunnar Guðmundsson,
framkvæmdastjóra SFH.
Lækkun skatts á geisladiskum
Smiðsbúð 6 210 Garðabæ Sími 564 5040
www.hirz lan. is
VÖNDUÐ HÚSGÖGN
FRÁ DANMÖRKU
OG ÞÝSKALANDI
Á LÁGU VERÐI
Bókahillur
Stofuhúsgögn
Skrifborðsstólar
Tölvuborð
Fataskápar
Barnahúsgögn
Skrifstofuhúsgögn
Gæði og gott verð!
Opið alla daga til jóla