Fréttablaðið - 13.12.2006, Page 86

13. desember 2006 MIÐVIKUDAGUR30
Umræðan
Dagur íslenskrar
tónlistar
Samtónn, samstarfsvett-vangur tónlistarrétt-
hafa, lét í októbermánuði
síðastliðnum vinna þarfa-
greiningu meðal íslenskra
tónlistarmanna, fulltrúa
helstu fyrirtækja og hagsmuna-
samtaka. Niðurstöður leiddu m.a í
ljós að íslensk tónlist eigi mikla
möguleika á frekari útrás ef réttur
stuðningsvettvangur væri skapað-
ur.
Þessi stuðningsvettvangur er
nú orðinn að veruleika með stofn-
un Útflutningsskrifstofu
íslenskrar tónlistar. Með
henni er stefnt að því að
vinna bug á þeim ann-
mörkum sem hingað til
hafa verið til staðar í útrás
íslenskrar tónlistar og
byggja upp öfluga skrif-
stofu með tilstyrk þriggja
ráðuneyta og Landsbanka
Íslands. Ráðuneyti þessi
eru utanríkisráðuneytið, mennta-
málaráðuneytið og iðnaðarráðu-
neytið.
Samtónn hefur um nokkurt
skeið beitt sér fyrir stofnun skrif-
stofunnar og verið í mjög góðu
samstarfi við Útflutningsráð um
kynningu tónlistar á Midem í
Frakklandi, einni stærstu tónlist-
arráðstefnu í heimi.
Með stofnun skrifstofunnar var
stórt skref stigið í framfaraátt í
útrás íslenskrar tónlistar. Með til-
komu hennar mun unnt að kynna
enn frekar á erlendum mörkuðum
þá fjölbreytni sem er til staðar í
íslensku tónlistarlífi.
Fylgt er eftir þeirri athygli sem
íslensk tónlist og tónlistarmenn
hafa á síðustu árum vakið utan
landsteinana. Íslenskum tónskáld-
um og hljómlistarmönnum eru enn
fremur gefin aukin tækifæri til að
ná athygli fleiri á mun stærri mörk-
uðum og skapa sér með því lifi-
brauð af listgrein sinni. Á sama
hátt er þetta gert til að hljómplötu-
framleiðendur geti á öflugri hátt
sótt á nýja markaði utan Íslands.
Rétt er að þakka utanríkisráð-
herra Valgerði Sverrisdóttur,
menntamálaráðherra Þorgerði
Katrínu Gunnarsdóttur og iðnaðar-
ráðherra Jóni Sigurðssyni fyrir
stuðning þeirra og ráðuneyta
þeirra, sem gerði stofnun þessarar
skrifstofu að veruleika. Það er til
algjörrar fyrirmyndar að ráðu-
neyti komi sameiginlega sem ein
heild að stuðningi verkefnis sem
þessa. Markmið Samtóns er með
sama hætti að sameina alla rétt-
hafahópa í einni breiðfylkingu til
að styrkja grundvöll til að ná betri
árangri í sameiginlegum verkefn-
um sem í þessu tilviki er útrás
íslenskrar tónlistar. Jafnframt er
stuðningur einkageirans með fram-
lagi Landsbanka Íslands þakkar-
verður og til fyrirmyndar. Vonandi
er brautin rudd fyrir önnur fyrir-
tæki að styðja við bakið á íslensku
tónlistarlífi, en Landsbanki Íslands
hefur margoft sýnt velvilja sinn í
garð ýmissa verkefna á sviði tón-
listar í landinu.
Það er mín skoðun að bæði tón-
listarfólk og almenningur í landinu
meti fjárframlög sem þessi og allir
ofangreindir stuðningsaðilar muni
njóti ávaxtanna af þessum fram-
lögum á einn eða annan hátt í fram-
tíðinni.
Höfundur er formaður Samtóns.
Markviss kynning á íslenskri tónlist erlendis
Umræðan
Hjálparstarf
Ég vil þakka Borgari Þorsteinssyni ágæta
grein um Afríku í Frétta-
blaðinu í síðstu viku. Rétt
er að oft er dregin upp
dökk mynd af þessari álfu
andstæðnanna og það ekki
að ástæðulausu. Ástandið er víða
hörmulegt, fátækt og sjúkdómar
herja á fólk, átök og óáran. Engin
heimsálfa er eins illa stödd hvað
þetta varðar. Það er hins vegar
mikilvægt að muna, eins og Borg-
ar bendir á, að í álfunni býr einnig
mikið af hæfileikaríku og vel
menntuðu fólki sem þarf einungis
tækifæri til að koma sér á fram-
færi og fá vinnu við sitt hæfi. Afr-
íka býr yfir fjölskrúðugri menn-
ingu og náttúrufegurð sem vart
finnst annars staðar. Afríkubúar
þurfa ekki ölmusu heldur aðstoð
til að nýta þann mannauð
sem þeir búa yfir.
að byggja upp færni
heimafólks
Í þeim verkefnum sem
Hjálparstarf kirkjunnar
sinnir í Malaví og Úganda
er lögð mikil áhersla á að
vinna með fólki, ráða þar-
lenda til starfa og byggja
á reynslu og þekkingu heima-
manna sem oftast þekkja þann
vanda sem við er að stríða betur
en utanaðkomandi aðilar. Lögð er
mikil áhersla á að þjálfa og mennta
heimamenn sem geta haldið verk-
inu áfram löngu eftir að stuðningi
okkar lýkur.
neikvæða hliðin er verkefni hjálp-
arstofnana
Það er oft vandasamt að fjalla um
Afríku. Álfan er gríðarstór og þar
er að finna fjölskrúðugt mannlíf,
ótal þjóðflokka og nokkur þúsund
tungumál og mállýskur. Sums stað-
ar ríkir skálmöld eins og t.d. í Darf-
úr í Súdan og víða í Sómalíu. Það
sem gerðist í Rúanda er einnig í
fersku minni flestra. Einnig ríkir
víða mikil spilling og lélegt stjórn-
kerfi. Því miður rata þessar nei-
kvæðu fréttir oftar í fjölmiðla en
það sem vel er gert.
Hjálparstarf kirkjunnar hefur
reynt að fjalla um Afríku á upplýs-
andi og jákvæðan hátt. Lögð hefur
verið áhersla á að draga upp sanna
mynd af duglegu fólki sem vill ekk-
ert frekar en að bjarga sér sjálft.
Flestar ábyrgar alþjóðlegar hjálp-
arstofnanir hafa gengist undir
siðareglur sem gilda um allt þeirra
hjálparstarf. Í þeim er lögð áhersla
á að bera virðingu fyrir því fólki
sem er verið að hjálpa, siðum
þeirra, venjum og trúarbrögðum.
Lögð er áhersla á að virkja fólk
strax í upphafi til sjálfshjálpar.
Einnig ber í allri umfjöllun um fólk
í neyð, að fjalla um það af virðingu
og tillitssemi. Því má hins vegar
ekki gleyma að hjálparstofnunum
ber að beina sjónum fjölmiðla og
einstaklinga að þeim hörmungum
sem víða ríkja og orsökum þeirra.
Það eru viðfangsefni hjálparstofn-
ana. Oft eru þær einu málsvarar
þeirra sem kúgaðir eru og líða
vegna náttúruhamfara. Stundum
þarf að nota sterk orð og myndir til
að ná athygli almennings og vald-
hafa og því miður hefur á stundum
verið farið yfir mörkin. Í þannig
umfjöllun má ekki alhæfa og aldrei
gleyma að verið er að fjalla um
fólk.
Sanngjörn viðskipti
Borgar nefnir í sinni grein vernd-
artolla á vörur frá Afríku sem spili
stórt hlutverk í því að viðhalda því
ástandi sem fyrirfinnst víða í álf-
unni. Hjálparstofnanir og sérfræð-
ingar í þróunarsamvinnu hafa oft
bent á að niðurfelling innflutnings-
tolla á vörur frá Afríku væri senni-
lega öflugasta þróunarhjálpin og
myndi gjörbreyta stöðu margra
þeirra fátækustu í álfunni. Hjálp-
arstarf kirkjunnar hefur verið að
vekja athygli á „sanngjörnum við-
skiptum“ eða Fair Trade-vörum
sem nú fást í nokkrum verslunum.
Fairtrade þýðir hreinlega að neyt-
andinn borgar það verð sem það
kostar að framleiða og senda vöru
í verslun án þess að hann í leiðinni,
óvitandi, notfæri sér fátækt og
vanmátt ræktenda og framleið-
enda. Hingað til hafa Fair Trade-
vörur ekki verið sérlega þekktar á
Íslandi. Við viljum breyta því og
þegar hafa breytingar orðið.
Afríka lætur engan sem hana
sækir heim ósnortinn. Fólkið sem
þar býr, dýralífið og stórkostleg
náttúra auðgar lífið. Leggjum
okkar af mörkum til að bæta hag
þeirra sem þar búa.
Höfundur er framkvæmdastjóri
Hjálparstarfs kirkjunnar.
Afríka land andstæðnanna
JónaS ÞóriSSon
BJörn Th.
ÁrnaSon
www.ostur.is
Lukkunúmerið er í Skólaostinum
og þú sérð strax hvort þú hefur
unnið á www.ostur.is
Freistaðu gæfunnar!