Réttur - 01.05.1933, Qupperneq 24

istaflokknum. Því J. J. er einmitt sá erindreki auð-
valdsins á Islandi, sem beinlínis hefir boðið hverj-
um kommúnistanum á fætur öðrum upp á það að
fá gott kaup og stórbætt lífskjör, — ef hann hætti
að berjast fyrir kommúnismanum, — og jafnframt
er J. J. sá, sem harðvítugast hefir ofsótt þá þeirra,
sem reyndust stefnunni trúir.
í kommúnistaflokk Islands vinnur ekki einn ein-
asti maður lapnaður af flokknum. Ritstjórar blað-
anna og aðrir starfsmenn flokksins fá ekki einn ein-
asta eyrir fyrir starf sitt. Þeir menn, sem ferðast
um fyrir flokkinn, verða sjálfir að kosta ferðir sínar
með fyrirlestrahöldum. En ýtrustu samhjálp er beitt
til þess að gera þessum félögum samt kleyft að lifa.
J. J. hefði mátt minnast orða Kropotkins í „Mutual
Aid“ — bókinni, sem Benedikt á Auðnum vafalaust
hefir kennt honum að meta, þótt hann nú hafi
glatað mannúð hennar og mannskilningi, sem fleiru.
Þar stendur: „Sérhver reyndur stjórnmálamaður
veit, að allar miklar stjórnmálahreyfingar hafa haft
stórkostleg, oft á tíðum fjarlæg markmið og öflug-
ustu hreyfingarnar voru sífelt þær, sem vöktu óeig-
ingjarnastan eldmóðinn. Allar miklar sögulegar
stefnur hafa haft þetta einkenni og hvað vorn tíma
snertir, þá er þessu þannig varið með sósíalismann.
„Launaðir æsingamenn", er vafalaust viðkvæði þeirra,
sem ekkert þekkja til stefnunnar.“ — Og svo lýsir
Kropotkin þeim ósigrandi hetjuskap fjöldans, sem
skapar og útbreiðir sosialismann — og við
þann lestur mætti J. J. minnast slíkra hetja hér á
landi, sem hann hefir verið með í að ofsækja sökum
baráttu þeirra fyrir kommúnismanum. Hann mætti
t. d. minnast síns forna sveitunga og samherja Ás-
kells Snorrasonar, sem Framsóknarhöfðingjarnir
hafa hrakið, jafnvel úr lægst launuðu stöðum við
barnaskóla Akureyrar, bara sökum baráttu hans.
88