Réttur - 01.10.1974, Page 1

rettur
57. árgangur
1 974—4. hefti
Kreppa sú, er hrjáir nú auðvaldsþjóðfélög Evrópu, verður í æ ríkara mæli
kreppa gróðakerfisins sjálfs. Áhrifa hennar fer meir og meir að gæta hér
heima og bætist ofan á afleiðingarnar af óstjórn afturhaldsins hér. Þessi
auðvaldskreppa fyrirhittir hér aumustu og skammsýnustu burgeisastétt
Evrópu, sem lætur æsku sína og áróðursmálgögn þvaðra um .einkafram-
tak“ og formæla ríkisafskiptum, um leið og hún sjálf heimtar ríkislán og
ríkisábyrgð fyrir atvinnurekstur sinn mestallan og ríkisafskipti, í formi geng-
islækkana, verðhækkana, vísitölubanns, af öllum rekstri sínum!
Ríkisstjórn þessarar yfirstéttar hefur þegar hafið ósvífnustu ránsherferð á
hendur alþýðu með kaupránslögum og gífurlegum verðhækkunum, allt til
þess að viðhalda óskertri allri óreiðu og sukki, skattsvikum og óstjórn
braskaranna. Um leið og hún gerist þannig ránsstjórn inn á við verður hún
ræfilsstjórn út á við, sem liggur hundflöt fyrir spilltustu stórveldastjórn ver-
aldar. Virðist þessi lítilmannlega ríkisstjórn nú setja allt sitt traust á að
smækka þjóðina meir en orðið er, svínbeygja hana með atvinnuleysi og