Morgunblaðið - 27.08.2006, Side 35

lífi ástvina þeirra og ættingja og jafn-
framt viðvörun til okkar allra um óör-
yggið sem enn ríkir um borð í flug-
vélum, á flugvöllum, og hjá
flugfélögum um allan heim og kom
berlega í ljós fyrir skömmu.
Breytt heimsmynd í hnotskurn
Greengrass hefur þá skoðun að
með því að kanna söguna af flugi
United 93, sjáum við í hlífðarlausri
hnotskurn og á innan við 30 mínútna
tímaskeiði, breytingarnar sem nú
blasa hvarvetna við okkur.
„Fjörutíu venjulegir einstaklingar
sem fengu hálftíma til að standa
frammi fyrir þeim raunveruleika sem
við búum við í dag, ákváðu hvað væri
best til ráða og framfylgdu ákvörð-
uninni. Þeir voru fyrstir til að byggja
heiminn eins og hann er eftir 11.
september, á meðan við sátum
felmtri slegin framan við sjónvarps-
tækin, ófær um að gera okkur í hug-
arlund hvað var í gangi. Á þeim sömu
augnablikum vissi fólkið um borð í
flugvélinni það mætavel – sá ná-
kvæmlega við hvað var að eiga – og
stóð frammi fyrir skelfilegu vali. Eig-
um við að sitja og gera ekki neitt og
vona það besta? Eða eigum við að
gera eitthvað í málinu, og þá, hvað?
Í mínum huga eru þetta sömu kost-
irnir og við búum við í dag og höfum
glímt við allar götur síðan.“
Greengrass tók þann kostinn að
velja leikara í myndina sem líkjast í
raun persónunum sem þeir túlka,
þessa leið sviðsettrar heimildar-
myndar hefur hann oft farið áður.
Þeir sem manna aðalhlutverkin eru
Khalid Abdalla, David Alan Basche,
Christian Clemenson, Cheyenne
Jackson og Ben Sliney.
United 93 verður frumsýnd föstu-
daginn 1. september.
Tvíburaturnarnir hinn
11. september
Manninn á bak við World Trade
Center þarf ekki að kynna. New
York-búinn Oliver Stone hefur lagt í
marga tvísýnuna í efnisvali og oftar
en ekki skilað eftirminnilegum og
einatt persónulegum árangri. Hand-
ritið, sem er samið af Andreu Berloff,
er byggt á raunverulegri upplifun
tveggja lögreglumanna sem lokuðust
inni niðri í kjallarahvelfingum bygg-
ingarinnar.
Myndin hefst árla mánudaginn 11.
september, lögreglumaðurinn Will
Jimeno (Michael Peña), ákveður að
vinna á frídaginn sinn og tekur hann
snemma. Svipaða sögu er að segja af
starfsbróður hans, John McLoughlin,
gamalreyndum liðþjálfa (Nicolas
Cage). Hjá þeim er nýhafinn, að því
er virðist ósköp hefðbundinn vinnu-
dagur í World Trade Center, þegar
ósköpin skella á og dagurinn breytist
í martröð.
Þegar turnarnir hrynja eru þeir Ji-
meno og McLoughlin staddir ásamt
félögum sínum í iðrum skýjakljúf-
anna, tæpum sjö metrum undir rúst-
unum. Fyrir kraftaverk lifa þeir ham-
farirnar af, grafnir og skorðaðir fastir
í braki úr steinsteypu og járni. Þeir
vissu fljótlega hvor af öðrum, þeir sáu
ekkert frá sér en örskammt var á
milli þeirra. Næsta sólarhringinn
þraukuðu þeir með því að ræða sam-
an um fjölskyldur sínar, starfið, von-
brigði og væntingar.
Inn á milli er fléttað atriðum uppi á
yfirborðinu, fylgst með eiginkonum
tvímenninganna, þeim Donnu McLo-
ughlin (Maria Bello), sem býr í New
York og Allison Jimeno, handan
Hudsonfljótsins, í New Jersey. Þær,
ásamt börnum og fjölskyldum, upp-
lifa óbærilegan dag þar sem mín-
úturnar silast áfram í óvissu og skelf-
ingu. Engar fréttir berast af
ástvinum þeirra, við sjónum blasa
rjúkandi rústir, lík og líkamspartar,
örfáir finnast lifandi og aðeins hægt
að bíða og vona.
World Trade Center segir einnig
af hugprúðu leitarmönnunum sem
hættu lífi sínu við erfiðustu aðstæður
sem hugsast getur. Einn þeirra,
Dave Karnes (Michael Shannon),
endurskoðandi og fyrrum land-
gönguliði í flotanum, fann þá McLo-
uglin og Jimino og háði hetjulega
baráttu við að bjarga þeim, ásamt
tugum björgunarmanna, sem einkum
komu úr lögreglu- og slökkviliði
borgarinnar. Björgun McLouglin og
Jimino tók langar og tvísýnar
klukkustundir þar sem læknar og
fólk úr heilbrigðisstétt komu mikið
við sögu. Tvímenningarnir koma báð-
ir fram í myndinni í aukahlutverkum.
World Trade Center verður frum-
sýnd 6. október.
Viðbrögðin
United 93 var frumsýnd vestan
hafs í lok apríl og voru viðtökurnar
mjög góðar. Myndin hefur þegar skil-
að sér fjárhagslega, en það sem
meira er um vert, hún fékk frábæra
dóma hjá gagnrýnendum sem telja
hana með bestu verkum Greengrass.
Svipaða sögu er að segja af mynd
Olivers Stone. World Trade Center
var miklum mun dýrari í framleiðslu
en viðtökurnar hjá almenningi hafa
farið fram úr vonum. Gagnrýnendur
lofa höfundinn og myndina, sem var
frumsýnd 9. ágúst. Hún er álitin
besta verk leikstjórans um árabil.
Hvorug kvikmyndanna var gerð í
þeim tilgangi að græða fé eða hljóta
vegtyllur, þær eiga að sýna samhug
manna, hugrekki og hetjudáðir. Þær
fjalla um ofurviðkvæmt efni sem auð-
velt er að klúðra og þá hefði betur
verið heima setið en af stað farið. En
höfundarnir stóðust greinilega próf-
ið, verkin þeirra eru ekki pólitísk,
heldur mannleg.
september 2001 og verða sýndar hér fljótlega
saebjorn@heimsnet.is
Hvorug kvikmyndanna
var gerð í þeim tilgangi
að græða fé eða hljóta
vegtyllur, þær eiga að
sýna samhug manna,
hugrekki og hetjudáðir.
MORGUNBLAÐIÐ SUNNUDAGUR 27. ÁGÚST 2006 35
Hvernig er að vera í menntaskóla?
Það er mjög gaman en erfitt á köfl-
um, stundum vill maður vera að gera
eitthvað skemmtilegt frekar en að
læra.
Hvert ertu að fara í haust?
Ég er að fara til Þýskalands í skóla.
Hvað ætlarðu að vera lengi?
Fram að jólum, ég vil hvergi vera
nema heima hjá mér á jólunum.
Af hverju Þýskaland?
Mér hefur alltaf þótt þýska vera
heillandi mál og ákvað því að læra
hana betur en bara í skólanum. Svo
er líka gaman að kynnast einhverju
allt öðru.
Hvað er svona skemmtilegt við
þýsku?
Það sem heillar mig við öll tungumál
er hvernig þau hljóma.
Hvaða fleiri fög eru í uppáhaldi í
skólanum?
Tungumálin eru í uppáhaldi, íslenska
203 er besti áfangi sem ég hef farið í!
Hvernig ertu búin að hafa það í sum-
ar?
Mjög gott en það hefði glatt mig ef
sólin hefði sést meira.
Ertu eitthvað búin að fara til út-
landa?
Já, ég fór með kærastanum til Tyrk-
lands og fjölskyldunni til New York.
Báðar ferðirnar voru æðislegar.
Hvar varstu að vinna í sumar og við
hvað?
Ég var að vinna á Hótel Sögu sem
pikkólína en þetta var þriðja sumarið
mitt í því starfi.
Æfirðu einhverjar íþróttir?
Já, ég æfi handbolta með Víkingi.
Hver eru önnur helstu áhugamál
þín?
Ég hef gaman af tónlist og er í tónlist-
arnámi, spila á flautu. Annars veit ég
aldrei hvernig ég á að svara þessari
spurningu.
Lastu einhverja skemmtilega bók í
sumar?
Já, tvær stóðu uppúr, Fólkið í kjall-
aranum eftir Auði Jónsdóttur og
Snarkið i stjörnunum eftir Jón Kal-
man Stefánsson.
Hvaða persónu líturðu mest upp til?
Ég held að ég verði að segja Atli bróð-
ir minn. Hann getur allt.
Uppáhalds hljómsveit eða tónlist-
armaður?
Í sumar hef ég mest hlustað á Arcade
Fire og Phoenix og þær eru því í
uppáhaldi þessa daganna.
Draumaframtíðarstarfið?
Starf þar sem ég þarf að skipuleggja
og fæ að ráða, þar sem oft er mikið að
gera en lítið þess á milli. Ég veit ekki
hvaða starf þetta er, stjórnunarstaða í
fyrirtæki sennilegast. Mig langar að
minnsta kosti að eiga mikil samskipti
við fólk og fá að ráða einhverju. Eftir
að hafa unnið á hóteli sem unglingur
gæti ég alveg hugsað mér að gera eitt-
hvað í hótelbransanum í framtíðinni,
þar gæti þýskukunnátta verið góður
kostur.
Hvernig heldurðu að það verði að
horfa á The O.C. með þýsku tali?
Það verður magnað, eins gott að þau
verði með flottar raddir en ekki ein-
hverjar gamlingjaraddir.
Alltaf þótt þýska heillandi mál
Menntaskólanemi eins og ég | Brynhildur Bolladóttir nemi við MH
ingarun@mbl.isMorgunblaðið/Eggert
Hómópatanám
Um er að ræða 4 ára nám sem byrjar 21.
og 22. okt. á vegum College of Practical
Homoeopathy í Bretlandi. Mæting 10
helgar á ári í Reykjavík.
Kynning á náminu verður 22. sept.
Upplýsingar gefur Martin í símum
567 4991 og 897 8190.
Hómópataskólinn - Stofnaður 1993
www.homoeopathytraining.co.uk