Morgunblaðið - 10.12.2006, Síða 6

Eftir Andra Karl
andri@mbl.is
„SUMIR hafa þetta ekki í sér og því
er fín áminning að tala um þetta og fá
inn í umræðuna,“ sagði Hrólfur
Fossdal Ásmundsson, starfsmaður
hjá framkvæmdasviði Reykjavíkur-
borgar, eftir námskeið um þjónustu-
lund í starfi sem haldið var fyrir
starfsmenn hverfisstöðva Reykja-
víkurborgar og bílastæðasjóðs.
Námskeiðið er hluti af símenntunar-
áætlun borgarinnar sem hefur að
sögn aðstandenda gefist afar vel.
Hrólfur sem m.a. sinnir smíðum og
viðhaldi fyrir borgina sagðist hafa
verið með flest þau atriði sem farið
var yfir á hreinu en ljóst væri að svo
væri ekki með alla og því væru nám-
skeið sem þetta nauðsynleg til að
lyfta þjónustustiginu hjá starfs-
mönnum borgarinnar. Af matsblöð-
um sem þátttakendur skiluðu inn í
lokin var ljóst að fleiri voru sama
sinnis og mikill meirihluti taldi slíka
kennslu skila árangri.
Þetta er í fyrsta skipti – alla vega í
mjög langan tíma – sem námskeið er
haldið fyrir þá sem starfa í útideild-
um Reykjavíkurborgar en einnig
sátu það flokksstjórar, verkamenn,
rekstrarstjórar og skrifstofufólk á
hverfastöðvunum. Alls tóku 44
starfsmenn þátt í námskeiðinu og
þótti þátttakan framar öllum vonum.
Námskeiðið tók tvo tíma og verður
að öllum líkindum fylgt eftir að
nokkrum mánuðum liðnum, s.s. til að
sjá hvernig framkvæmdin hafi geng-
ið og hvort.
Ræða við fólk í misjöfnu ástandi
Helga Björg Ragnarsdóttir, jafn-
réttis- og fræðslufulltrúi á fram-
kvæmdasviði borgarinnar, og Brynja
Sigurðardóttir, verkefnisstjóri hjá
þekkingarsetri Iðntæknistofnunnar,
sáu um skipulagningu, þróun og
framkvæmd námskeiðsins sem sér-
staklega var aðlagað hópnum. „Þess-
ir starfsmenn eru úti á vettvangi all-
an daginn og ræða við alls kyns fólk
sem getur verið í misjöfnu ástandi,“
segir Helga og tekur sem dæmi
stöðumælaverði sem þurfa oft að
þola óhróður frá samborgurum sín-
um. „Svo eru þarna einnig starfs-
menn sem sjá um snjómokstur í
borginni og það er auðvelt að ímynda
sér að þar geti komið upp aðstæður
þar sem gott er að vera með góða
þjónustulund,“ bætir Helga við.
Meðal þess sem farið var yfir er
hvernig bregðast á við kvörtunum og
meðhöndlun þeirra. „Þetta gengur
allt út á gæði þjónustunnar,“ segir
Brynja. „Hvað er góð þjónusta og
hvernig þjónustu vill starfsfólkið
sjálft fá.“ Einnig var fólk beðið að
taka dæmi um góða og slæma þjón-
ustu sem það hefur fengið og farið ít-
arlega í hvað hefði mátt fara betur í
umræðum.
Brynja segir námskeið af þessu
tagi ávallt hljóta góðar viðtökur en
sífellt færist í vöxt að fyrirtæki nýti
sér þjónustu þekkingarsetursins.
„Okkar stefna er að þjóna atvinnulíf-
inu og þar sem þörfin er þá komum
við inn.“
Stöðumælaverðir í eldlínunni
Nokkuð var um stöðumælaverði í
hópnum og var sérstaklega farið yfir
hvernig taka skal á móti kvörtunum.
Segja má að stöðumælaverðirnir séu
sífellt í eldlínunni enda enginn
ánægður með að fá fjársekt. Stöðu-
mælavörður nr. 10 sagði m.a. eftir að
námskeiðið var á enda runnið að ekki
væru nema nokkrir dagar síðan einn
vörðurinn hefði lent í útistöðum við
ökumann, þá vegna þess að hann var
beðinn að færa bíl sinn af gangstétt.
Stöðumælavörður nr. 19 sagði ljóst
að margt væri hægt að læra af nám-
skeiðinu varðandi hvernig bæri að
haga sér varðandi þá sem eru ósáttir
við að fá sekt, en tók þó fram að ekki
væri mikið um að menn æstu sig.
Starfsmenn hverfisstöðva Reykjavíkurborgar og bílastæðasjóðs á námskeiði í þjónustulund í starfi
Allir starfsmenn veita
einhvers konar þjónustu
Í HNOTSKURN
» Námskeiðið er hluti af sí-menntunaráætlun Reykja-
víkurborgar en starfsald-
urstengdar launahækkanir
eru háðar símenntun starfs-
manna.
» 44 starfsmenn mættu tilað hlýða á kennslu í þjón-
ustulund og verða boðaðir aft-
ur síðar til að meta árang-
urinn.
Morgunblaðið/Kristinn
Morgunblaðið/Kristinn
Árangur Nokkrir þátttakendanna, stöðumælaverðir og starfsmaður framkvæmdasviðs ásamt skipuleggjendum.
Áhugi Starfsmenn borgarinnar voru almennt séð mjög ánægðir með námskeiðið og tóku þátt af miklum áhuga.
6 SUNNUDAGUR 10. DESEMBER 2006 MORGUNBLAÐIÐ
FRÉTTIR
aktu enga áhættu!g
i eldu KEA í jólamatinn
Á RÁÐSTEFNU RSE, Rannsókn-
armiðstöð um samfélags- og efna-
hagsmál, sem haldin var á Grand
hótel um miðja viku um náttúru-
auðlindir, kom bersýnilega fram í
erindum framsögumanna að mikil
ólga er meðal landeigenda vegna
úrskurða óbyggðanefndar um
þjóðlendur og dóma sem fallið hafa
í kjölfarið. Ólafur Björnsson, lög-
maður nokkurra landeigenda, seg-
ir ríkið greinilega fara offari og
telur sönnunarbyrði landeigenda í
mörgum tilvikum of þunga.
„Ríkið fer greinilega offari mið-
að við þann grunntón sem var í úr-
skurðum óbyggðanefndar og
fyrsta dómi Hæstaréttar,“ segir
Ólafur sem telur rök liggja fyrir
því að draga úr kröfugerð ríkisins
og reyna að leita eftir meiri sátt í
málinu. Í erindi Ólafs benti hann
m.a. á dæmi þess að óbyggðanefnd
hefði ekki tekið mark á landa-
bréfamerkjum. „Meginniðurstaðan
er sú að jarðir með þinglýstum
landabréfamerkjum eru eignar-
land, afréttarlönd á miðhálendinu
þjóðlenda. Síðan eru á þessu
ákveðnar undantekningar og þær
byggjast á því hvernig óbyggða-
nefnd og dómstólar meta þessi
gögn. Niðurstaðan sem komist
hefur verið að er að þrátt fyrir
ákveðin skjöl sem landeigendur
hafa, þá hafa þau ekki dugað,“
segir Ólafur og gagnrýnir þá dóma
harðlega. „Þeir hafa verið svolítið
misvísandi, ekki síst fyrir það að í
þeim er lögð mjög þung – óhóflega
þung – sönnunarbyrði. Landeig-
endur eru ekki látnir njóta vafans
varðandi landnámsupplýsingar og
jafnvel er verið að krefja menn um
gögn aftur í miðaldir sem allir vita
að eru ekki til.“
Umdeild túlkun hefðalaga
Annað, sem Ólafur bendir á í
þessu samhengi, er, að svo virðist
sem svokölluð hefðbundin afrétt-
arnot, fyrst og fremst sauðfjárbeit
og veiði, dugi ekki til að hefða
land. „Menn hafa reynt að nýta
landið eins og hægt er á hverjum
tíma og talið sig hafa einkarétt á
því innan sinnar jarðar. En dóm-
stólar hafa horft til þess að nýrri
nýting, s.s. vatnsréttindi eða jarð-
hiti, hafi aldrei verið notuð og
menn því ekki unnið hefð,“ segir
Ólafur og bætir því við að það séu
auðvitað umdeild sjónarmið.
Óhóflega þung sönnunar-
byrði í þjóðlendumálum
Lögmaður landeigenda telur ríkið fara offari miðað við
grunntón í úrskurðum óbyggðanefndar