Morgunblaðið - 06.05.2007, Blaðsíða 29

hugsað upphátt
MORGUNBLAÐIÐ SUNNUDAGUR 6. MAÍ 2007 29
Lífið væri tómlegt án tónlist-ar. Sennilega hefur lengivel verið fremur dauflegttónlistarlíf á Íslandi endafátt um ríka fursta og her-
toga sem gátu haft tónskáld og tón-
listarmenn á launaskrá sinni og látið
smíða fortepíanó og hörpur sér til
dægrastyttingar.
Líklega hefur íslenski torfbærinn
ekki verið rétt heppilegur staður fyr-
ir fíngerð hljóðfæri sem þola illa hita
og rakabreytingar.
Þótt áreiðanlega væri oft rífandi
stuð í baðstofunni við rímnakveðskap
og fimmundasöng þá fer ekki miklum
sögur af blómlegri tónlistariðkun.
Langspilið var áreiðanlega dúndur-
græja en kannski var ekki alveg ríf-
andi stuð undir eintóna og lágværu
málmhljóði þess.
Nútíminn breytti þessu öllu saman
og nú geta allir halað niður nákvæm-
lega þá tónlist sem þeir vilja af netinu
og staflað snyrtilega í tónhlöðuna og
hvílt í sinni einkasíbylju jafnt og þétt
svo eyrun hvílast aldrei. Allir hafa
alltaf aðgang að uppáhaldstónlistinni
sinni – alltaf og alls staðar.
Lifandi tónlist er betri en nið-
ursoðin. Um þetta geta allir verið
sammála. Ég á ekki tónhlöðu en á
ferð minni um Laugaveginn sé ég
alltaf lotna og þreytulega harmoniku-
leikara sem standa vaktina í öllum
veðrum og dæla þremur lögum eða
svo í sífellu yfir vegfarendur. Einn
stendur alltaf fyrir utan Bónus á
Laugavegi og á góðum degi er senni-
lega annar á horni Skólavörðustígs og
Bankastrætis og sá þriðji þenur
dragspil sitt í Austurstræti. Ég vor-
kenndi þeim oft í vetur þegar þeir
börðu Besame Mucho án afláts loppn-
um fingrum meðan skjálfandi Íslend-
ingar ruddust framhjá með farsíma
fyrir daufum eyrunum.
Þetta eru sannir götuspilarar því
þeir hafa húfu eða box fyrir framan
sig á gangstéttinni þar sem þakklátir
áheyrendur geta launað þeim fyrir
tilþrifin. Þessir menn eru snoðlíkir að
sjá, fremur dökkir yfirlitum af er-
lendu bergi brotnir. Þeir virðast eiga
það sameiginlegt að leika af þrá-
kelkni og dugnaði fremur en tjáningu
og gleði. Slitviljugur harmonikuleik-
ari er ekki endilega skemmtilegur
stuðbolti en maður getur heyrt á tón-
listinni að þeir eru runnir upp ein-
hvers staðar austur á Balkanskaga og
ég hugsaði stundum um það í vetur
að þeim hlyti að finnast dálítið kalt á
Íslandi.
Lengi vel var stranglega bannað að
leika tónlist á götum úti á Íslandi án
sérstaks leyfis lögreglunnar. Á hippa-
árunum henti það stöku sinnum að
menn tóku upp gítar á almannafæri
og hófu söng og slátt án þessa leyfis
og voru þá umsvifalaust færðir í járn-
um af vettvangi.
Eftir aldalanga kúgun og bann við
dansi er búið að venja þjóðina af fífla-
gangi og kæti á almannafæri og hin-
um síötulu harmonikuleikurum virð-
ist því yfirleitt vera fálega tekið og
flestir strunsa framhjá án þess að
gefa þeim gaum eða henda einhverju
í hattinn.
Um daginn sá ég þó undantekn-
ingu á þessu því þegar ég snaraðist
inn í Bónus á Laugavegi var roskin og
góðleg kona einmitt að koma út og
hún nam staðar hjá nikkaranum.
„I like music. Where are from?“
spurði konan og gróf í vasa sinn eftir
smámynt.
„Come from Roumania,“ svaraði
spilarinn án þess að fatast og konan
varpaði tuttugu krónum í boxið hans
og hélt brosandi áfram vegferð sinni.
Þá mundi ég eftir því að Rúmenía
er víst eitt af allra fátækustu löndum í
gervallri Evrópu og þótt víðar væri
leitað og þess vegna ekki undarlegt
að duglegur og iðinn harmonikuleik-
ari hugsi sér gott til glóðarinnar þeg-
ar hann fær tækifæri til að gerast
götuspilari í höfuðborg eins ríkasta
lands í heimi.
Til þess að eignast 1000 krónur
þarf hann að hitta fimmtíu konur sem
eru jafnörlátar og þessi.
Móðir allra lista
Páll Ásgeir Ásgeirsson
· Álftanes
· Garðabær
· Hafnarfjörður
· Kjós
· Kópavogur
· Mosfellsbær
· Seltjarnarnes
Kosningahátíð!
Kosningahátíð í Flensborgarskóla í Hafnarfirði.
Geir H. Haarde flytur barátturæðu.
Söngur, dans og léttar veitingar.
Hlökkum til að sjá þig !
Frambjóðendur Sjálfstæðisflokksins í Suðvesturkjördæmi
Þriðjudaginn 8. maí kl. 20
Vöggusæn
gur
vöggusett
PÓSTSENDUM
Skólavörðustíg 21 ● sími 551 4050 ● Reykjavík