Morgunblaðið - 06.05.2007, Blaðsíða 73

MORGUNBLAÐIÐ SUNNUDAGUR 6. MAÍ 2007 73
KIRKJUBREKKA
22 glæsileg raðhús og parhús á einni til tveim hæðum á Álftanesi
Hraunhamar – Bæjarhrauni 10 – Hafnarfirði – Sími 520 7500 – www.hraunhamar.is
Sumarbústaður við Skorradalsvatn
Glæsilegur 60 fm sumarbústaður
við Dagverðarnes á frábærum út-
sýnisstað niður við Skorradals-
vatn. Bústaðurinn skiptist í for-
stofu, 3 herbergi, stofu, eldhús og
baðherbergi. Stór verönd umlykur
húsið á alla vegu með göngustíg-
um og lýsingu. Lóðin skógi vaxin
og vísar mót suðri. Góð aðstaða
fyrir sportbát og bryggja fylgir.
Verð 24,9 millj.
Sumarbústaður við Vatnsendahlíð,
Skorradal, rétt við golfvöll.
52 fm sumarbústaður við Vatns-
endahlíð í Skorradal með frábæru
útsýni yfir vatn og fjöll. Bústaður-
inn er byggður árið 1989, vel
skipulagður með 3 herbergi, rúm-
góðir stofu með arinofni, eldhús
tengt stofu og baðherbergi með
sturtu. Frábært útsýni yfir vatn og
fjöll. Nýr leigusamningur til 20
ára. Golfvöllur í um 5 mín. akst-
ursfjarlægð. Verð 18,9 millj.
Sumarbústaðir við Svínavatn
Til sölu þrjú heilsárshús við Svína-
vatn - Öldubyggð. Húsin afhend-
ast fullbúin með verönd, skjól-
veggjum og heitum potti. Allur frá-
gangur er mjög vandaður. Eignar-
lóð. Möguleg skipti á íbúð. Nán-
ari uppl. á skrifstofu.
FASTEIGNA-
MARKAÐURINN
ÓÐINSGÖTU 4, SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/.
Jón Guðmundsson, sölustjóri og lögg. fasteignasali.
Guðmundur Th. Jónsson, lögg. fasteignasali
Á DÖGUNUM undirritaði utan-
ríkisráðherra fyrir Íslands hönd
samninga við Dani og Norðmenn um
samstarf á sviði öryggis-, varnar- og
björgunarmála í
Norður-Atlantshafi
og við Ísland á frið-
artímum. Samstarf
þessara vinaþjóða er
mikið fagnaðarefni
enda er það frum-
skylda ríkisvaldsins
að tryggja öryggi borgaranna.
Það vekur hins vegar óneitanlega
mikla furðu að í kjölfar þess að slíkt
samkomulag næst skuli formaður og
frambjóðendur Vinstri grænna stíga
fram og finna þessu samstarfi allt til
foráttu, ekki síst þegar litið er til þess
hvaða hagsmuni þessu samstarfi er
ætlað að verja.
Áskorun um samstarf
Sjálfur hef ég í störfum mínum á
þessu kjörtímabili lagt mikla áherslu
á samstarf Íslands í öryggis-, varnar-
og björgunarmálum við grannríki
okkar. Sem formaður Íslandsdeildar
Þingmannaráðstefnunnar um Norð-
urskautsmál hafði ég forystu um
áskorun ráðsins til ríkisstjórna aðild-
arríkjanna, Bandaríkjanna, Rúss-
lands, Kanada, Norðurlandaþjóð-
anna og Evrópusambandsins, um að
starfa saman að eftirlits- og björg-
unarmálum í Norður-Atlantshafi.
Brottför Bandaríkjahers
Tildrög þess að ég lagði til að slíkri
áskorun yrði beint að ríkisstjórnum
landanna við Norður-Atlantshaf voru
brottför Bandaríkjahers af Mið-
nesheiði. Þó svo að herstöðva-
andstæðingar hafi fagnað brottför
bandaríska hersins frá Keflavík þá
snerist viðvera þeirra ekki einvörð-
ungu um varnarviðbúnað á Íslandi,
heldur höfðu Bandaríkjamenn einnig
með höndum mikinn öryggis- og
björgunarviðbúnað á hinu mikla haf-
svæði í kringum landið. Ég hef bent á
það í ræðu og riti að þrátt fyrir að rík-
isstjórn Íslands áformaði að bæta
herskipi, herþyrlum og öðrum búnaði
við þann sem fyrir var hjá Landhelg-
isgæslunni myndu Íslendingar einir
aldrei geta sinnt því hlutverki sem
Bandaríkjamenn hafa sinnt á síðustu
áratugum. Þannig væri ljóst að rík-
isstjórn Íslands myndi ekki geta
tryggt allan þann tæknibúnað sem
Bandaríkjamenn höfðu yfir að ráða
vegna eftirlits- og björgunarmála í
Norður-Atlantshafi. Þannig væri
ljóst að Íslendingar gætu ekki lagt til
eldsneytisflugvélar til notkunar við
þessi störf, svo dæmi sé tekið.
300 mannslífum
bjargað á 35 árum
Bandaríkjamenn hafa á síðustu
áratugum sinnt eftirlits- og björg-
unarhlutverki sínu á þessu gríð-
arstóra hafsvæði með miklum sóma.
Sem dæmi má nefna að þær aðgerðir
sem þeir hafa átt aðild að hafa bjarg-
að um 300 mannslífum á síðastliðnum
35 árum. Það þarf því enginn, í ljósi
þeirrar staðreyndar, að velkjast í
vafa um mikilvægi öflugs eftirlits- og
björgunarstarfs á hafsvæðinu í kring-
um landið enda verkefnið risavaxið.
Auknar siglingar
um Norður-Atlantshaf
Á komandi árum og áratugum
verður heldur ekki séð að umfang eft-
irlits- og björgunarstarfs í Norður-
Atlantshafi muni dragast saman.
Þvert á móti eru líkur á því að sigl-
ingaleiðin norður fyrir Rússland
muni opnast, sem þýðir mjög aukna
skipaumferð í norðurhöfum og um-
hverfis Ísland enda mun sigl-
ingaleiðin milli Asíu og Norður-
Evrópu þá styttast um helming. Í
kjölfar þess mun umfang eftirlits- og
björgunarstarfs á svæðinu aukast
gríðarlega.
Hagsmunir sæfarenda
og umhverfis
Það er ljóst að við Íslendingar
munum ekki einir hafa hagsmuni af
því að eftirlits- og björgunarviðbún-
aður sé á Norður-Atlantshafi, heldur
allar þjóðir umhverfis okkur. Og
hagsmunir þessara þjóða lúta ekki
einungis að því að hafa eftirlit með
mannslífum og tryggja björgun
þeirra, heldur einnig að því að vera í
stakk búnir til að bregðast við hugs-
anlegum mengunarslysum sem
kunna að eiga sér stað á hafi úti, ekki
síst þegar umferð skipa mun aukast á
næstu árum. Þar er fiskveiðiþjóð eins
og Ísland, sem á svo mikið undir nýt-
ingu auðlinda hafsins, síður en svo
undantekning.
Í ljósi þess sem hér hefur verið
rakið, og þeirra miklu hagsmuna sem
í húfi eru fyrir Ísland, hef ég lagt
áherslu á samstarf sem er sambæri-
legt því sem nú hefur verið kynnt við
Dani og Norðmenn. Á sama hátt og
ég tel að slíkt samkomulag hafi náðst,
furða ég mig á því hvers vegna fána-
berar Vinstri grænna eru því and-
snúnir.
Varnir, öryggi
og björgunarmál
Eftir Sigurð Kára Kristjánsson
Höfundur er þingmaður Sjálf-
stæðisflokksins í Reykjavík.