Morgunblaðið - 06.05.2007, Blaðsíða 66

66 SUNNUDAGUR 6. MAÍ 2007 MORGUNBLAÐIÐ
UMRÆÐAN
AÐ undanförnu hefur staða Garðyrkjuskóla ríkisins
á Reykjum í landi Ölfuss við Hveragerði verið í lausu
lofti og í rauninni hefur verið að fjara undan skól-
anum vegna vangaveltna um að flytja
hann að Hvanneyri, en yfirstjórn skól-
ans heyrir nú undir Landbúnaðarhá-
skólann á Hvanneyri. Allur ferill þessa
máls hefur verið feimnismál á vegum
landbúnaðarráðuneytisins, en nú verð-
ur ekki lengur unað við óvissuna. Allar
hugmyndir um að flytja Garðyrkju-
skólann frá Reykjum við Hveragerði
eru aðför að skólanum, aðför að metnaði Suðurlands,
aðför að þeirri grunnreynslu og -þekkingu sem Garð-
yrkjuskólinn býr yfir. Garðyrkjuskólinn er skóli á
framhaldsskólastigi með fjórar brautir; blómaskreyt-
ingar, garðyrkjuframleiðslu, skrúðgarðyrkju og
skógrækt. Líklega á skólinn ekkert erindi í samflot
með Landbúnaðarháskólanum og alls ekki ef það á að
rífa ræturnar upp við Hveragerði og flytja þær
hreppaflutningum á Hvanneyri og hugsanlega út og
suður. Það er alveg ljóst að við Suðurkjördæmingar
munum ekki una slíkri valdbeitingu og lítillækkun á
móðurskipi garðyrkjumenntunarinnar og ef vor
ágæti landbúnaðarráðherra ætlar að láta þau mistök
eiga sér stað að tapa sjónum á mikilvægi Garðyrkju-
skólans í Suðurkjördæmi, þá er ekkert annað að gera
en snúa vörn í sókn og berjast fyrir rétti skólans og
möguleikum við bestu aðstæður eða stofna nýjan
skóla sem færi þá í samkeppni við áform sem því mið-
ur verður að kalla valdbeitingu. Nýjan Garðyrkju-
skóla, sem þyrfti að geta tekið á móti að minnsta kosti
40–50 nemendum á ári í brautirnar fjórar, má til að
mynda tengja Fjölbrautaskóla Suðurlands á Selfossi.
Það er vænlegur og metnaðarfullur möguleiki. Ef
menn vilja stríð um þetta þá tökum við baráttumenn
Suðurkjördæmis þann slag og látum hvergi deigan
síga.
Það magnaða er að það eru nógir peningar til í
pottinum fyrir Garðyrkjuskólann á Reykjum. Bara
heimalandið sem skólinn á er um 66 hektarar og verð-
mæti helmings þess, sem skólinn getur vel verið án
þótt hugsað sé til framtíðar, er um það bil 500 millj-
óna virði og að auki eru hundruð hektara sem eru
a.m.k. milljarða virði. Ef það er ætlun landbún-
aðarráðherra að selja land Garðyrkjuskólans á Reykj-
um og byggja upp á Hvanneyri húsakost sem þar
vantar með peningum frá Reykjum þá er það aðferð
sem mun kosta mikil og óvægin viðbrögð. Myndarleg
endurbygging Garðyrkjuskólans á Reykjum við
Hveragerði myndi kosta um 200–300 milljónir króna
með kennslustofum og endurbótum, en rekstrarkostn-
aðinn má áætla hefðbundinn eins og undanfarin ár. Ef
úttektaraðilar Landbúnaðarháskólans hafa reiknað
það til hagkvæmni að flytja skólann þá er það eitt-
hvað sem byggist á geðþóttaákvörðun en ekki rökum.
Nú verður vinur vor, Guðni Ágústsson landbún-
aðarráðherra, að svara strax. Hvaða leik er hann með
í spilunum? Það þýðir ekkert að bera einhverja nefnd
fyrir sig. Það er ótrúverðugt að ætla að kynna nið-
urstöðuna um miðjan maí að loknum kosningum og sú
tímasetning er ekki traust fyrir stöðu Suðurlands sem
miðstöð garðyrkjunámsins í framtíðinni. Sunnlend-
ingar eiga kröfu á að vita strax hvað landbún-
aðarráðherra ætlar að gera í þessum efnum. Varnar-
og sóknarhugur Sunnlendinga er klár, bæjarstjórnar
Hveragerðis og væntanlega Ölfuss einnig, Fjölbrauta-
skóla Suðurlands og allra félaganna í Græna geir-
anum, regnhlífarsamtakanna um skólann á Reykjum,
Félags skrúðgarðyrkjumeistara, FIT, félags iðn- og
tæknigreina, Sambands garðyrkjubænda en innan
sambandsins eru félög garðplöntuframleiðenda,
blómaframleiðenda, grænmetisframleiðenda og kart-
öflubænda. Að auki eru síðan Félag landslags-
arkitekta, FILA, Samgus, Samtök garðyrkju- og um-
hverfisstjóra sveitarfélaga, Félag blómaskreyta og
Félag eigenda blómaverslana.
Ruggum ekki bátnum í þessum efnum, tökum af
skarið til varnar Garðyrkjuskólanum á Reykjum og
svaraðu nú strax, kæri Guðni, taktu efann og óvissuna
af dagskrá.
Verjum Garðyrkjuskóla
ríkisins af fullu afli á Reykjum
Eftir Árna Johnsen
Höfundur er stjórmálamaður, blaða- og tónlistarmaður.
ÉG HEF verið ríkisstarfsmaður í
18 ár. Tekjur mínar hafa líklega
fjórfaldast á þessum tíma en kaup-
mátturinn ekki því Geir Haarde vill
æ meira af tekjum mínum til sín. Af
hverju hefur skatt-
byrði á Íslandi auk-
ist meira en bæði í
EB og OECD? Áður
greiddi ég 20 krónur
í skatt af hundr-
aðkallinum en nú
greiði ég 30. Ég er
þó tiltölulega vel settur því ef ég
hefði lægri tekjur væri aukning
skattbyrðarinnar enn meiri. Það
geta öryrkjar og lífeyrisþegar borið
um. Persónuafsláttur hefur ekki
hækkað með hækkandi launum og
því er fólk með 75 þúsund krónu
tekjur skattlagt.
Það er óréttlátt að auka skatt-
byrði fólks þegar tekjur þess hækka
og það er siðlaust að auka skatt-
byrði fólks með lágar tekjur eins og
Geir og Jón hafa gert. Fáránleiki
þessarar aðferðafræði verður síðan
að himinhrópandi óréttlæti ef fólk á
rétt á greiðslum frá almannatrygg-
ingum og tekjutenging greiðslurétt-
inda kemur til sögunnar.
Þetta væri mér ekki svo sárt ef
skatturinn minn nýttist til að jafna
kjör lágtekjufólks, barnafólks, ör-
yrkja og aldraðra, en það gerist
bara alls ekki. Kjör þessa fólks hafa
versnað í samanburði við okkur hin
sem ekki höfum þörf fyrir kjara-
jöfnun. Geir og Jón hafa stýrt þann-
ig að góðærið hefur ekki skilað sér
réttlátlega til allra. Mogginn hefur
margbent á það.
Hvað eru Geir og Jón að gera við
peningana mína? Borga skuldir,
segja þeir. Hvaða skuldir eru það?
Það eru milljarðar á milljarða ofan
sem undantekningalítið hafa verið
notaðir í óarðbær verkefni sem
engu hafa skilað öðru en því að von-
svikið fólk flykkist á mölina, eða
hrópar á álver. Byggðastefna
stjórnarflokkanna hefur stuðlað að
stöðugum fólksflótta frá sveitum,
fjörðum og útnesjum til höfuðborg-
arsvæðisins. Meira að segja álver
stoppar ekki þá þróun. Dauð hönd
ríkisafskipta hefur sóað sköttum
okkar í endalaus vonleysisverkefni.
1.100 ára gamlar starfsgreinar eru
orðnar stafkerlingar þjóðarbúsins.
Sjávarútvegur sokkinn í lánafen og
kemst ekki af án einokunar og
skattfriðinda og bændur eru á laun-
um hjá ríkinu og hafa ekki efni á að
borga skatt. Það er beint samhengi
milli afskipta stjórnmálamanna og
meinsemdanna í íslensku atvinnu-
lífi.
Afleiðingar þessarar stefnulausu
óráðsíu eru verðbólga, okurvextir,
okurverð í verslunum, okurleiga,
2.300 börn og fjöldi einstæðra
mæðra, aldraðra og öryrkja í fá-
tækt, engir peningar til að vernda
tennur barna, byggja hjúkr-
unarheimili fyrir aldraða og hús-
næði fyrir geðfatlaða eða eyða bið-
listum á barna- og unglingageðdeild
og fjölda annarra stofnana. Í mesta
góðæri sögunnar hafa orðið til
lengstu biðlistar allra tíma. Skatt-
peningum og meira til var varið í
óarðbær verkefni og þess vegna fer
skatturinn okkar í afborganir óráð-
síuskulda í stað þess að standa und-
ir velferð. Þetta er ekki vitn-
isburður um góða efnahagsstjórn
heldur vonda.
Þegar Davíð og Halldór voru
spurðir 1999 og 2003 hversvegna
þeir hefðu ekki efnt kosningalof-
orðin sín sögðu þeir nákvæmlega
það sama og Geir og Jón segja í
dag. „Fyrst þurftum við að búa til
fullt af peningum til að geta gert
allt það góða sem við nú ætlum að
gera“ og ef þeir komast til valda nú
munu þeir segja nákvæmlega það
sama að fjórum árum liðnum.
Vandinn í velferðarmálunum
verður ekki leystur af öðrum en
jafnaðarmönnum, Samfylkingunni,
forysta núverandi stjórnarflokka
hefur sýnt svo ekki verður um villst
að hún er alls ekki fær um að skapa
velferð fyrir alla. Stoppum þessa
stjórn áður en biðlistarnir verða
óviðráðanlegir.
Kjósum velferðarstjórn
í stað óráðsíu
Eftir Stefán Benediktsson
Höfundur er arkitekt og í borg-
arstjórnarflokki Samfylking-
arinnar í Reykjavík.
HÁAHLÍÐ - REYKJAVÍK
Sérlega fallegt og gott 250 fm einbýli á þessum frábæra og eftirsótta stað í
Hlíðunum. Húsið sem byggt var 1954 var allt tekið í gegn 1991 og hefur
verið í góðri umsjón alla tíð. Frábært útsýni. Falleg lóð. Stækkunarmöguleiki
um 150 fm.
Sjá myndir á www. gardatorg.is
Áhugasamir hafi samband við Þórhall hjá Garðatorgi
í síma 896-8232.
www.heimili.is
Finnbogi Hilmarsson,
Einar Guðmundsson og
Bogi Pétursson
löggiltir fasteignasalar
Opið hús í dag milli kl. 15.00 og 16.00
HRAUNBÆR 92
Opið mán.- fös. frá kl. 9-17
Sími
530 6500
Góð 4ra herbergja íbúð á annarri hæð í góðu
fjölbýli. Parketlagt eldhús með snyrtilegri
innréttingu með flísum á milli skápa. Tvö
barnaherbergi með parketi á gólfum. Parket-
lagt hjónaherbergi með góðum fataskápum.
Endurnýjað baðherbergi sem er flísalagt í hólf
og gólf. Rúmgóð parketlögð stofa með útgengi út á svalir í vestur. Húsið er
klætt að utan með steni og er í góðu viðhaldi Stutt er í skóla, leikskóla,
verslanir og aðra þjónustu.
Þóra og Björn taka vel á móti gestum. Verið Velkomin!
SÍMI 5 900 800
Ólafur B. Blöndal, löggiltur fasteignasali.
OPIÐ HÚS Í DAG
ÞORLÁKSGEISLI 92 - ENDARAÐHÚS
KL. 15 –16
Vel skipulagt endaraðhús á 2 hæðum með innbyggðum bílskúr
alls 176,5 fm. Á efri hæð er forstofa, baðherb., stofa/borðstofa,
eldhús og bílskúr. Neðri hæð: Gangur, baðherb., 10 fm þvotta-
herb. sem er ekki í fm-tölu, 4 svefnherb. eitt m/fataherbergi.
Útgengi í garð úr svefnherb.
Verð: 48.900.000.-
Sveinn Eyland S. 6-900-820 frá Fasteign.is verður á staðnum.
SÍMI 5 900 800
Ólafur B. Blöndal, löggiltur fasteignasali.
VERSLUNARHÚSNÆÐI
& GJAFAVÖRUVERSLUNIN
„AF HJARTANS LIST“ ER TIL SÖLU
Verslun með þekktar
gjafavörur og góð um-
boð t.d frá Ítalíu, Tyrk-
landi, USA og víðar.
Um er að ræða mikla og
skemmtilega breidd vöru-
vals og eru bæði ódýrar
og skemmtilegar vöruteg-
undir frá ilmkertum upp í
mjög vandaðar ljósakrón-
ur og myndir frá Ítalíu. Ágætis vörulager. Verslunarhúsnæðið er alls
240 fm og skiptist í: Verslunarrými, lager, skrifstofu, kaffiaðstöðu og
salerni. Góð bílastæði. Húsnæði sem býður upp á möguleika og
góður rekstrargrundvöllur á verslun. Verð 45.000.000.-
Upplýsingar veitir Sveinn Eyland gsm 6-900-820 hjá Fasteign.is.