Morgunblaðið - 08.02.2008, Page 26

Korter í kvöldmat
Það er oft mikið að gera hjá önnum köfnum fjölskyldum og þá er ekki alltaf mikill tími eftir til matargerðar.
Skyndibiti eða tilbúnir réttir verða þá stundum fyrir valinu. Anna Sigríður Einarsdóttir fékk tvo kokka til að
útbúa fyrir sig girnilega rétti sem ekki tekur meira en fimmtán mínútur að elda.
matur
26 FÖSTUDAGUR 8. FEBRÚAR 2008 MORGUNBLAÐIÐ
Mér finnst skötuselurinn vera al-veg sérlega skemmtilegur fisk-ur. Hann líkist humrinumnefnilega mikið,“ segir Ásgeir
Örn Valgarðsson, yfirmatreiðslumaður á
Pottinum og pönnunni, sem brást vel við
beiðninni um fljótlega uppskrift og galdraði
á örskotsstundu fram skötusel í mangó
chutney sósu.
Sjálfur kveðst hann gera mikið af því að
elda fisk og ber þennan rétt reglulega á
borð fyrir fjölskylduna. „Þetta er sannkall-
aður veisluréttur sem passar vel á fjöl-
skylduborðið og það er sérlega gott að bjóða
upp á ilmandi hvítlauksbrauð með sem með-
læti,“ segir Ásgeir Örn
Skötuselur með mangó
chutney-sósu
800 g – 1 kg skötuselur
16 vel valdar tígrisrækjur
3 stór hvítlauksrif
2 msk. ferskur kóríander
3 msk. mangó chutney
1 msk. madras curry paste
klípa af kjúklingakrafti
1 peli rjómi
Skötuselurinn hreinsaður og skorinn í bita. Hann er því
næst snöggsteiktur á pönnu ásamt tígrisrækjunum. Fisk-
urinn og rækjurnar eru að því loknu sett í eldfast mót. Hvít-
lauk, kóríander, mangó chutney, curry paste og kjúklinga-
krafti hrært saman í matvinnsluvél og rjómanum bætt hægt
og rólega saman við í lokin. Blöndunni er því næst hellt yfir
fiskinn og réttinum stungið inn í 170-175°C heitan ofn í 5-6
mínútur, eða þangað til hann er fullbakaður.
Borið fram með steiktu grænmeti, hrísgrjónum og hvít-
lauksbrauði.
Árvakur/Frikki
Duglegur að elda fisk Ásgeir Örn Valgarðsson gerir mikið af því að elda
fisk og er sérlega hrifinn af skötuselnum.
Skötuselurinn sérlega skemmtilegur
Mér finnst skötuselurinn
vera alveg sérlega
skemmtilegur fiskur. Hann
líkist humrinum nefnilega
mikið,“ segir Ásgeir Örn
Valgarðsson, yfirmat-
reiðslumaður á Pottinum
og pönnunni
Luciano Tosti, kokkur á veitingastaðnum Ítalíu, hefur búiðhér á landi frá árinu 1975 og er því fyrir löngu búinn aðvenjast íslenskri matargerð. Hann kveðst raunar eldaíslenska rétti jafnt sem ítalska þegar vinnunni sleppir.
„Ég er alls ekki matvandur og borða velflest,“ segir Luciano, sem
valdi fljótlegan kjúklingarétt úr heimahéraði sínu til að elda fyrir
Daglegt líf. „Þetta er 100% ítalskur réttur sem þýða má á íslensku
sem fusilli að hætti bóndabæjarins. Hann er ættaður frá Lazio-
héraði eins og ég,“ segir Luciano sem kemur frá bænum Frosinone
sem liggur um 70 km suður af Róm. „Þessi réttur er mjög bragð-
góður og á ekki að taka meira en korter í matreiðslu.“
Fusilli a la fattoria
eða Fusilli að hætti bóndabæjarins
Fyrir fjóra
2 kjúklingabringur
200-300 g beikon, skorið í bita
2 dósir niðursoðnir tómatar, hakkaðir
chilli á hnífsoddi
1 teningur nauta- eða kjúklingakraftur
pipar eftir smekk
olía
steinselja
basilíka
pakki af fusilli
parmesanostur
Kjúklingabringurnar eru steiktar í olíunni á pönnu. Þær eru
teknar af pönnunni þegar þær eru gegnsteiktar og beikonið sett á
pönnuna og steikt. Kjúklingabringurnar skornar í ræmur. Þær eru
því næst settar á pönnuna að nýju ásamt chilli og steiktar stutta
stund með beikoni. Tómötunum bætt saman saman við og látið
krauma stutta stund. Nauta/kjúklingakraftinum bætt út í.
Fusilli soðið í söltu vatni í 7-8 mínútur eða samkvæmt leiðbein-
ingum á pakka. Pastað er því næst skolað og að því loknu er því
bætt út í pönnuna. Sett á disk og pipar, steinselju og basilíku stráð
yfir ásamt góðum skammti af parmesan-osti.
Pastaréttur úr heimabyggðinni
Morgunblaðið/Golli
Kokkurinn Luciano Tosti eldar íslenskan mat jafnt sem ítalskan er
vinnunni sleppir.
Árvakur/Golli
Fusilli að hætti bóndabæjarins Fljót-
legur og góður kjúklingaréttur.
Ég er alls ekki mat-
vandur og borða vel-
flest,“ segir Luciano,
sem valdi fljótlegan
kjúklingarétt úr heima-
héraði sínu til að elda
fyrir Daglegt líf.