Samvinnan - 01.06.1927, Qupperneq 86

164
SAMVINNAN
sneru prýðilega við sól, og' að á aðalhæð og lofti var rúm-
góð og þægileg íbúð að flestu leyti.
Þá skal horfið að húsinu í Kaupangi í Eyjafirði.
Bergsteinn Kolbeinsson reisti þar laust eftir stríðslokin
mikið og vandað hús, enda alt of dýrt fyrir meðaljarðir,
því að það mun hafa kostað 40 þús. Guðjón Samúelsson
húsameistari gerði teikninguna að húsinu, í samráði við
Bergstein bónda.
Kaupangur stendur austan megin Eyjafjarðarár,
lítið eitt framar en Akureyri. Samkvæmt venjulegum
kröfum manna varð húsið að snúa aðalhlið fram að sveit-
inni, þ. e. í vestur og stafn í suður eða suðaustur*).
Með þeim hætti varð ekki sólskinið notað svo sem
frekast mátti verða. í fyrstu var gert ráð fyrir að hafa
torf ofan á járnþakinu. Þess vegna eru þakgluggarnir
bogamyndaðir, en sú bogalína fer ekki vel við gerð húss-
ins að öðru leyti. En af einhverjum ástæðum hefir ekki
orðið úr því að torfþak væri sett á húsið og myndi það þó
hafa verið til prýði.
En yfirleitt er húsið í Kaupangi hin prýðilegasta
bygging. Kjallarinn er lágur, fremur ódýr og eingöngu
notaður til geymslu. Ibúðarherbergin eru á aðalhæð. Mjög
stór borðstofa er meðfram vesturhlið, en smáherbergi út
frá að norðan austan og sunnan. Borðstofan er fyrst og
fremst hituð upp, og hin minni herbergi eftir þörfum. í
borðstofunni er borðað, unnið og setið. Þar er heimilis-
fólkið saman nokkuð í fornum stíl. Með því að gera borð-
stofuna veglega vildu þeir Guðjón og Bergsteinn vinna á
móti þeirri tvístrun heimilisfólksins, sem óhjákvæmilega
verður í leiguhúsum kauptúnanna, þar sem hver maður
verður meir eða minna einangraður í sínu herbergi. Á
loftinu eru aðallega svefnherbergi, bæði fyrir heimafólk
og gesti.
*) þegar heilsuhælið á Kristnesi, vestan Eyjafjarðar, var
hygt í vor, var aðalhlið snúið móti suðri, en austurstafni fram
í dalinn. Sólarhitinn var metinn mest. Ritstj.