Fréttablaðið - 29.08.2009, Page 10

10 29. ágúst 2009 LAUGARDAGUR
ÞRÖNG Á ÞINGI Í JERÚSALEM Mús-
limar fjölmenntu til bænahalds við
moskuna helgu í Jerúsalem við mosk-
una Al Aksa. Hinn helgi föstumánuður
ramadan hófst fyrir viku.
FRÉTTABLAÐIÐ/AP
Nú stendur yfir gerð fjárhagsáætlunar fyrir næsta ár.
Reykjavíkurborg auglýsir eftir umsóknum um styrki vegna
starfsemi á árinu 2010. Meðal markmiða styrkveitinga er að
styrkja og efna til samstarfs við félagasamtök, fyrirtæki og
einstaklinga um uppbyggilega starfsemi og þjónustu í
samræmi við stefnumörkun, áherslur og forgangsröðun
borgaryfirvalda. Styrkir eru m.a. veittir til verkefna á sviði
eftirtalinna málaflokka:
• félags- og velferðarmála
• menntamála - grunnskólar/leikskólar
• íþrótta- og æskulýðsmála
• mannréttindamála
• menningarmála
Vakin er athygli á því að reglur um styrkveitingar er að finna
á vef Reykjavíkurborgar www.reykjavik.is/styrkir. Þar er
einnig að finna nánari upplýsingar um áherslur borgarinnar
í einstökum málaflokkum.
Umsóknum skal skilað á sérstökum eyðublöðum sem nálgast
má á vef Reykjavíkurborgar, www.reykjavik.is/styrkir.
Eyðublöðum þessum skal skilað rafrænt ásamt fylgigögnum,
eða, ef þess er ekki kostur, í Ráðhús Reykjavíkur,
merktum Reykjavíkurborg – styrkumsókn.
Umsóknarfrestur er til 1. október nk. og eru einungis
teknar til greina umsóknir sem berast innan tilskilins
frests og uppfylla þær kröfur sem reglur Reykjavíkurborgar
kveða á um.
Viðburðir eða verkefni eru ekki styrkt eftir á. Þá eru
styrkir alla jafna hvorki veittir til kaupa á húsnæði né til
greiðslu fasteignagjalda. Umsóknir verða metnar með
hliðsjón af eftirfarandi:
• markmiðum sem lýst er og hvort líklegt sé að
þeim verði náð
• hvort verk- og tímaáætlun sé raunhæf
• hvort unnt sé að meta framvindu verksins
• hvort skilagreinar og fyrri verkefni sem styrk hafa
hlotið uppfylli lágmarkskröfur
• væntanlegum árangri og ávinningi fyrir
umrædda starfsemi
• fjárhagsáætlun og greinargerð um aðra fjármögnun
sem einnig skal fylgja umsókn
Styrkumsókn felur í sér að umsækjendur undirgangast
ákvæði reglna Reykjavíkurborgar um styrki. Gert er ráð
fyrir að úthlutun nefnda og ráða verði lokið í árslok 2009.
Styrkir
Reykjavíkurborgar
Fyrirspurnir og óskir um nánari upplýsingar
má senda á netfangið styrkir@reykjavik.is
www.reykjavik.is/styrkir
HOLLAND, AP Þrír dómarar við
héraðsdóm í Utrecht í Hollandi
kváðu í gær upp þann úrskurð
að barnaverndaryfirvöld fengju
tímabundið forræði yfir Lauru
Dekker, þrettán ára stúlku sem
hugðist sigla einsömul í kringum
jörðina.
Dómararnir sögðu þessi áform
djörf og áhættusöm, en vildu þó
ekki svipta foreldra hennar alfar-
ið forræðinu. Stúlkan mun áfram
búa hjá föður sínum, en foreldr-
arnir mega ekki taka stórar
ákvarðanir fyrir hana, eins og til
dæmis hvort leyfa eigi henni að
sigla ein umhverfis jörðina.
„Ég myndi ekki fara ef bátur-
inn minn væri ekki fararhæfur,
þannig að ekkert hefur breyst,
nema að þetta tekur svolítið
lengri tíma,“ sagði Laura Dekk-
er og lét sér fátt um úrskurðinn
finnast.
Dómstóllinn tilnefndi barna-
sálfræðing í hálft ár til að meta
það hve hæf hún væri til að tak-
ast á við þær áhættur sem biðu
og hugsanlegan skaða sem hún
yrði fyrir ein síns liðs þetta ung í
tveggja ára ferð.
Daginn áður en dómstóllinn
kvað upp úrskurð sinn lauk sautj-
án ára breskur drengur, Mike
Perham, við siglingu umhverf-
is jörðina einn síns liðs. Hann
sló þar með það met, sem Laura
vonast til að slá innan fárra ára,
að verða yngst til að vinna þetta
afrek. - gb
Foreldrar þrettán ára stúlku sviptir forræði:
Staðráðin í að sigla
ein í kringum jörðina
LAURA DEKKER Lætur úrskurðinn ekkert á sig fá. NORDICPHOTOS/AFP
SJÁVARÚTVEGSMÁL Fiskeldi HB
Granda í Berufirði fékk nýlega 27
þúsund þorskseiði frá Stofnfiski
sem komið hefur verið fyrir í eldis-
kvíum í firðinum. Þetta er annar
seiðaskammturinn í sumar því í
júnímánuði voru sett út 23 þúsund
seiði. Fyrir voru í eldi um tíu þús-
und þorskar þannig að alls eru nú
í stöðinni um sextíu þúsund fisk-
ar, að því er fram kemur á vef HB
Granda.
Þorski var síðast slátrað á
vegum HB Granda í lok síðasta
árs en fiskurinn, sem nú er í eldis-
kvíunum, verður væntanlega ekki
kominn í sláturstærð fyrr en í lok
næsta árs.
- shá
Þorskeldi HB Granda:
Hafa sett út 50 þús-
und seiði í Berufirði
ÞORSKELDI Tíu þúsund þorskar voru
fyrir í kvíum í Berufirði. FRÉTTABLAÐIÐ/VILHELM
UTANRÍKISMÁL Athafnamaðurinn
Magnús Þorsteinsson, kenndur við
Samson, Landsbankann og Eimskip,
er ekki lengur ræðismaður Íslands
í Pétursborg í Rússlandi.
Magnús var skipaður kjör-
ræðismaður þar árið 2004, en í
framhaldi af gjaldþroti hans í
sumar var farið að skoða stöðu hans
í utanríkisráðuneytinu. Nú er leitað
að hentugum eftirmanni hans.
Samkvæmt heimasíðu ráðuneytis-
ins gegndi hann enn stöðunni í gær,
en það mun hafa misfarist að upp-
færa síðuna. Ekki fengust upplýs-
ingar í ráðuneytinu um hvenær
Magnús lét af störfum ræðis-
manns.
Þar var staðfest að tiltekin skil-
yrði þyrfti að uppfylla til að menn
gætu verið ræðismenn. Eftir að
Magnús varð gjaldþrota hefði hann
ekki uppfyllt þau skilyrði.
Samkvæmt skilgreiningu á kjör-
ræðismanni, á sömu heimasíðu,
er þess „krafist, að um vel metna
menn sé að ræða sem eru fjárhags-
lega sjálfstæðir, og talið er æskilegt
að þeir séu nægilega efnaðir til að
geta haldið uppi viðunandi risnu“.
Gjaldþrota menn koma því vart til
greina í slík trúnaðarstörf.
Sá sem varð fyrir svörum í
ráðuneytinu gat ekki svarað því
hvort aldrei hefði verið rætt um
stöðu Magnúsar, og forvera hans
í starfi, Björgólfs Thor Björgólfs-
sonar, í ljósi fyrri hluta skilgrein-
ingarinnar: „vel metnir menn“. En
sem kunnugt er hafa erlend stór-
blöð oftar en einu sinni brigslað
þeim um samstarf við rússnesk
glæpasamtök.
Enginn svaraði símanum
sem utanríkisráðuneytið gefur
upp fyrir ræðismann Íslands í
Pétursborg í gær. - kóþ
Leitað að nýjum ræðismanni í Pétursborg í stað Magnúsar Þorsteinssonar:
Ræðismaður tekur poka sinn
MAGNÚS ÞORSTEINSSON Þáver-
andi utanríkisráðherra skipaði
Magnús ræðismann í Péturs-
borg, en áður gegndi stöðunni
félagi hans, Björgólfur Thor
Björgólfsson. FRÉTTABLAÐIÐ/HARI
Auglýsingasími
– Mest lesið