Andvari - 01.01.1989, Page 31

ANDVARI
PORBJÖRN SIGURGEIRSSON
29
hann ekki miklu máli hvenær hann kunngerði þennan árangur á er-
lendum vettvangi, hann vildi reyna að komast lengra með verkefnið og
fyrst þá yrði tímabært að greina frá aðferðinni. Ekki var hægt að finna á
Þorbirni að hann teldi sig hafa þarna misst af nokkru.
En hvernig stóð þá á því að við sem unnum með Þorbirni skyldum
ekki hvetja hann til að koma grein sinni á framfæri í erlendu tímariti?
Skýringin er meðal annars sú að Þorbjörn talaði mjög lítið um árangur
starfs síns, hann hafði miklu meiri áhuga á að ræða það sem óleyst var
eða vandamál samstarfsmanna sinna. Hann kynnti grein sína með
fyrirlestri fyrir fámennum hópi áheyrenda og þar var hann vissulega
ekki að útlista hve mikilvæg uppgötvun hans væri, einungis að benda á
einfalda hugmynd sem vert væri að prófa. Mér er því til efs að nokkur
okkar hafi skynjað mikilvægi verksins.
A hliðstæðan hátt má benda á ýmis önnur verkefni þar sem hann
hefði getað aukið við hróður sinn innanlands sem utan ef hann hefði
varið meiri tíma í skriftir. En þetta hefði dregið hann frá rannsóknum,
og því sat skýrslugerðin á hakanum. Hins ber einnig að gæta að á
þessum árum voru bein samskipti við erlenda starfsbræður ekki mikil,
tímaritakosturinn var mjög takmarkaður og möguleikar til að
heimsækja erlenda kollega mun minni en nú gerist og hér var því unnið
í allmikilli einangrun. Þó var það langt því frá að Þorbjörn væri ein-
angraður. Alla sína tíð stóð hann í bréfaskriftum við fjölmarga þekkta
vísindamenn í eðlis- og jarðeðlisfræði, og honum gafst vissulega tæki-
færi til að heimsækja erlendar rannsóknastofur en þær ferðir hefðu
þurft að vera mun fleiri. Sérfræðingahópur hverrar greinar er fá-
mennur á íslandi, því eru heimsóknir íslenskra vísindamanna til er-
lendra rannsóknastofnana mjög mikilvægar.
X Segulmœlingastöðin
Mikilvægum áfanga var náð þegar Rannsóknaráð samþykkti tillögur
Þorbjörns um segulmælingar á vegum ráðsins. Samþykktin gaf fyrir-
heit um að ráðist yrði í eðlisfræðilegar grunnrannsóknir á íslandi. Með
samþykktinni hefur ráðið væntanlega heimilað Þorbirni að verja ein-
hverjum hluta vinnutíma síns í verkefnið. í Ijós kom að ekki þurfti
önnur tæki en lítinn áttavita til að greina milli réttrar og öfugrar