Andvari - 01.01.1958, Qupperneq 55

ANDVARI
Brot úr verzlunarsögu II
51
Frisch. Verzlun Lynges var virt á 13 þús. rd. Eignir þær, er
Gudmann fékk upp í sinn helming af Lynges-verzlun, voru
virtar á 6500 rd., en auk þess fékk hann í milligjöf 2500 rd.,
eða samtals 9 þús. rd., og bendir það til þess, að Busch hafi verið
það nokkurt kappsmál að eignast gömlu Akureyrarverzlunina
óskipta. Hins vegar réð Jóhann Gudmann fyrir verzlunum þeim,
sem áður áttu þeir Kyhn og Frisch. Stóð svo til ársins 1822, er
J. L. Busch andaðist, en þá keypti Jóhann Gudmann verzlun
hans. Stóð veldi hans nú með miklum blóma, svo að nær mátti
einveldi kalla. Reyndar hafði H. W. Lever, hinn gamli verzl-
unarstjóri Kyhns, byrjað verzlun á Akureyri árið 1819, en sú
verzlun var jafnan tilþrifalítil, þótt hún stæði alllengi. Líkt má
segja um verzlun aðra, er þeir stofnuðu á árunum 1821—1822
Þórarinn, sonur Stefáns amtmanns Þórarinssonar, og Adzer
Knudsen stórkaupmaður. Varð Þórarinn brátt einn eigandi
þeirrar verzlunar. Árið 1832 seldi Þórarinn verzlun þessa firm-
anu 0rum & Wulff. Var þess að vænta, að þar fengi Jóhann
Gudmann keppinaut, sem um munaði, enda varð sú raun á
áður lyki.
Þess var fyrr getið, að J. P. Hemmert var verzlunarstjóri
Lynges-verzlunar á árunum 1801—1817. Ári síðar, er J. L. Busch
eignaðist Lynges-verzlun, tók við stjóm hennar Chr. Knudsen
Thyrrestrup, er verið hafði áður verzlunarstjóri Busch í Kúvík-
um. Hélt Thyrrestrup þessari stöðu, þótt eigandaskipti yrði að
verzluninni 1822, sem fyrr var greint. En við hinni verzlun
Gudmanns tók 1821 Andreas Daniel Mohr. Þegar Mohr flutt-
ist utan 1852, var Bjöm Jónsson, síðar ritstj., fyrir verzluninni
nokkra hríð, en síðan Bernhard Steincke, til 1875. Var Steineke
um margt hinn þarfasti maður, átti m. a. mikinn þátt í stofnun
Ábyrgðarfélags Eyfirðinga 1868, ásamt þeim Einari í Nesi og
Tryggva Gunnarssyni. — Árið 1840 keypti Thyrrestmp af
Jóhanni Gudmann verzlun þá, er hann hafði lengi veitt for-
stöðu. Sú sala mun reyndar verið hafa fremur í orði kveðnu og
sprottin af því, að nú var í uppsiglingu bann við því, að kaup-