Andvari - 01.01.1958, Blaðsíða 67

ANDVARI
Brot úr verzlunarsögu II
63
húsin, sem G. A. Kyhn hafði reisa látið við Seyðisfjörð, en
hann rak þá verzlun í Reyðarfirði, sem síðar segir. Hins vegar
undu Seyðfirðingar því illa að verða að sækja verzlun sína
til Eskifjarðar. Varð loks að samkomulagi með bændum í
Mjóafirði og Seyðisfirði og Eskifjarðarkaupmönnum, að þeir
sendi þeim skip til verzlunar þar á fjörðum á árunum 1818—
1821. Eigi voru menn samt á einu máli urn það, hvort
þessi skipan væri með öllu lögum samkvæmt. Árið 1821 féllst
stjómin á að leyfa þetta, en gæta skyldi menn vel að því, að
fara hér eigi út fyrir takmörk verzlunarlaganna. Stóð svo um
hríð og fékkst eigi löggilt kauptún í Seyðisfirði. Árið 1832 var
Eskitjarðarkaupmönnum samt leyft að verzla á Seyðisfirði um
næstu tvö ár með sama hætti og í reglulegu kauptúni og var þetta
leyfi síðan framlengt til nokkurra ára í senn, þar til loks var
kauptún löggilt í Seyðisfirði 14. des. 1842. En þótt Seyðisfjörður
(Búðareyri og Fjarðaralda) yrði löglegt kauptún, liðu allmörg ár
þar til stofnað væri þar til fastrar verzlunar. Árið 1848 hóf
lirmað Petræus & Thomsen verzlun á Fjarðaröldu. Stóð svo til
1851, en það ár hóf 0rum & Wulff fasta verzlun á Fjarðaröldu
og síðar á Vestdalseyri. Voru nú um hríð tvær verzlanir í Seyðis-
firði, en árið 1854 bættist þriðja verzlunin í hópinn. Þá verzlun
stofnaði Jón Amesen áður kaupm. á Eskifirði, en hann féll frá
skömmu síðar og tók þá við þeirri verzlun P. C. Knutzon og
rak hana til ársins 1870. Svo er að sjá sem Thomsen yrði fljót-
Jega einn eigandi elztu verzlunarinnar í Seyðisfirði, en árið
1859 hefir hann selt hana brezkum manni, T. L. Flenderson,
þeim hinum sama sem urn getur í þættinum um Grafarós, síðar
Henderson & Anderson. Er sú verzlun stundum kölluð nýja
Glasgow. Verzlun þessi hætti 1868. Árið 1865 hætti 0. & W.
úð verzla í Seyðisfirði. Voru þeir Knutzon og Flenderson þá
einir um hituna, þar til Henderson hætti 1868. Árið 1869 keypti
firmað Johnsen & Co. verzlun Hendersons. Eigandi þeirrar verzl-
unar var Jörgen J. C. Johnsen, er alllengi átti Flensborgarverzlun
í Hafnarfirði. Johnsen andaðist 1874 og var þá Flensborgar-
5