Andvari - 01.01.1926, Blaðsíða 10

8
~jón ^ensson yfirdómari
Andvari
er, að synir )ens Sigurðssonar gátu ekki hugsað svo
hátt að fá að vera þingsveinar á því alþingi, þar sem föður-
bróðir þeirra var forseti og mátti sín meira en aðrir,
heldur urðu aðrir óskyldir að ganga fyrir þeim.
Tæplega hefur verið til heimili í Reykjavík í þá daga
að þar væri jafn gott andrúmsloft fyrir unga námsmenn
sem á heimili rektors. Sjálfur var hann maður með stað-
góða klassiska menntun og mætur á lærdómi og þekkingu.
]ón Sigurðsson alþingisforseti hélt til hjá bróður sínum
þegar hann dvaldi hér þingsumurin, og má geta því
nærri, að svo skýr og skapmikill unglingur sem ]ón
]ensson var hafi orðið fyrir áhrifum af þeim mikla
manni. ]ón var þegar á skólaárum sínum meira hugsandi um
landsmál, eða sérstaklega stjórnarmálið, en aðrir ungir
menn. Um pólitík gerðu fáir sér mjög títt í þá daga;
sumir töldu hana vera fyrir neðan sig, aðrir fyrir ofan.
Um deyfðina og áhugaleysið í þeim efnum mun mega
lesa ýmislegt út úr bréfum ]óns Sigurðssonar.
1876 útskrifaðist ]ón ]ensson úr latínuskólanum og
sigldi samsumars til Kaupmannahafnar til þess að lesa
lög. 7. jan. 1882 leysti hann af hendi embættispróf í
lögum, fór síðan inn í íslenzku stjórnardeildina í Kaup-
mannahöfn og gerðist þar aðstoðarmaður eða assistent.
28. febr. 1883 var hann settur ritari við landshöfðingja-
dæmið og fékk veitingu fyrir því embætti 7. maí 1884.
I þeirri stöðu kunni hann vel við sig og í henni hefði
hann helzt kosið að vera kyrr, ef hún hefði verið við-
unanlega launuð, því þar var betra færi á að kynnast
högum lands og þjóðar en í nokkru öðru embætti. 30.
apríl 1889 var hann settur 2. meðdómandi og dóms-
málaritari í yfirdómnum og fékk veitingu fyrir því em-
bætti 9. ágúst s. á. 19. nóvember 1908 varð hann fyrri
meðdómandi. Bæði meðan hann var Iandritari og síðar