Andvari - 01.01.1926, Blaðsíða 70
68
Um skólafyrirkomulag í nokkrum löndum
Andvari
]eg gat um það í upphafi þessarar skýrslu, að for-
stjóri dönsku mentaskólanna virtist hafa rniklu nánari
kynni af kennurum skólanna en embættisbræður hans í
öðrum löndum. Kemur það af því, að hann hefur sjer
til aðstoðar einvalalið, sjerfræðinga í öllum þeim grein-
um, sem kendar eru í skólunum. Þessir aðstoðarmenn
eru færustu kennarar landsins, hver í sinni grein. Þeir
eru kennarar við ýmsa skóla, en kenna þar ekki nema
þrjá daga vikunnar, hinn hlutann eru þeir í eftirlitsferð-
um til einhverra skóla eða gegna öðrum trúnaðarstörf-
um. Þeir fara smátt og smátt úr einum skóla í annan,
hlýða á kenslu kennara, hver í sinni grein, ræða við þá
um kensluna og gefa þeim >holl ráð og bendingar. Þeir
gefa og forstjóranum skýrslu um þessar eftirlitsferðir
sínar, um kenslu og kennara. Af þessu stafar þekking
forstjórans á kennaraliði landsins, auk þess sem þessar
eftirlitsferðir stuðla mjög að því að skapa samræmi í
kenslu sömu greinar í öllum skólum.
í Svíþjóð er fyrirkomulagið talsvert með öðrum hætti.
Þar eru 8 lærðir skólar, sem hafa í hendi prófun kenn-
araefna. Gerist hún með þeim hætti, að kennaraefni,
sem hefur lokið embættisprófi, er tvö misseri til reynslu
við einhvern af þessum skólum. Skal hann kenna náms-
grein sína eða námsgreinir bæði misserin undir umsjón,
fyrra misserið í neðri bekkjum, en síðara misserið í efri
bekkjum. Skólastjóri ákveður, fyrir hvaða kennara hann
skuli kenna bæði misserin. Dómnefndina skipa skóla-
stjóri, kennarinn, sem hafði kensluna, og bekkjarkennar-
inn. Skulu þeir, svo oft sem því verður við komið, hlýða
á kensluna, allir í senn eða hver í sínu lagi, en síðar
eru haldnir umræðufundir um kenslu kennaraefnisins.
í Uppsölum hlýddi jeg á þessar umræður og fóru þær
þar fram vikulega og á almennum kennarafundi. Lýsti