Jólablað félagsins Stjarnan í austri. - 24.12.1920, Qupperneq 28

Bandalag trúarbragðanna.
Nú síðast Iiðið sumar var stofnaður félagsskapur, er hefir sett
sér fyrir mark og mið að vinna að bræðralagi meðal trúarbragð-
anna. Forvígismenn þessa félagsskapar þykjast sjá, að þar sem trúar-
lífið er einn meginþáttur hugsanalífsins, bæði með heilum þjóðum
og einstaklingum, verður að taka fult tillit til þess nú, þegar reynt
verður að stemma stigu fyrir því að hatur þjóða á milli geti leitt
af sér aðrar eins hörmungar og það hefir gert hin síðustu árin.
Þjóðernishatrið líður aldrei að fullu undir lok, ef trúarhatrið, sem
talið hefir verið einhver hin heiftúðugasta tegund hatursins, fær að
leika lausum hala, án þess að nokkuð sé aðgert. Forvígismenn
þessa félagsskapar (the League of Religions), ætlast þó ekki til
þess, að nokkur félagsmaður hans hneigist að nokkru leyti frá trú
sinni; síður en svo. Hann getur skoðað trú sína áfram sem full-
komnustu trúna. En hann reynir að hafa þau áhrif á trúbræður sína,
að þeir vinni að því að vernda friðinn með þjóðunum. Dandalag
trúarbragðanna, segja þeir, á að vera hin andlega eftirmynd af því
þjóðabandalagi, sem verið er að reyna að koma á laggirnar. Það á
að vera sem samvizka þjóðanna, er varar þær við að steypa sér út
í taumlausa eigingirni, er leiðir fyr eða síðar af sér stríð og blóðs-
úthellingar. Vér skulum reyna, segja forvígismenn þessa bandalags,
að halda vörð um friðinn í heiminum.
Slíkur félagsskapur ætti að eiga og á, að öllum líkindum, víst
fylgi, þar sem félagsmenn »Stjörnunnar í austri« er að finna. Þeim
ber framar flestum öðrum að vinna að sætt og bræðralagi með öll-
um trúarbrögðum, sökum þess, að þeir vænta komu trúarleiðtogans,
mannkynsfræðarans, sem kemur ekki að eins til þess að kunngera
einhverri einstakri þjóð eða trúarbragðadeild sérstök sannindi, heldur
til þess að hjálpa öllum þjóðum.
Vér sjáum í þessu, sem í svo mörgu öðru, að unnið er á ýmsum
26