Jólablað félagsins Stjarnan í austri. - 24.12.1920, Side 53

Enn ríkir kuldi og klaki’ í sál
kristinna manna svo víða.
Enn raska hefndar- og heiftræknisbál
heimilisfriðinum blíða.
Enn þá er réttinum ranglega skift —
réttlætisgyðjan oft völdum svift!
Hver má ei gráta sín gengnu spor?
Guð vor, ó, líkna oss öllum!
Lít þú í mildi og miskunn til vor —
mæt oss, er á þig vér köllum!
Skaðlegar stefnur vér höfum hylt, —
heimsmenning vorri frá rótum spilt!
Gerum því allir í Guðs nafni bót!
Gjörbreytum lífi og stefnum.
Horfum svo vondjarfir himninum mót, —
heitstrengjum, lofum og efnum!
Guð blessi heit vor og hjartans mál!
Helgist þér, Kristur, hver mannleg sál!
I/aldimar V. Snævarr.