Jólablað félagsins Stjarnan í austri. - 24.12.1920, Side 94

Glæddu þann guðlega neista,
guði er óhætt að treysta,
hvað sem breytist og hvernig sem fer.
Hann er í fjallinu hæsta,
hann er í sandkorni smæsta,
hann er í öllu — og einnig í þér.
Guðm. Einarsson.
0
Úr ræðu Shri Krishna.
Lítið á þessa fögru skógarviði. Þeir krefjast einskis. Þeir veita
að eins því viðtöku, sem jörðinni, himninum, sólunni, nóttunni og
deginum þóknast að veita þeim. Þó veita þeir öllum mönnum og
málleysingjum forsælu, sem vilja verða hennar aðnjótandi. Auk þess
veita þeir öllum ávexti, lim og safa, sem vilja. — Þannig ættuð og
þér að vera, því að þeir eru alt of fáir, sem lifa að eins til þess
að veita öðrum mönnum unað og sælu.
Og gætið þess, að enginn maður fæðist inn í þennan heim, að
eins af því, að hann hefir sjálfur þráð að lifa hér á jörðu, heldur
af því, að það er vilji hins guðdómlega kærleika, að hann fæðist
annara vegna. Og maðurinn lifir þá fyrst eðlilegu lífi, er hann lifir
samkvæmt miðlunar- og móttökulögmálinu.
Menn furða sig oft á því, að þeir lenda hvað eftir annað í vand-
ræðum hér í heimi. En vandræðin eiga rót sína að rekja til þess,
að þeir hafa gleymt því að rækja skyldur sínar við mannkynið. Þá
verður lífið þeim gáta, sem þeir fá ekki ráðið og þá fá þeir hvorki
skilið skapara sinn né tilveruna. Lifið því ekki að eins sjálfum yður,
92