Iðunn : nýr flokkur - 01.07.1926, Page 6

168
Einar Benediktsson:
IÐUNN
Saga og Bragi segja ættir;
sjói brúa kyns vors þættir.
Göfgar hrukku ei hvarmajel;
hvergi bundust trúrri sættir.
Hildigunni Goðabrúði
grið og hefnd jafnt sómdi vel.
ísland virti þótta og þel
þess, er hurðir Flosa knúði.
Norræn okkur tengir tunga,
tívaræðan forna, unga.
Hirðfrjáls andi að hróðri og skál
hugi batt við orðið þunga.
Þann er fimmtardóminn dreymdi
dauðasvæfði Flosabál.
Enn þar Hjeðni Haralds mál
hreint í bana af vörum streymdi.
Frændur, yngjum aldnar tryggðir.
Akrar bíða. Hvessum sigðir.
Drýgjum, eins og drottinn bauð,
dáðir lífs um Eiríks byggðir.
Norðurs menn á norðurs jarðir!
Námslönd fylkjum rík og auð —
eins og frævi á duptin dauð
dreifa loptsins farandhjarðir.