Kirkjuritið - 01.09.1953, Page 68

214
KIRKJURITIÐ
Við sólarlag.
Svo nefnist bók eftir frú Guðbjörgu Jónsdóttur á Brodda-
nesi, sem andaðist síðast liðið haust.
Barst bókin vinum hennar eins og hinzta kveðja, og andaði
ástúð og fegurð frá hverri línu. Það var sem Guðbjörg væri
sjálf komin í anda og lýsti því, hvemig lífið blasti við henni
við sólarlag.
Hún var blind nokkur síðustu æviárin, en bar þá raun með
mikilli þolinmæði og guðstrausti. Náttúrufegurðin í Brodda-
nesi stóð henni lifandi fyrir hugarsjónum, og þar var Eyjar-
hyman drottning, tignarleg og glæst. Enn skýrar sá hún minn-
ingar sinnar löngu ævi.
Hún hefir lýst mörgum þeirra í „Gömlum glæðum“ með
þeim hætti, sem þjóðkunnugt er orðið. En hér bætast ýmsar
nýjar við, sem einnig munu verða merkir drættir í þjóðlífs-
mynd. Aðstaðan til þess að semja bók er að sönnu stórum
breytt. Áður skrifaði hún allt sjálf og gat borið saman hvað
eina, en nú sat hún í myrkrinu og sagði fyrir, hvað skrifa
skyldi.
Þannig hefir allt verið látið halda sér. Bókin er óbreytt eins
og hún kom frá vörum hennar. Svo er einnig bezt farið. Fyrir
því er þetta einstæð bók hér á íslandi og þótt víðar væri leitað:
Áttræð kona, sem misst hefir sjónina, lýsir lífi sínu og lífs'
skoðun að leiðarlokum. Þykir mér ekki ólíklegt, að slík bók
verði talin því merkari sem lengra líður og muni ekki gleymast
í íslenzkri bókmenntasögu.
Það er einnig þakkarefni — ekki sízt á þessum tímum, er
svo mikið berst að af óhroða bæði að efni og formi — að eignast
bók, þar sem ekkert er annað en fallegt og siðbætandi og nkir
bjartsýn trú á Guð og það, sem gott er. Á. G-
„Kristen Ungdom"
heitir myndskreytt tímarit, sem gefið er út í Noregi og hefm
náð þar mikilli útbreiðslu. Eins og nafnið bendir til, er þetta
kristilegt tímarit, en ræðir þó flest áhugamál æskunnar, birtir
smásögur og ferðaþætti og annað efni til fróðleiks og skemmt'
unar. Tímarit þetta er fölbreytt að efni og skemmtilegt og a
erindi til ungs fólks og allra, sem áhuga hafa fyrir heilbrigðu
lífi. Það kostar 20 norskar kr. á ári. Ó. J- Þ-