Kirkjuritið - 01.09.1953, Page 77

INNLENDAR FRÉTTIR 223
Prestakalli í aldarfjórðung, og voru þeim hjónum þökkuð störf
þeirra.
^rú Helga Skúladóttir,
ekkja séra Péturs Jónssonar á Kálfafellsstað, andaðist hér í
bænum 17. júlí, 87 ára að aldri.
Skálholtshátíð
var haldin að venju síðustu ára sunnudaginn næstan Þorláks-
messu á sumri (20. júlí). Hófst hátíðin með guðsþjónustu, dr.
Friðrik Friðriksson prédikaði, en dr. Bjarni Jónsson vígslu-
biskup þjónaði fyrir altari. .Aðalræðu á útisamkomu flutti dr.
Björn Sigfússon háskólabókavörður.
Norræna bindindisþingið,
hið 19. í röðinni, var háð í Reykjavík með miklum myndar-
brag og veglegum hátíðahöldum 31. júlí til 6. ágúst. Mun verða
nánar sagt frá því í jólahefti.
Séra Finn Hasselager,
ungur prestur frá Kaupmannahöfn, og frú hans hafa ferðazt
í sumar hér um landið til þess að kynnast því og þjóðinni. Er
uiikil ánægja að komu slíkra gesta sem þeirra.
Aðalfundur Prestafélags Austurlands
var haldinn á Vopnafirði mánudaginn 27. júlí 1953. Flestir
fundarmanna voru viðstaddir kirkjuhátíð á Vopnafirði daginn
áður.
1- Aðalumræðuefni fundarins var altarissakramentið. Tóku
allir fundarmenn til máls. Var það sameiginlegt áhugamál
þeirra allra, að altarisgöngur yrðu almennari, söfnuðum til
blessunar.
2 Þegar safnaðarfulltrúar voru viðstaddir á fundinum, var
samþykkt með öllum greiddum atkvæðum svohljóðandi ályktun:
„Fundur presta og safnaðarfulltrúa úr Norður- og Suður-
Múlaprófastsdæmum lýsir því yfir, að hann telur brýna nauð-
syn umbóta um kirkjubyggingar við sumar kirkjur prófasts-
dæmanna og tekur Valþjófsstaðarkirkju þar til dæmis, sem nú
er ómessufær. Lýsir hann ánægju sinni yfir frumvarpi því, sem
lá fyrir Alþingi um Kirkjubyggingarsjóð, og telur það bæta úr
brýnni þörf, ef samþykkt verður".
3. Ennfremur var samþykkt eftirfarandi tillaga í einu hljóði: