Eimreiðin - 01.01.1931, Blaðsíða 98

78
RAUÐA DANZMÆRIN
EIMREIDIN
Mata Hari býður frönsku ieynilögreglunni
aðstoð sína.
Engin orð fá lýst undrun starfsmannanna á skrifstofum
leynilögreglunnar í París, þegar Mata Hari kemur þangað
einn góðan veðurdag og biður um að fá að tala við einhvern
af yfirmönnunum. Það er vafasamt, hvort nokkurntíma hafi
jafn velkominn gest borið þar að garði, enda stóð ekki á því,
að henni væri vísað inn í hið allrahelgasta í þessari ramgerðu
byggingu, og var þar tekið á móti henni af heilum hóp yfir-
manna, sem biðu þess með eftirvæntingu, að hún tæki til máls.
Mata Hari kvaðst vera komin til að ganga í þjónustu
franska njósnarliðsins, lýsti hæfileikum sínum til þess starfa
og taldi upp fjölda tíginna manna, í ábyrgðarmiklum embætt-
um, bæði í Berlín og víðar, sem hún væri nákunnug.
»En þér verðið að afsaka, frú mín, þó að við förum gæti-
lega í að taka tilboði yðar«, sagði Ledoux kapteinn. »Hvað
vakir fyrir yður með því að bjóðast til að takast þetta starf
á hendur? Þér eruð hollenzkur þegn. Ekki getur það verið
föðurlandsást, sem knýr yður af stað, og þó hlýtur eitthvað
meira en lítið að liggja á bak við þá ákvörðun yðar, að vilja
takast slíkt sfarf á hendur, sem vel gæti kostað yður lífið*.
»Hér er alls ekki að ræða um föðurlandsást, herra kapteinn,
og ekki heldur nein svik, því Þýzkaland er ekki ættjörð mín.
Frakkland á samúð mína óskifta, og ég er fús til að vinna
fyrir Frakkland, ef ég fæ það vel borgað. Eg er í voðaleg-
um fjárkröggum*.
Þetta svar Mötu Hari var í meira lagi grunsamlegt, bar
sem hún hafði um þessar mundir samning um danzsýningar,
sem hún fékk vel borgaðar. Hún hafði heldur ekki eytt þeim
peningum, sem hún fékk fyrir húsgögnin úr húsi sínu í Neu-
illy. Auk þess hafði hún ótal önnur áhættuminni ráð til að
afla sér peninga en að njósna gegn Þjóðverjum.
»Úr því þér grunið mig um græsku, af því ég er frá hlut-
lausu landi, skal ég gefa yður sönnun fyrir hollustu ininni
við Frakkland nú undir eins, hvort sem þér ráðið mig í þjón-
ustu yðar eða ekki«, hélt Mata Hari áfram.
Vfirmennirnir lögðu nú margar spurningar fyrir Mötu Hari