Eimreiðin - 01.01.1931, Blaðsíða 122
102
MÆRIN FRÁ ORLEANS
EIMREIÐIN
þannig á bálið. Um leið má segja að hún hafi verið með
fyrstu fulltrúum hins franska einveldis. En þegar hún gerðist
mótmælandi, þ. e. mótmælir sem einstaklingur helgum mönn-
um sem milliliðum guðs og manna, þá er hún líflátin.
Með starfi sínu varð mærin frá Orleans átrúnaðargoð
frönsku þjóðarinnar. Þegar örðugir tímar styrjalda og sorga
dundu yfir hina frönsku þjóð, sáu þeir meyna frá Orleans,
svífandi skýjum ofar, áminnandi þá um að vera staðfastir og
ekki láta bugast. Old eftir öld hafa þeir fléttað nafn hennar
inn í bænir sínar, hún hefur þannig orðið dýrðlingur þjóðar
sinnar. Þjóðin sá, í hvað mikilli þakkarskuld hún var hjá
þessari stúlku, hún gleymir henni því aldrei. En skömmu eftir
ófriðinn mikla var hún með kostum og kynjum hafin í helgra
manna tölu af páfa. —
Það er einkennilegt að taka eftir því, að þegar einhverjar
þjóðir eða einstaklingar eru komnir í mestu þrautir og niður-
lægingu, þá kemur oftast nýr kraftur fram hjá þeim, sem
vísar veginn til ljóssins, út úr hörmungunum. Eitt slíkt fyrir-
brigði er Jeanne d'Arc, og um nafn hennar stendur sá ljómi,
sem seint mun fyrnast.
Geir Jónasson.
Otvarp umhverfis hnöttinn. Núna í sumar talaði einn slyngur
náungi vestur í Bandaríkjum við sjálfan sig umhverfis hnöttinn. Tilraunin
fór fram frá radíostöðinni í Schenectady. Frá þessari sömu stöð höfðu
menn áður skrafað við Byrd suðurpólfara suður á Nýja-Sjálandi. Og
frá sömu stöð rabbaði Charles Kingsford-Smith 26. júní síðastl. við
móður sína og kunningja í Sidney í Ástralíu. Hversvegna skyldi þá ekki
vera haegt að rabba við sjálfan sig í kringum hnöttinn?
Tilraunin var framkvæmd 30. júní og tókst ágætlega. Radío-fræðing-
unum í Schenectady hugkvæmdist, að með því að endurvarpa frá Phillips-
útvarpsstöðinni í Hollandi og á Java mætti ná austur til Ástralíu, og frá
stuttbylgjustöðinni í Sidney væri síðan hægt að framkvæma útvarpið um-
hverfis hnötlinn til fulls. Maðurinn, sem talaði við sjálfan sig umhverfis
hnöttinn, heitir C. D. Wagoner. Röddin fór frá Schenectady um Huizen í
Hollandi, Bandoeng á Java og Sidney í Ástralíu, og kom aftur fram í
Schenectady eins og bergmál einum áttunda úr sekúndu eftir að hún
lagði af stað, og svo skýrt, að auðvelt var að skilja orðin. Vegalengdin
er um 37000 kílómetrar.