Eimreiðin - 01.01.1931, Blaðsíða 52

32
REIKNINGAR ISLENZKA RÍKISINS
eimreiðin
verzlunar, og færðar á sjóðreikning eingöngu. Sá hluti tekna
Áfengisverzlunarinnar á árinu 1926, sem innborgaður var í rík-
issjóðinn 1927, verður því aldrei talinn með tekjum ríkisins >
rekstursreikningi þess. Hefur hér einnig verið brotin sú regla
að telja tekjur ríkisstofnana á rekstursreikningi ríkisins, er
þær innborgast, og afleiðingin orðið sú, að upphæð þessi
kom aldrei fram á rekstursreikningi. Færslan 1927 er út af
fyrir sig rétt, og hefði eigi valdið neinni röskun, ef rétt hefði
verið fært 1926, og tekjur verzlunarinnar allar færðar á
rekstursreikning það ár, en sá hluti þeirra, sem ekki var þá
þegar innborgaður, semskuld Afengisverzlunarinnar við ríkissjóð.
2. 1 landsreikningi fyrir árið 1925 eru símatekjur taldar
liðl. kr. 1.468 þús., en samkvæmt reikningi landssímans fyrir
það ár eru tekjur hans liðl. kr. 1.429 þús. í landsreikningi
eru innborganir frá landssímanum taldar tekjur hans, en í
símareikningnum eru taldar hinar raunverulegu tekjur símans
það ár. Upphæðin í landsreikningum verður hærri vegna þess,
að meira er borgað inn af eftirstöðvum fyrra árs hjá landssírnanum.
I landsreikningi 1929 eru símatekjur taldar kr. 165 þús-
undum lægri en í reikningi símans, eða sem nemur eftir-
stöðvum af tekjum ársins, og stafar mismunurinn af því, að
upphæð þessi var eigi innborguð um áramót.
Af dæmum þessum verður ljóst, að allar tekjur eru eigi
færðar á landsreikning á því ári, sem þeirra er af/að. Er
reikningsfærslu þessari þann veg farið, að ekkert einkafyrir-
tæki, sem sæmilega bókfærslu hefur, mundi telja slíkt full-
nægjandi. Verða engin eðlileg rök færð fyrir því, að öðruvísi
þurfi að haga reikningum ríkisins í þessu atriði en annara
stofnana. Tekjur símans eru tekjur ríkisins, og ber að telja
þær á ríkisreikningi þess árs, sem þeirra er aflað á, enda
þótt einhver hluti þeirra hafi eigi verið innborgaður í sjálfan
ríkissjóðinn, þegar reikningar eru gerðir upp. Sama máli
gegnir um tekjur annara þeirra stofnana, sem beinlínis eru
reknar fyrir reikning ríkissjóðs og honum til hagsmuna.
Sumir kunna að álíta, að slælega mundi gengið fram um
innheimtu teknanna í ríkissjóðinn, ef telja bæri þær á reksturs-
reikningi, þótt eigi væru að fullu innborgaðar í ríkissjóðinn
sjálfan. Verði umbótatillögum þeim, sem nefndar eru hér á